3/28/2024
Today from Hiiraan Online:  _
Wararka Maanta- Arbaco, Aug 21, 2013
Siyaasiyiin ka tirsanaa Xisbiga Bidix ee dalka Sweden oo Muqdisho lagu toogtay


Ann-Margarethe Livh  iyo Abdirahim Hassan


 

Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya siyaasiyiin ka tirsanaa xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

 

”Waxaan xaqiijin karnaa in haweeney Sweden u dhalatay maanta Muqdisho lagu toogtay,balse ay nooshahay, isla markaana ay la hadashay Safiir Swedish ah. Waxaa la dhigay Isbitaalka Amisom ee Muqdisho, waxaana loo sii gudbin doonaa Nairobi, si halkaas loogu daweeyo”ayay tiri Camilla Åkesson Lindblom oo ah afhayeenka Wasaaradda Arrimaha Dibadda Sweden.

 

Siyaasiyiintan oo kala ah Abdirahim Hassan oo  24 jir ah, isla markaana ka tirsanaa Dhalinyarada Xisbiga Vänsterpartiet iyo Ann-Margarethe Livh oo ah xubin sare oo ka tirsan  xisbiga Vänsterpartiet ayaa labaduba waxaa saaka lagu weeraray bannaanka hore Jaamacad ay hadal ka jeedin lahaayeen.

 

Ann-Margarethe Livh ayaa markii cagaha dhigtay Magaalada Muqdisho waxay goobteeda farriimeed ee TWITTER ay ku sheegtay in ay booqasho deg deg ah ku tagtay Muqdisho, iyadoo xustay in booqasheeda deg degta ah ah ay hadiyad u tahay duqa magaalada Muqdisho, waa sida hadalka u dhigtaye.

 

Abdirahim Hassan iyo darawalka gaarigii ay la socdeen ayaa goobtii weerarka ka dhacay ku geeriyooday, halka Ann-Margarethe Livh uu soo gaaray dhaawac, kaasi oo haatan looga daaweynayo Isbitaal ku yaalla dalka.

 

Guddoomiyaha Xisbiga Jonas Sjöstedt oo la hadlay TV-ga SVT ee dalka Sweden ayaa sheegay in ay si weyn uga xun yihiin geerida naxtinta leh ee ku timid Abdirahim Hassan iyo dhaawaca loo geystay Ann-Margarethe Livh, wuxuuna ku tilmaamay dhibka dhacay masiibo xanuun badan.

 

Dhibanayaasha ayaa Muqdisho u tegay meel-marinta barnaamij la xiriira horumarinta waxbarashada Soomaaliya, waxayna dhibaatada loo geystay ay niyad-jebineysaa hay’adaha iyo shakhsiyaadka doonaya in ay gacan ka geystaan horumarinta Soomaaliya dhinac walba.

 

Weerarka lagu qaaday siyaasiyiintan ka tirsanaa Xisbiga bixida ayaa wuxuu ku soo beegmayaa iyadoo ammaanka magaalada Muqdisho uu dhawaanahan ahaa mid laga deyrinayay, isla markaana weerarro lagu qaaday xarumo  dowladeed oo ku yaalla bartamaha Muqdisho, dhismo ay deganaayeen shaqaale Turkiga u dhashay oo howlo samafal ah u jooga Muqdisho iyo xarunta Qaramada Midoobay ee magaalada Muqdisho.

 

 

Salaad Iidow Xasan (Xiis), Hiiraan Online

[email protected]

 













Click here
8/21/2013 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

8/21/2013 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

8/21/2013 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

8/21/2013 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

8/21/2013 9:00 AM EST
Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

8/21/2013 9:00 AM EST
Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

8/21/2013 8:53 AM EST
Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

8/21/2013 7:36 AM EST
Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

8/21/2013 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

8/21/2013 2:03 AM EST
Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsn kuwa dowladda ku dhexmaray gobolka Shabeellada Hoose.

8/21/2013 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.