2014-10-25
Today from Hiiraan Online:  _
Wararka Maanta- Arbaco, Aug 21, 2013
Kulan looga hadlayo Sharciga Maalgashiga Ajaanibta ee dalka oo Maanta ka furmay Magaalada Muqdisho (SAWIRRO)



Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

Kulankan ayaa waxaa ka qaybgalaya ganacsatada Soomaaliyeed, culummo, ardayda iyo maamulka jaamacadaha Muqdisho qaarkood, ururrada bulshada rayidka ah iyo xildhibaanno ka tirsan baarlamaanka Soomaaliya.

Guddoomiyaha Rugta Ganacsiga Soomaaliyeed, C/kariin Maxamuud Gabeyre oo furitaankii kulanka ka hadlay ayaa sheegay in kulankani uu yahay mid looga doodi doono sidii lagu heli lahaa sharci maalgashi oo dalka lagu sameysto. Maadaama horumarka ganacsiga dalka uu ku xiran yahay hadba sida loo maal gashto.

Labada maalmood ee kulankan uu socdo waxaa warbixinno ku saabsan sida sharci maalgashi dibadbadeed oo dhameystiran lagu heli lahaa ka jeedin doona laba khabiir oo dhinaca sharciga ah oo ka socda dalalka Uganda iyo Kenya iyo macallimiin Soomaaliyeed.

“Ujeedada kulankan aan ka leennahay waa inuu kasoo baxo dukumiinti kaalmeeya sharciga maalgashiga ajaabinta ee dalka, kaasoo horay loogu gudbiyay baarlamaanka dalka,” ayuu yiri agaasimaha Rugta Ganacsiga Soomaaliyeed, Cabdi Abshir Dhoorre.

Sidoo kale, agaasimuhu wuxuu sheegay in aragtiyaha laga dhiibto kulankan loo gudbin doono Baarlamaanka Soomaaliya si ay u kaabto sharcigan oo la filayo in golaha baarlamaanka uu ansixiyo.

Ugu dambeyn, mas'uuliyiinta rugta ganacsiga waxay ka codsadeen aqoonyahannada Soomaaliyeed ee dibadaha ku nool oo arrimahan ku xeel-dheer inay aragiyadooda kusoo biiriyaan kulankan labada maalmood soconaya si ay u kaabaan sharciga maal-gashiga ganacsatada shisheeyaha ah.










Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-21 8:25 PM EST
Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya Siyaasiyiin ka tirsanaa Xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

2013-08-21 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

2013-08-21 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

2013-08-21 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

2013-08-21 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

2013-08-21 9:00 AM EST
Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

2013-08-21 8:53 AM EST
Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

2013-08-21 7:36 AM EST
Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

2013-08-21 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

2013-08-21 2:03 AM EST
Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsn kuwa dowladda ku dhexmaray gobolka Shabeellada Hoose.

2013-08-21 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.