12/21/2014
Today from Hiiraan Online:  _
Wararka Maanta- Arbaco, Aug 21, 2013
Madaxweyne Siilaanyo oo Qaabilay Madax-dhaqameedyo ka socday Sool & Sanaag iyo Ujeeddada Socdaalkooda (SAWIRRO)



Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

Waftigan uu hogaaminayay garaadka beesha deegaanka Fiqi-Fuliye Garaad C/laahi Maxamed Guuleed oo ay weheliyaan xubno isugu jiray salaadiin, cuqaal, jiif Caaqilo, madax dhaqameed, aqoon yahano iyo waxgarad kale oo ka tirsan bulshada deegaankaasi, ayaa ka soo kicitimay gobolka Sanaag, gaar ahaan deegaanka Fiqi fuliye ee koonfurta magaaladda Ceerigaabo ee gobolka Sanaag.

Madax dhaqameedka deegaamadda bariga Somaliland ayaa markii ay madaxweynaha la kulmeen ka dib ka waramay ujeedada socdaalkooda iyo arrimahay u yimaadeen magaaaladda Hargeysa.

Afhayeenka madaxweynaha Axmed Saleebaan Dhuxul ayaa ka warbixiyey kulankii madaxweynaha iyo madax dhaqameedkan, waxaanu sheegay inuu madaxweynuhu u soo jeediyey salaadiinta in wax kasta oo xumayn kara horumarinta deegaanadaasi bariga la iska ilaaliyo, isla markaana xukuumaddu diyaar u tahay wax kasta oo loo qabanayo dadweynaha ku dhaqan deegaanada bariga.

Afhayeen Dhuxul ayaa intaas ku daray in xukuumaddda Somalialnd ay dhowaan lix boqol oo maleeshiyo beeleedkii deegaankaasi Fiqi fuliye ka hawlgali jiray ay qaramaysay, isla markaana lagu daray ciidamadda militariga ee Somaliland, kuwaas oo xaquuqdii ciidamadda iyo mushaharkoodiiba loo bilaabay.

Dhinaca kale, Garaad C/laahi Maxamed Guuleed oo ahaa garaadka hogaaminayay weftigan oo isna halkaasi warbaahinta kula hadlaya ayaa ka waramay kulankaasi ay madaxwaynaha iyo ku xigeenka la yeesheen iyo waxyaabihii ay kaga wada hadleen.

“Imaatinkayagu wuxuu ka danbeeyay heshiiskii dhawaan ka dhacay degmada Fiqifuliye, halkaasi oo aanu qaybo dawlada ka mid ahna isku aragnay, iyada oo halkaasi la noogu fidiyay casuumaad in aanu ku nimaadno caasimada Hargaysa, si aanu u dhamays tirno heshiiskaasi ay qaybtiisii hore. Kulankayagani wuxuu ku saabsanaa soo dhawayntii lana soo dhawaynayay, kaasi oo ka soo bilaabmay Caynaba,Burco, Sheekh, Berbera iyo ilaa Hargaysa”ayuu yidhi Garaad Cabdilaahi Guuleed oo ka hadlayey ujeedada ay magaaladda Hargeysa u yimaadeen iyo kulanka madaxweynaha la yeesheen.

Garaad C/laahi Maxamed Guuleed waxa kale oo sheegay in casuumada loo fidiyay iyo imaatinkooda Hargaysa ay u arkaan talaabo wanaagsan oo dadka isku soo dhawaynaysa, waxaanu tilmaamay in ay xukuumada Somaliland heshiiska la galeen ka dib markii ay ogaadeen baahida ay bulshadu isku qabto.

“Waxaanu ugu baaqaynaa dadka kale ee naga danbeeya ee beelahayaga ka midka ah iyo kuwa gobolada barrigaba halkan  ayay wax inoo yaalaan ee haddii uu qofku meel aanay waxba u oolin wax ka doon-doono runtii dhibaato weeyi, markaa waxa fiican haddii uu qofku wax doonayo in uu meesha ay wax u yaalaan ka doon-doono, markaa waxaanu ugu baaqaynaa anagaba waad na aragtaan ee naga dabakaalaya ceebna ma aha”ayuu Garaadku ku daray hadalkiisa.

Booqashadan madax dhaqameedkan ka soo kicitay qaybo ka mid ah Sool iyo Sanaag, ayaa ka dambeeyey heshiish ay xukuumadda wada gaadheen, ka dib markii lix boqol oo maleeshiyo ka tirsan deeganaadi ku soo biiraan ciidanka Somaliland, waxaanay xuseen inay heshiiskaasi wixii ka dhiman la dhamaystiri doonno.





Barkhad-ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

8/21/2013 8:25 PM EST
Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya Siyaasiyiin ka tirsanaa Xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

8/21/2013 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

8/21/2013 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

8/21/2013 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

8/21/2013 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

8/21/2013 9:00 AM EST
Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

8/21/2013 8:53 AM EST
Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

8/21/2013 7:36 AM EST
Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

8/21/2013 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

8/21/2013 2:03 AM EST
Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsn kuwa dowladda ku dhexmaray gobolka Shabeellada Hoose.

8/21/2013 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.