3/29/2024
Today from Hiiraan Online:  _
Wararka Maanta- Arbaco, Apr 3 , 2013
Guddoomiyaha Baarlamaanka oo ka Qaybgalay Munaasabadda sanadguuradii Koowaad ee Aasaaska Radio Dalsan (SAWIRRO)


Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

Ugu horreyn waxaa halkaas ka hadley agaasimaha idaacadda Dalsan, Xasan Cali Geeseey oo sheegey in muddadii ay jirtay idaacadda ay ku tallaabsatay horumar la taaban karo, sidoo kale waxaa uu sheegey in idaacada ay tabiso warar lagu kalsoonaan karo 100%, ayna ka shaqeyso horumarinta nabadda.

“Radio Dalsan wuxuu diiradda saarnaa sidii ay caalamka ugu soo bandhigi lahaayeen xaaladaha ay ku sugan yihiin baracakayaasha ku jira xeryaha ku yaalla Muqdisho iyo sidoo kale sidii nabadda dalka ay u noqon lahayd mid aad u wanaagsan,” ayuu yiri Xasan Geeseey.

Waxaa kaloo uu sheegey in wararka ay idaacaddu tabiso ay ku kasbatay dhageystayaan fara badan, isagoo xusay inaysan jirin wax dhibaato ah oo ay la kulmeen wariyeyaasha ka howglala idaacadda Dalsan; marka laga reebo kuwa laga xiray oo uu ugu horreeyay wariye Cabdicasiis Koronto wuxuuna intaas ku daray in sii daynta wariyaha ay u mareen hab sharci ah.

Xubnihii kale ee halkaas ka hadlay waxaa ka mid ahaa wasiir ku xigeen wasaaradda warfaafinta, Cabdishakuur Cali Mire oo yiri: “Markii Radio Dalsan la aasaasayay waxaan ka mid ahaa dadkii sida weyn loogala tashaday wixii talooyin ah ee wanaagsanaana waan ku biiriya; waxaan leeyahay hambalyo dhammaan shaqaalaha Dalsan, waxaana idiin soo jeedinayaa inaad sii laba-laabtaan howsha weyn ee aad u haysaan ummadda Soomaaliyeed.“

Sidoo kale, waxaa halkaa ka hadley wasiir ku xigeen wasaaradda gaashaandhiga, Cabdiraxmaan Kulmiye Xirsi (C/raxmaan Dheere) oo isna u hambalyeeyay dhammaan wariyayaasha iyo shaqaalaha Idaacadda Dalsan.

Dadkii kale ee ka qaybgalay munaabadaas lagu waxaa ka mid ahaa: Xuseen Cali Axmed (Danjire), Maxamed Xuseen Owliyo, Maxamed Ibraahim Isaaq, Xasan Xaashi Muxumad iyo Cali Maxamed Nuux (Timo Jilic) waxayna xuseen dhammaantood inay ku faraxsan yihiin sannadguurada idaacadda Dalsan, waxayna xuseen inay tahay Idaacad dhowrta anshaxa saxaafadda.

Ugu dambeyn, guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo isna kulanka ka hadlay ayaa sheegay inuu si aad ah ugu faraxsan yahay inuu ka qayb-galo munaasbadda lagu xusayo sannad-guurada koowaad ee Idaacada Dalsan, isagoo hoosta ka xariiqay in baarlamanka uusan marnaba ogolaa doonin in fargelin ama faafreeb lagu sameeyo xorriyada saxaafadda, hase yeeshee wuxuu kula dardaarmay bahda warbaahinta inay iyagu ilaaliyaan sharuucda dalka u degsan; taaasoo uu sheegey in lagu gaari karo saxaafad dhinac walba ka dhisan.










Maxamed Xaaji Xuseen, Hiiraan Onilne
[email protected]
Muqdisho, Soomaaliya













Click here
4/3/2013 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

4/3/2013 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

4/3/2013 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

4/3/2013 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

4/3/2013 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

4/3/2013 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

4/3/2013 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

4/3/2013 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

4/3/2013 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

4/3/2013 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

4/3/2013 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

4/3/2013 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

4/3/2013 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.