Guddoomiyaha degmada Buula-burte oo eedeyn u jeediyay mas’uul ka tirsan maamulka G/Hiiraan
Jimco, Maarso, 24, 2017 (HOL) –Guddoomiyaha degmada
Buula-burte Xassan Maxamed Ibraahim ayaa eedeyn culus u jeediyay guddoomiye
ku-xigeenka amniga iyo siyaasada maamulka gobolka Hiiraan Axmed C/dalla
Inji oo ku sugan degmada.
Guddoomiyaha degmada Buula-burte ayaa ku eedeeyay guddoomiye
ku-xigeenka in degmada uu ka abuuray sida uu hadalka u dhigay xiisad
siyaasadeed iyo kicin bulsho, isaga oo
bilaabay ayuu yiri magacaabista gudiyo aan lagu wargalin maamulka degmada.
‘’ Eedeynta aan u jeedineyno guddoomiye ku-xigeenka maamulka
G/Hiiraan ayaa ah magacaabista xubno iyo guddiyo aan lagu soo wargalin maamulka
degmada , sidoo kale waxaa uu warbaahinta ka sii daayay in uu shaqadii maamulka
iga joojiyay sababo aan la aqoon ayuu yiri guddoomiyaha degmada Buula-burte.
Xassan Maxamed Ibraahim ayaa intaa ku darray in guddoomiye
ku-xigeenka maamulka gobolka Hiiraan uu
iskii u sameystay guddiyo ka shaqeeya gurmadka abaaraha , isaga oo ku
wargaliyay in dhaqaallaha ay soo ururiyaan si toos ah loogu soo wareejiyo wareejiyo.
‘’Maamulka gobolka Hiiraan iyo dowlad gobolleedka
Hirshabeelle waxaa weydiisaneynaa in ay arintan soo faragaliyaan, ‘ayuu yiri guddoomiyaha degmada Buula-burte
oo la hadlayay warbaahinta gudaha.
Ugu danbeyntii, guddoomiye ku-xigeenka maamulka gobolka
Hiiraan Axmed Inji kama uusan hadal waxa ka jira eedeymaha loo soo jeediyay.
Hiiraan Online News Desk