Xoghayihii Arrimaha Dibadda ee xisbiga WADDANI oo xilkii iyo xisbigiiba iska casishay
Isniin, Octobar 14, 2019 (HOL )–Xoghayihii arrimaha dibadda ee xisbiga mucaaradka ah ee WADDANI Faadumo Siciid ayaa maanta iska casishay xilkii iyo xubinimadii xisbiga ay ka haysay.
Faadumo Siciid ayaa sheegtay in
si iskeed ah uga tagtay xisbigii ay ka tirsanayd, islamarkaana ay door biday
inay noqoto siyaasi madax banaan.
Marwo Faadumo ayaa sheegtay in
siyaasadii Somaliland noqotay mid sidii la rabay ka hooseysa, isla markaana ay
damiirkeedu siin waayey inay xisbiyada aanay waxba ka bedeli Karin sii dhex
joogto.
“Markan arkay siday wax u jiraan
iyo marxadalaha lagu jiro, ma jiraan mucaarad adag iyo muxaafad adag, waxaanay
siyaasadii noqotay wax aan lagu milmi Karin, waxaana door biday inaan noqdo
siyaasi madax banaan oo aragtidiisa ay madax banaan tahay”ayey tidhi Faadumo
Siciid.
Faadumo Siciid ayaa ahayd
haweenay aad ugu firfircoon arrimaha xisbiyada iyo bani’aadanimada, waxaanay
aad u dhaliili jirtay xukuumadihii kala dambeeyey ee xisbiga KULMIYE oo ay si
weyn uga soo horjeeday.
Barkhad-ladiif M. Cumar, Hiiraan Online
[email protected]
Hargeysa, Somaliland.