2014-09-02
Today from Hiiraan Online:  _
Wararka Maanta- Arbaco, Apr 3 , 2013
Qaraxyo khasaare geystay oo ka dhacay Muqdisho, kuwaasoo mid ka mid ah lala beegsaday Xarunta Dhexe ee Dahabshiil


Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

Weerarradan oo aysan jirin cid sheegatay ayaa waxaa labada qof ee dhintay ay kala ahaayeen askari iyo qof shacab ah, kaddib markii qarax lagu eegtay gudaha suuqa weyn ee bakaaraha, waxaana isla qaraxaas ku dhaawacmay sideed qof oo kale.

Qaraxa lagu weeraray xarunta shirkadda Dahabshiil ayaa Muqdisho ayaa waxaa ku dhaawacmay hal qof oo ka mid ahaa shaqaalaha shirkadda, kaas oo ku jiray gudaha xarunta, sida ay sheegeen dad goobjoogayal ah.

“Illinka hore ee shirkadda ayaa waxaa gaaray burbur, shaqadii xarunta saakay waa mid xayiran, waxaana jooga ciidammo booliis ah oo xalay la keenay halkaas si ay ammaanka u ilaaliyaan,” ayuu yiri mid ka mid ah shaqaalaha shirkadda oo la hadlay HOL.

Madaxa guud ee shirkadda dahabshiil, C/rashiid Dahabshiil ayaa BBC-da u sheegay inaysan garanayn cid ka dambeysay weerarkaas, balse ay iyagu yihiin shirkad si dhexdhexaadnimo ah ugu adeegta bulshada, muhiimadda koowaadna siisa shirkadaheeda iyo macaamiisheeda.

Weerarka lagu qaaday xarunta dhexe ee Shirkadda Dahabshiil ee Muqdisho ayaa wuxuu kusoo beegmayaa, xilli shabakad taageerta Al-shabaab ay ku daabacday boggeeda in Al-shabaab ay xirtay 10 xarumood oo ay shirkadda Dahabshiil ku leedahay gobollada Bay, Bakool iyo Hiiraan.

Al-shabaab ayaa la sheegay in xarumahan ay ku eedeysay inay xad-gudub ku sameysay sharciga loo dajiyay ganacsiga ayna la shaqeynayeen hay’ado horay looga mamnuucay dalka, kuwaasoo aan la sheegin magacyadooda.

Shirkadda Dahabshiil ayaa ka mid ah shirkadaha xawaaladaha ee dalka ka shaqeeya, waana shirkadda ugu macaamiisha badan marka la eego shirkadaha xawaaladaha ee Soomaaliya ka shaqeeya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-03 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

2013-04-03 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

2013-04-03 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

2013-04-03 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

2013-04-03 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

2013-04-03 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

2013-04-03 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

2013-04-03 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

2013-04-03 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

2013-04-03 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

2013-04-03 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

2013-04-03 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

2013-04-03 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.