11/21/2019
Today from Hiiraan Online:  _
Wararka Maanta- Isniin, Oct 14, 2019
Dibadbax looga soo horjeeday howlgalo ay sameeyeen ciidamada oo ka dhacay Jowhar


 

Isniin, October, 14, 2019 (HOL)- Wararka naga soo gaaraya degmada Jowhar ee xarunta u Dowlad gobolleedka Hirshabeelle ayaa sheegaya in ay halkaa isugu soo baxeen Boqolaal dadweyne ah oo ka careysnaa howlgal ay sameeyeen ciidamada Amaanka.

Qaar ka mid ah jidadka degmada dhaxmara ayeey dadka isku soo baxay ku shideen Taayirada Gaadiidka iyaga oo sidoo kalana meelaha qaar dhagax-tuurayay goobaha ganacsiga.

Mas'uuliyiinta Jowhar qaarkood oo la hadlay dadka isku soo baxay ayaa ugu baaqay in ay isdejiyaan oo ku kalsoonoodaan  maamulkooda.

“Dadka la qabqabtay waxaa lagu samey-nayaa baaritaan cidii aan wax lug  ah ku lahayn falkii xalay lagu diley guddoomiye ku xigeenkii amniga  gobolka Muxumad Sugaal waa la sii deyn doonaa,”ayuu yiri guddoomiye  Baarey.

Dadka ayaan careysnaa Boqolaal dad ah oo ay howlgalka ku qab qabteen ciidamada, kuwaa oo la sheegay in loo bartilmaameedsanayay si aan kala sooc laheyn. 

Wararka Jowhar ayaa sidoo kale sheegaya in ciidamadu gurigiisa ka wateen Weriye Cabdicasiis  Macalin Foolyarey oo ka mid ah Wariyayaasha ka howlgala Jowahar.

Magaalada Jowhar ayaa xalay weerar Bambaano lagu dilay guddoomiye ku-xigeenkii Amniga gobolka Shabeellaha Dhexe iyo Wiil Yar oo uu dhalay.

C/raxmaan Diini, Hiiraan Online
[email protected]

 

 











Click here
10/14/2019 3:53 PM EST
Isniin, October, 14, 2019 (HOL)-Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa maanta ku qaabilay Muqdisho Agaasime goboleedka Hey’adda Caalamiga ee Socdaalka (IOM) xafiis goboleedkeeda Bariga iyo Geeska Afrika, Mudane Mohammed Abdiker, oo uu kala hadlay dhowr arrimood oo ahmiyad wadaag leh, oo ay ku jirto u fidinta taageerrada laga-maarmaanka ah ee muhaajiriinta Soomaaliyeed ee ku sugan dhowr dal oo Afrika, Aasiya iyo Yurub , iyaga oo ku jira xerooyin ay kala kulmayaan xaalad daran oo nololeed.

10/14/2019 9:17 AM EST
Isniin, October, 14, 2019 (HOL)-Maanta oo Isniin ah ayaa la dhammaystiray darbiga wayn ee loo dhisay dhul loogu tala galay in laga dhiso Masaajid iyo Mac'had diini ah. dhulkan ayaa ku yaal gudaha Kililka.

10/14/2019 8:36 AM EST
Isniin, Octobar 14, 2019 (HOL )–Xoghayihii arrimaha dibadda ee xisbiga mucaaradka ah ee WADDANI Faadumo Siciid ayaa maanta iska casishay xilkii iyo xubinimadii xisbiga ay ka haysay.

10/14/2019 8:12 AM EST
Isniin, October, 14, 2019 (HOL)-Aqoonyahanka diinta ku adag ee Qays Saciid, oo siyaasadda ku cusub, ayaa guul aad u weyn ka gaaray doorashadii kala baxa ahayd ee Tunisia, isaga oo ka adkaaday maal-qabeenka warbaahinta, Nabiil Quray, sida ay muujineyso natiijo horudhac ah.

10/14/2019 6:42 AM EST
Isniin, October, 14, 2019 (HOL)-Madaxweynaha dowladda Soomaaliya Maxamed Cabdullaahi Farmaajo oo war ka soo saray Labo Sanno Guuradii ka soo wareegtay Qaraxii lagu hoobtay oo maanta oo kale 14kii October 201 ka dhacay magaalada Muqdisho ayaa ku tilmaamay in uu ahaa mid xusuus gaar ah muddan.

10/14/2019 4:52 AM EST
Isniin, October, 14, 2019 (HOL)- Xildhibaanno ka tirsan dowlad gobolleedka Puntland oo shir jaraa'id ku qabtay magaalada Garoowe, ayaa ku eedeeyay madaxweyne Saciid Cabdullaahi Deni in uu ku fashilmay hoggaamintii maamulka.

10/14/2019 2:54 AM EST
Isniin, October, 14, 2019 (HOL)-Wakiilka Xoghayaha Guud ee Qarramada Midoobey u qaabilsan Soomaaliya, James Swan ayaa ka hadlay Qarixii Maanta oo kale 14-kii Bishii Octoober ee sanadkii 2017 ka dhacay magaalada Muqdisho oo ay dad badan ku dhinteen.

10/14/2019 1:54 AM EST
Isniin, October, 14, 2019 (HOL)-Wararka laga helayo degmada Dhuusa-Mareeb ee xarunta maamul gobolleedka Galmudug ayaa sheegaya in ciidamada Booliiska degmada toogasho ku dileen shaqsi hubeysnaa oo isku dayay in uu gudaha u galo Saldhiga Boolis.

10/14/2019 1:40 AM EST
Isniin, October, 14, 2019 (HOL)- Madaxda dowladda Federaalka Soomaaliya ayaa isku diyaarinayay saakay ka qeybgalka isku soo baxyo lagu maamuusayay Labo Sano kaddib dadkii ku dhintay Qaraxii 14kii October sanadkii 2017da ka dhacay Isgoyska Zoobe ee magaalada Muqdisho.

10/14/2019 1:29 AM EST
Isniin, October, 14, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa war ka soo saaray dilkii magaalada Jowhar loogu geystay gudddoomiye ku-xigeenkii Amniga gobolka Shabeellaha dhexe iyo Wiil uu dhalay kaddib weerar Bambaano oo lagu qaaday guri uu ka deganaa magaalada.