3/29/2024
Today from Hiiraan Online:  _
Wararka Maanta- Arbaco, Mar 26, 2017
Hay'adda HARO oo Raashin Qaybin iyo Biyo Dhaamin ka Sameysey Gobolada Bay, Bakool


Axad, Maarso, 26, 2017 (HOL) –Hay'adda Humanitarian African Relief ee HARO oo ka mid ah Hayadaha Samafalka ee ka Howl gala dalka  Soomaaliya  ayaa gargaar Raashin ah ka  qaybisey Magaalada Xudur ee Gobolka Bakool  waxaana Raashinkaas la siiyey Qoysas ka kala yimid Degmooyinka Gobolka Bakool iyadoo raashinkaas ka Faaiideystey Qoysas gaaraya 400 oo Qoys.

Mas’uuliyiinta Hay’adda HARO oo Goobta raashinka lagu qaybinayey ka hadley  ayaa sheegay in raashinkan uu qayb ka yahay Gurmadka loo fidinayo  dadka ay Abaarahu saameeyeen  ee  Gobolada Bay Bakool iyo Gedo.

Sidoo kale, Mas’uuliyiinta ka socday Maamulka  Koonfur Galbeed oo iyana ka hadley Goobta  ayaa iyaguna si weyn u soo dhaweeyay tallaabadan deeqdan raashinka ah lagu qaybiyey dadka ay Abaaruhiu saameeyeen sidoo kale Masuuliyiintaas  waxay u soo jeediyeen Hayadaha kale in ay ku dayadaan hayadda HARO.

eDhinaca kalE Hayadda HARO ayaa Biyo dhaamin ka sameysey Gobolka Bay gaar ahaan degmada Buur Hakaba iyo Tuulooyin hoos yimaada Degmada Baydhaba, sida Idlow, Caasho Gaabo, Tumaale, Haare, Abees Garwaale, Laan Buule, Makubo ADC, Daanyeereey iyo kuwa kale waxaaan Biya Dhaamintaa Kormeerayey Masuuliyiin ka tirsan Hayada HARO iyo Masuuliyiin ka tirsan Maamulka Koonfur Galbeed.

Dadkii loo qaybiyey Raashinkaas iyo kuwii Biya Dhaaminta ka Faaideysatey  ayaa u mahadceliyey  Hayada  HARO , sidoo kale waxay u Mahadcliyeen Jaaliyada  Seattle ee Washington  oo uu Hormuud ka ahaa  Masjidka Abuubakar Sadiiq  Islamic Center ee Seattle  iyo Jaaliyada Reer Santiago ee California  Masjidka Al Ansaar  iyo Al Huda slamic Center.

Ugu dambeyn, Abaarihii dhawaan ku dhuftay qaybo ka mid Soomaaliya, ayaa saameyn xoog leh ku yeeshay Dadka iyo Duunyada iyadoona dad badan oo xoolo-dhaqato ahaa ay Magaalada ku soo yaaceen, ka dib markii ay ka dhamaadeen xoolihii ay dhaqan jireen.

Mustaf Hussein
[email protected]

Mogadishu, Somalia 













Click here
3/26/2017 2:37 PM EST
Axad, Maarso ,26 , 2017 (HOL) – Dooxa weyn ee Aw Barkhadle ee u dhexeeya Hargeysa iyo Berbera aya laga soo sheegayaa in uu gaari iyo saddex qof oo la socday uu qaatay, taas oo hadda lagu jiro baadi doonta dadkaasi.

3/26/2017 11:05 AM EST
Axad, Maarso ,26 , 2017 (HOL) – Madaxweynaha Somaliland Axmed Maxamed Siilaanyo oo safar shaqo ku jooga goboladda bariga ayaa saaka hiirtii waabari socdaal ku maray deegaanadda laga wado sahaminta Shiidaalka iyo macdanta ee Togdheer, ka dibna dib usu soo laabtay magaaladda Burco oo uu kaga qaybgalayey daah furka bilowga sahaminta shiidaalka oo maalmahan ka socday goboladda qaar.

