Axad, Maarso ,26 , 2017 (HOL) – Dooxa weyn ee Aw Barkhadle ee u dhexeeya
Hargeysa iyo Berbera aya laga soo sheegayaa in uu gaari iyo saddex qof oo la socday uu qaatay, taas
oo hadda lagu jiro baadi doonta dadkaasi.
Roobab waaweyn ayaa xalay illaa maanta ka da’ayey
deegaanadda galbeedka Somaliland, waxaana xalay roob weyn ka da’ay magaalada
Gabiley, Wajaale iyo Boorama ayaa iyagana laga soo sheegayaa roobab lagu
diirsaday.
Magaaladda Hargeysa galabta Roob lagu qabowsaday ayaa ka da’ay,
hasse ahaatee waxa soo rogmaday dooxyada Arabsiyo, Aw barkhadle iyo Dacar Budhuq,
taas oo gaadiidkii mari lahaa laga joojiyey, iyadoo wararku sheegayaan in
gaadiid badan ku xaniban yihiin Dooxyaddaasi oo biyo badani socdaan.
Sidoo kale, deegaanno badan oo Somaliland ayaa laga soo
sheegayaa roobab mahiigaan ah oo ka da’ay, iyadoo khasaarooyinkii u horeeyey ee
ka dhashay roobabkaaasi hada la soo sheego, waxaana wararku intaas ku darayaa
in gaadhiga ay la socdeen saddex qof oo laba dumar ahaayeen.
Barkhad-ladiif M. Cumar, Hiiraan
Online
[email protected]
Hargeysa, Somaliland