2014-10-01
Today from Hiiraan Online:  _
Wararka Maanta- Arbaco, Apr 3 , 2013
Shir-weynaha Dib u Habeynta Garsoorka Soomaaliya oo Maanta looga Hadlay Qodobbadda uu Dastuurka ka qabo Garsoorka (SAWIRRO)



Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

Shirweynaha ayaa waxaa kasoo qaybgalay xubno ka tirsan golaha wasiirrada oo ay ka mid yihiin: wasiir-u-dowlaha madaxtooyada, Faarax Cabdulqaadir, wasiir ku xigeenka garsoorka iyo arrimaha diinta, Xasan Maxamed Jimcaale, danjiraha dowladda Ingiriiska u qaabilsan Soomaaliya, Mr. Matt Baugh iyo ergada mataleysa muwaadiniinta Soomaaliyeed  ee shirka lagu marti-qaaday.

Xildhibaan, Cabdiraxmaan Xoosh Jibriil, wasiirkii hore ee wasaaradda dastuurka, arrimaha federaalka iyo dib u heshiisiinta oo madasha Khudbad ka jeediyay ayaa ka hadlay qodobbada dastuuriga ah ee ka hadlaya muhiimadda uu leeyahay garsoorka iyo sida ay lagama maarmaanka u tahay inay bulshadu hesho nidaam caddaalad ah oo lagu kala saaro markii uu is-qabad-qabsi yimaado.

“Awoodda garsoornimada waxaa iska leh maxkamadaha ayuu qabaa dastuurka ay ku dhaqmeyso dowladda Soomaaliyeed ee la meelmariyay 01-da August 2012-ka, waxaana sidoo kale uu dastuurku amrayaa in la hir-geliyo maxkamad dastuuri ah oo ka madax-bannaan golaha fulinta iyo baarlamanka” ayuu yiri xildhibaan C/raxmaan Xoosh.

Sidoo kale, Marwo Caasho Geelle Diiriye wasiiraddii hore ee haweenka iyo arrimaha qoyska Puntland oo xubin ka ah ergada Puntland u mataleysa ka qaybgalka shirweynaha ayaa xustay inay muhiim tahay in ergadu ay kawada shaqeyso sidii loo heli lahaa qawaaniin ay dadku ku wada-shaqeeyaan si loo ilaaliyo maslaxadda guud ee ummadda Soomaaliyeed, laguna dadaalo sidii ay dadka u heli lahaayeen nidaam caddaalad ah.

Garyaqaan Caasho Kiin Ducaale oo shirka ka hadashay ayaa sheegtay in dhibaatada dalka ka jirta ay sabab u tahay caddaalad-darrada loona baahan yahay in la helo garsoor caadil ah, dowladduna sameyso guddi madax-bannaan oo ka shaqeeya xuquuqda Aadanaha.

Ugu dambeyn, Sheekh C/qaadir Soomow oo k amid ah ergada shirkan kasoo qaybgashay ayaa soo jeediyay in lagu dhaqmo kitaabka Alle soo dejiyay si looga maarmo in la raad-raadiyio sharcii dadka kala hagaya.








Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-03 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

2013-04-03 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

2013-04-03 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

2013-04-03 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

2013-04-03 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

2013-04-03 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

2013-04-03 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

2013-04-03 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

2013-04-03 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

2013-04-03 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

2013-04-03 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

2013-04-03 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

2013-04-03 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.