12/18/2014
Today from Hiiraan Online:  _
Wararka Maanta- Arbaco, Aug 21, 2013
Dagaal Ciidammo kawada Tirsan kuwa Dowladda Soomaaliya ku dhexmaray Shabeelada Hoose iyo Askari lagu dilay Jowhar


Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsan kuwa dowladda ku dhex maray gobolka Shabeellada Hoose.

Dagaalkan ayaa ka dhacay deegaanka Lambar Lixdan oo dhawaan uu sidan oo kale ka dhacay dagaal  dhex maray ciidammo ka tirsan kuwa Dowladda Federaalka Soomaaliya iyo dadka deegaanka.

Qaar kamid ah mas'uuliyiinta gobolka Shabeellada Hoose, ayaa war-baahinta u sheegay in dagaalkaasi uu  dhex maray  ciidammo kusii jeeday Muqdisho iyo kuwo uu koontool u yaallay barta lagu dagaalamay.

Sidoo kale, mas’uuliyiinta maamulka gobolka ayaa sheegay in xaaladdu ay xilligan tahay mid deggen ciidamadii u socday Muqdishana ay halkaas ka gudbeen, iyagoo intaas raaciyey in goobtii ay dirirtu ka dhacday ay iminka ku sugan yihiin ciidamadii ay horay fariisinka ugu ahayd.

Dhinaca kale, askari ka tirsan ciidamada dowladda ayaa xalay lagu dilay degmada Jowhar ee xarunta gobolka Shabeellada dhexe, iyadoo aan ilaa iyo hadda lagu guuleysan in gacanta lagu soo dhigo ciddii dilkan geysatey.

Xaaladda ammaan ee degmada Jowhar ayaa hadda ah mid wanaagsan. Jowhar waxaa shalay gaaray wefdi ka socda Qaramada Midoobey oo kulammo la qaatay maamulka iyo waxgaradka degmada.

Deegaanka Lambar Lixdan oo u dhexeeya degmooyinka Afgooye iyo Marko ee gobolka Shabeellada Hoose, ayaa waxaa dhowr mar oo hore ka dhacay dagaallo soo laalaabtay oo u dhexeeya ciidammo kawada tirsan kuwa dowladda Somalia.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

8/21/2013 8:25 PM EST
Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya Siyaasiyiin ka tirsanaa Xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

8/21/2013 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

8/21/2013 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

8/21/2013 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

8/21/2013 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

8/21/2013 9:00 AM EST
Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

8/21/2013 9:00 AM EST
Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

8/21/2013 8:53 AM EST
Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

8/21/2013 7:36 AM EST
Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

8/21/2013 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

8/21/2013 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.