Madaxweynaha dalka Uganda oo ku baaqay in la xoojiyo dagaalka ka dhanka ah Al-shabaab
Arbaco, September, 20, 2017 (HOL)
–Madaxweynaha dalka Uganda Yuweri Museveni ku baaqay in
la xoojiyo dagaalka ka dhan ka ah Ururka Al-shabaab kaddib kulan uu magaalada
New York kula qaatay Xoghayaha Arrimaha Dibedda ee dalka Britain Boris Johnson.
Labada
Mas’uul waxay magaalladda New York kaga qeyb galayaan Shirweynaha 72-aad ee
Golaha Guud ee QM oo shalay furmay.
Wargeyska
The MONITOR ee ka soo baxa magaalladda Kampala ayaa qoray inay Yoweeri Museveni
iyo Boris Johnson kaga wada hadleen Xaalladda Ammaanka ee dalalka Somalia,
South Sudan iyo Burundi.
Yuweri
Museveni ayaa walaac xooggan ka muujiyay dadaalka beesha caalamka ee hawlgalka
ka dhanka ah Ururka Al-shabaab ee ka dagaalama gudaha dalka Soomaaliya.
Waxaa
uu ku baaqay in la xoojiyo taageeradda qalabka ee la siinayo Hawlgalka AMISOM
si ay u dhamaystiraan waxa uu ugu yeeray Shaqadooda.
Dowladda
Uganda ayaa Soomaaliya u soo dirtay ciidammadii ugu horeeyay ee lagu bilaabay howlgalka midowga nabad ilaalinta midowgga Africa ee Soomaaliya.
C/raxmaan Diini, Hiiraan Online
[email protected]