3/26/2017 10:22 AM EST
Axad, Maarso ,26, 2017 (HOL)-Dhallinyaro reer Hargeysa ayaa bandhig lagu xayeysiinayo dharka ku qabtay magaaladda Hargeysa, taas oo keentay hadal hayn badan iyo in dhalinyartaasi lagu dhaliilo.

3/26/2017 9:07 AM EST
Axad, Maarso, 26, 2017 (HOL) –Laba Qarax, ayaa maanta ka dhacay degmooyinka Waaberi iyo Dharkeynleey ee magaaladda Muqdishu, sida saraakiil iyo goob-joogayaal ay u sheegeen Hiiraan Online.

3/26/2017 9:07 AM EST
Axad, Maarso, 26, 2017 (HOL) –Laba Qarax, ayaa maanta ka dhacay degmooyinka Waaberi iyo Dharkeynleey ee magaaladda Muqdishu, sida saraakiil iyo goob-joogayaal ay u sheegeen Hiiraan Online.

3/26/2017 7:24 AM EST
Axad, Maarso, 26, 2017 (HOL) – Xubno ka tirsan gollaha wasiirada dowlad gobolleedka Hirshabeelle oo maanta shir jaraa’id warbaahinta ugu qabtay magaalada Beledweyne ayaa wax qabad la’aan ku eedeeyay Qaramada Midoobay, xili abaar adag ay ka jiraan sida ay hadalka u dhigeen deegaannada uu maamulka ka arimiyo.

3/26/2017 6:39 AM EST
Axad, Maarso, 26, 2017 (HOL) – Wararka naga soo gaaraya magaalada Jowhar ee xarunta gobolka Shabeellaha dhexe ayaa sheegaya in mid ka mid ah ciidamada dowladda Soomaaliya halkaa ku dilay nin dhalinyaro, isaga oo sidoo kalana dhaawacay gabar la dhalatay marxuumka.

3/26/2017 5:47 AM EST
Axad, Maarso, 26, 2017 (HOL) – Labo caruur ah ayaa lagu waramayaa in ay ku dhinteen, saddex kalana waa ay ku dhaawacmeen qarax ka dhacay deegaan ku yaala xadka dowladda Kenya, gaar degmada Mandheera.

3/26/2017 5:03 AM EST
Axad, Maarso, 26, 2017 (HOL) –Ra’iisal Wasaaraha Xukumadda Federaalka Soomaaliya Mudane Xasan Cali kheyre, ayaa xalay Isbitaalo ay ku jireen ku booqday bukaano ay ka mid yihiin fananada Saynab Xaaji Cali Baxsan, sii hayaha xilka wasiirka dekadaha iyo gadiidka badda , Abwaan Maxamuud Cabduulahi Ciise Singub ,film qaade Cabdixamiid Karazay oo ka tirsan Tvga Universal iyo hooyadda xildhibaan Cabdifataax Geesay.

3/26/2017 3:43 AM EST
Axad, Maarso, 26, 2017 (HOL) –Koox hubeysan ayaa xalay Magaaladda Laascaanood, siyaabooyin kala duwan uga geystay dilal qorsheeysan.

3/26/2017 2:14 AM EST
Axad, Maarso, 26, 2017 (HOL) – Wasiirkii hore ee Arrimaha Gudaha maamulka khaatuma Yaasiin Axmed Sulub, ayaa ku geeryooday magaaladda Diri-dhaba ee Dalka Itoobiya, sida masuuliyiin maamulka Khatumo ka tirsan ay sheegeen.

3/26/2017 2:10 AM EST
Axad, Maarso, 26, 2017 (HOL) – Ra’iisal wasaare Xassan Cali Kheyre iyo gollihiisa wasiirada cusub ee uu dhawaantan magacaabay ayaa durbaba wajahaya caqabad iyo culeys siyaasadeed oo uga imanaya xildhibaannada baarlamaanka Soomaaliya ka hor inta aan la horgeyn gollaha shacabka.