2014-09-21
Today from Hiiraan Online:  _
Wararka Maanta- Arbaco, Aug 21, 2013
Tallaalka dabeysha oo ka billowday Buuhoodle iyo qoraal muran dhaliyay oo lagu faafiyey Magaalada Laascaanood (SAWIRRO)



Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

Duqa degmada Buuhoodle ee maamulka Puntland, Cumar Xaaji Cabdi oo halkaas ka hadlay ayaa aad ugu dheeraaday in tallaalkani loo baahan yahay hawl-wadeennadu inay si feejignaan ah ku bixiyaan oo aysan cidna dhaafin.

Isku-duwaha wasaaradda caafimaadka, Maxamuud Axmed Daad ayaa isna sheegay in tallaalkani uu maanta ka duwan yahay kii hore, isagoo xusay in la tallaalayo dadka ka yar 10-ka sano.

Si kastaba ha ahaatee waxaa si weyn loo hadal hayaa cudurka dabaysha; iyadoo dhawaan laga helay magaalada Laascaanood taasoo dad badan ay walaac iyo wal-wal xooggan ka muujiyeen.

Dhinaca Kale, xarunta gobolka Sool ee Laascaanood ayaa waxaa hareeyay muran ka dhashay talaalka; kaddib markii aqoonyahan lagu magacaabo C/salaan Tungub uu qoraallo uu ku sheegayo in tallaalku uu yahay mid dadka qallajinaya uuu ku faafiyay magaalada.

C/salaan Tungub wuxuu ka mid yahay qurba-joogta dib ugu soo laabtay dalka wuxuuna ku leeyahay gobolka in ka badan toban iskuul oo heerarka kala duwan ah sida dugsi hoose, dhexe iyo sare, taasi oo keenatay inay dad badan  oo uu bare u yahay uu ka dhaadhicyay in talaalku yahay mid khatar ah.

Qoraalkan oo u samaysnaa qaab buug kuna qornaa luqadaha Soomaaliga, Carabiga iyo Ingiriisiga ayaa waxay kusoo beegantay waqti cabsi weyni ka jirto guud ahaan gobolka kaddib markii laga helay hal qof oo uu cudurka dabeyshu asiibay, loona diyaar garoobayay in kooxihii u bixi lahaa safarrada ay diyaar yihiin.

Mas’uuliyiinta caafimaadka iyo maamulka gobolka ayaa C/salaam Tungub la leh wadahadallo si uu raalli-gelin uga bixiyo qoraallada uu sameeyay ee uu ku dacaayadeynayo tallaalka dabeysha, isagoo buugga uu warkan ku sheegay u bixiyay DHAB IYO DHIBCO KOOBAN.

Ma jirin sidii caadadu ahayd munaasabadii dardaaranka ee uu ururka WHO u qaban jiray hawl-wadeenada tallaalka; waxaana loo qaatay oo dadku ku sheekaysanayaan inay tahay mid looga dedejiyay inaan hadalku bulshada ku dhex faafin.

Ma cadda saamaynta uu ku yeelan doono buuggan ku yeelan karo tallaalka cudurka dambeysha; waxaase xusid mudan in qaar badan oo dadka ka mid ah ay xaashiyo kooban heleen taasoo luminaysa macnihii xiriirsanaa ee qoraalkan.


Seynab Cabdi Warsame, Hiiraan Online
seynab@hiiraan.com
Laascaanood, Somaliland





Post your comments

2013-08-21 8:25 PM EST
Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya Siyaasiyiin ka tirsanaa Xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

2013-08-21 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

2013-08-21 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

2013-08-21 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

2013-08-21 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

2013-08-21 9:00 AM EST
Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

2013-08-21 9:00 AM EST
Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

2013-08-21 7:36 AM EST
Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

2013-08-21 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

2013-08-21 2:03 AM EST
Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsn kuwa dowladda ku dhexmaray gobolka Shabeellada Hoose.

2013-08-21 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.