Galmudug oo beenisay in ay taageertay mowqifka wadamada Khaliijka ee ka dhanka ah Qatar
Arbaco, September, 20, 2017 (HOL) – Maamulka
Galmudug ayaa waxba kama jiraan ku tilmaamay qoraal lagu baahiyay baraha
bulshadu kuwada xiriiraan kaa oo ku saabsanaa in Galmudug taageertay go’aanka
wadamada Khaliijka ee ka dhanka ah Qatar.
C/raxmaan Jaamac Afrax wasiir ku-xigeenka wasaaradda Warfaafinta maamulka
Galmudug ayaa warbaahinta u sheegay in qoraalkaasi uusan aheyn mid ka soo baxdy maamulka Galmudug.
“Waa waxba kama jiraan waana been
abuur qoraalka lagu baahiyay qaar ka mid ah bogaga Internet-ka kamana tarjumayo
aragtida Galmudug, si cad ayaan u beenineynaa” ayuu yiri wasiir ku xigeenka
Warfaafinta.
Qaar ka tirsan maamul goboleedyada dalka ayaa taageeray go’aankii xulufada
Sacuudiga, mamulka Koonfur Galbeed ayaa ugu dambeeyay oo sheegay in uu
taageersan yahay Sacuudiga, kana soo horjeedaan Qadar.
Dowladda Soomaaliya ayaa mowqif dhaxdhaxaadnimo ah ka qaadatay khilaafka soo
kala dhaxgalay wadamada Khaliijka kaddib markii ay xulafada uu hogaaminayo
Sacuudiga xiriirka u jareen dowladda Qatar.
C/raxmaan Diini, Hiiraan Online
[email protected]