3/28/2024
Today from Hiiraan Online:  _
Wararka Maanta- Arbaco, Apr 3 , 2013
44 Xildhibaan oo soo gaaray magaalada Kismaayo [DAAWO SAWIRRO]



Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

Xildhibaanada oo kasoo kicitimay magaalada Muqdisho ee caasimadda dalka Soomaaliya ayaa maanta soo gaaray magaalada Kismaayo, waxaana ujeedka imaatinkooda uu ahaa taageeridda shirka maamul u sameynta Jubooyinka ee ka socdo Kismaayo iyo weliba xallinta kala aragti duwanaanta u dhexeeysa dowladda Soomaaliya iyo masuuliyiinta maamulka KMG ee Kismaayo.

Xubnihii soo dhaweeyay wafdiga xildhibaanada ah ayaa waxaa ka mid ahaa ra’isul wasaarihii hore ee Soomaaliay Mudane Cumar C/rashiid Cali Sharmaarke, waxaana sidoo kale garoonka ku sugnaa si ay wafdiga usoo dhaweeyaan odoyaal, dhalinyaro iyo haween, iyadoona ay xusid mudantahay in qaar ka tirsan haweenka reer Kismaayo ay garoonka kusoo bandhigeen ciyaaraha hidaha iyo dhaqanka ee ay caanka ku yihiin gobollada Jubooyinka.

Wafdiga ayaa kulan gaaban gudaha garoonka kula qaatay masuuliyiinta maamulka Kismaayo, waxaana halkaasi ka hadlay gudoomiyaha maamulka KMG ee Kismaayo Sheekh Axmed Madoobe oo isagu xildhibaanada kusoo dhaweeyay magaalada, wuxuuna sidoo kale sheegay in uu aad ugu faraxsanyahay in xildhibaanada Soomaaliyeed ay maanta indhahooda ku arkaan xaaladda dhabta ah ee ka jirta Jubooyinka.


Xildhibaan C/risaaq Cismaan Juriile oo hogaaminayay wafdiga ayaa ka warbixiyay ujeedada safarkooda, wuxuuna sheegay in arimaha ugu muhiimsan ee ay u yimaadeen ay tahay in la taageero rabitaanka shacabka ku dhaqan Jubooyinka iyo weliba in ay xalliyaan kala aragti duwanaanta u dhexeeysa dowladda Soomaaliya iyo maamulka KMG ee Kismaayo.

Masuulkani ayaa sidoo kale sheegay in xukuumadda Soomaaliya ay uga warbixisay shirarkii ay magaalada Kismaayo kula yeesheen masuuliyiinta maamulka ka dhisan halkani, wuxuuna sheegay in ay sidoo kale dhageeysan doonaan madaxda maamulka Kismaayo ka dibna ay u ambaqaadi doonaan sidii loo sixi lahaa wixii khilaaf ah ee jira.

Sidoo kale waxaa garoonka iyana ka hadlay xildhibaano kala duwan, kuwaasoo dhamaantoodba ka sinnaa taageeerada ay u hayaan maamulka la doonayo in loo yagleelo gobollada Jubooyinka.

Xildhibaanada ayaa ugu danbeyn loo gelbiyay xarunta Jaamacadda Kismaayo halkaasoo uu ka soconayo shirka maamul u sameynta Jubooyinka, waxayna halkaasilagu gudoonsiiyay axdiga KMG ee la doonayo in lagu maamulo dowlad goboleedka Jubbaland, kaasoo ergada shirka ay ansixisay maalinimadii shalay.

Imaatinkan 44-tan xildhibaan ee ka tiran dowladda Soomaaliya ayaa kusoo beegmeeysa iyadoo maalinimada berito ah sidoo kale la filayo in ay magaalada Kismaayo soo gaaraan xubno kale oo ka tirsan golaha baarlamaanka Jamhuuriyadda federaalka Soomaaliya.












Xasan Nuur, Hiiraan Online
[email protected]
Kismaayo-Soomaaliya.













Click here
4/3/2013 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

4/3/2013 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

4/3/2013 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

4/3/2013 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

4/3/2013 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

4/3/2013 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

4/3/2013 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

4/3/2013 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

4/3/2013 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

4/3/2013 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

4/3/2013 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

4/3/2013 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

4/3/2013 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.