2014-08-20
Today from Hiiraan Online:  _
Wararka Maanta- Arbaco, Aug 21, 2013
Dabley Hubeysan oo Muqdisho ku dilay askari ilaalo u ahaa Haweeney dalka Sweden u dhalatay iyo Turjubaankeedii


Arbaco, August 21, 2013 (HOL) — Kooxo hubeysan ayaa ku dilay degmada Hodan ee magaalada Muqdisho askari oo ka tirsan ciidamada booliiska Soomaaliya oo ilaalo u ahaa haweeney ajnabi ah oo u dhalatay dalka Sweden iyo turjubaankeedii, iyadoo kooxihii weerarkaas geystayna ay goobta isaga baxsadeen.

Weerarkan ayaa ka dhacay agagaarka isgoyska KM-4 ee Muqdisho, gaar ahaan meel aad ugu dhow safaaradda Turkiga uu Muqdihso ku leeyahay, iyadoo dilka uu yimid kaddib markii kooxaha dilka geystay iyo askarta uu muran dhexmaray.

Haweeneyda ajnabiga ah ayaa la sheegay inay baxsatay markii la toogtay ilaaladeedii, balse mar dambe laga helay goob ku dhow halkaas, iyadoo wararka qaarkood ay sheegayaan inuu gaaray dhaawac fudud.

Dableyda weerarka geystay ayaa goobta ka baxsaday, iyadoo maydadka labada qof ay goobta ka qaadeen ciidammo ka tirsan kuwa dowladda, mana jiro war arrintan ku saabsan oo ay soo saareen booliiska Soomaaliya.

“Gaariga wuxuu kasoo baxay Jaamacadda Soomaaliya oo ku dhow halka falku ka dhacay, waxaana gaarigooda isku gudbay gaari kale oo dabley ay saarnaayeen muran kaddibna toogasho ayaa dhacday,” ayuu yiri goobjooge ku sugnaa halka uu falku ka dhacay.

Lama oga cidda ay ka tirsan yihiin kooxaha dilka geystay, iyadoo saraakiisha booliisku ay sheegeen inay wadaan baaritaanno ay ku raadinayaan sida ay wax u dhaceen, ayna dib saxaafadda kala hadi doonaan.

Falkan ayaa noqonaya kii ugu horreeyay noociisa oo magaalada Muqdisho ka dhaca, iyadoo warar hoose ay sheegayaan in kooxaha hubeysan ay doonayeen inay afduub ku qabsadaan haweeneydan Swedish-ka ah, balse aysan u suurogelin.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-21 8:25 PM EST
Khamiis, August 22, 2013(HOL)—Sida ay xaqiijisay Wasaaradda Arrimaha Dibadda Sweden waxaa maanta lagu toogtay magaalada Muqdisho ee caasimadda dalka Soomaaliya Siyaasiyiin ka tirsanaa Xisbiga bidix (Vänsterpartiet) ee dalka Sweden, kuwaasi oo Muqdisho u tegay barnaamij ku saabsan horumarinta waxbarashada.

2013-08-21 3:59 PM EST
Arbaco, August 21, 2013 (HOL) — Wasiiradda Arrimaha dibadda iyo Qorsheynta oo ka warbixiyey kulan ay maanta la yeesheen wefti ka socda midowga Yurub iyo xubno ka socday safaaradaha Sweden, Denmark iyo Holland.

2013-08-21 3:46 PM EST
Arbaco, August 21, 2013 (HOL) — Afar qof ayaa ku dhintay sagaal kalena way ku dhaawacmeen dagaal ka dhacay deegaan lagu magcaabo God-heeli oo ka tirsan degmada Caynabo ee gobolka Sool oo 110-km ku dhawaad ka xigta dhinaca Waqooyi magaalada Laascaanood, kaddib markii dagaal ku dhex-maray laba beelood oo halkaasi wada-dega.

2013-08-21 10:32 AM EST
Arbaco , August 21, 2013(HOL) :- Markab sida raashiin gargaar ah oo hay’adda Bisha cas ee Turkiga ugu talo gashay dadka ku dhibaateeysan gobollada Jubooyinka ayaa kusoo xirtay marsadda caalamiga ee magaalada Kismaayo.

2013-08-21 10:30 AM EST
Arbaco, August 21, 2013 (HOL) — Wasiirka arrimaha gudaha Soomaaliya, Cabdikariin Xuseen Guuleed ayaa maanta magaalada Muqdisho ugu soo xiray shaqaale ka tirsan wasaaradda tababar ku saabsan maamul dhisida iyo dib u heshiisiinta.

2013-08-21 9:00 AM EST
Arbaco, August 21, 2013 (HOL) — Kulan laba maalmood soconaya oo looga hadlayo sharciga maal-gashiga Soomaaliya ee shirkadaha shisheeye ayaa ka furmay maanta xarunta Rugta Ganacsiga Soomaaliyeed ee magaalada Muqdisho.

2013-08-21 9:00 AM EST
Arbaco, August 21, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo madaxwayne ku xigeenkiisa Md. C/raxmaan C/laahi Ismaaciil (Saylici), ayaa si wada jir xarunta madaxtooyada ugu qaabilay wefti uu hogaaminayay garaad Cabadilaahi Maxamed Guuleed oo ah madax dhaqameedka koonfurta Sanaag.

2013-08-21 8:53 AM EST
Arbaco, August 21, 2013 (HOL) — Munaasabad lagu kala diraayay kooxaha ka qaybqaadanaya tallaalka dabeysha ayaa lagu qabtay magaalada Buuhoodle. Munaasabaddaas oo ay kasoo qayb-galeen bahda caafimaadka, waxgaradka iyo hawl-wadeennada tallaalka ayaa waxaa tallaalay labadii qof ee ugu horreeyay wasiir ku xigeenka caafimaadka Puntland, Dr. Maxamed Xirsi Ducaale.

2013-08-21 2:15 AM EST
Arbaco, August 21, 2013 (HOL) — Sheekh Fu’aad Maxamed Shangole oo ka mid ah saraakiisha sarsare ee Al-shabaab ayaa sheegay inay go’aansadeen joojinta garaacii ay dadka garaaci jireen ayna bilaabeen inay dadka baraan diinta Islaamka.

2013-08-21 2:03 AM EST
Arbaco, August 21, 2013 (HOL) — Ugu yaraan hal askari ayaa ku dhintay lix kalena way ku dhaawacmeen iska-hor-imaad ciidamo kawada tirsn kuwa dowladda ku dhexmaray gobolka Shabeellada Hoose.

2013-08-21 1:47 AM EST
Arbaco, August 21, 2013 (HOL) — Baarlamaanka Soomaaliya ayaa jirsaday muddo hal sano ah, iyadoo guddoomiyaha golaha shacabka, Prof. Maxamed Sheekh Cismaan Jawaari uu sheegay inay wax badan u qabsoomeen halkii sano ee ay shaqeynayeen.