Ciidamada Nabad sugida oo kala fur-furay Qarax la dhigay guri uu deganyahay Xildhibaan
Jimco, Maarso, 24, 2017 (HOL) -Ciidamadda Nabad sugida maamulka Galmudug ee Soomaaliya, ayaa kala fur-furay, waxyaaba Qarax oo la dhigay iridka hore ee guriga Xildhibaan C/laahi Cumar Geseey.
Wariye ku sugan Magaaladda Cadaado, ayaa Hiiraan Online u sheegay, in ciidamadda maamulka, ay dadka shacabka ku wargaliyeen qaraxa.
"Waxyaabaha Qarxa waxaa ay ku jireen daasada Caana-booraha lagu keeno, waxaana ay ka koobnaayeen Radio, tellphone iyo agab kale" Wariye Ahmed Khaliif, ayaa Hiiraan Online u sheegay.
Saraakiisha ciidamadda ayaa wada baaritaan, waxaana lasoo sheegayaa in ciidamo la geeyay guriga Xildhibaanka.
Ma jiro war kasoo baxay, xildhibaanka gurigiisa Qaraxa la dhigay iyo masuuliyiinta laamaha ammniga maamulka.
Maamulka-gobolleedka Galmudug, ayaa isku diyaarinaya doorashooyinka madaxweynaha, maadaama dhawaan uu is-casilay madaxweyne Cabdikariim Xuseen Guuleed.
Hassan Istiila
[email protected]
Mogadishu,Somalia