2014-11-24
Today from Hiiraan Online:  _
Wararka Maanta- Arbaco, Apr 3 , 2013
Ururka Hormarinta Dhallinyarada Gobolka Hiiraan oo billaabay dib u dhis ay ku sameynayaan Goobaha Taariikhiga ahaa (SAWIRRO)



Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

Mudo 20 sano ah kadib ayuu ururka markii ugu horeysay dhisme dib loogu dayactirayo ka billaabay taallada Daljirka Dahsoon magaalada Baladweyne oo  wax dib u dhis ah lagu sameyn tan iyo markii ay bur burtay dowladdii dhexe ee dalka.

Guddoomiyaha Ururka hormarinta dhalinyarrada gobollka Hiiraan Max’ed C/llaahi Buraalle Raaxeeya ayaa sheegay in qorshahan ay ka bilaabeen magaalada Baladweyne uu yahay mid ay iska kaashanayaan dhalinyarrada ka tirsan Uururka oo sida uu hadalka u dhigay dhaqaalle ay iska soo ururiyeen kuwa wada howlaha dib loogu dhisayo goobihii taariikhiga ahaa ee  ku bur buray dagaallada si sare loogu qaado bilicda magaalada.

Mas’uuliyiinta ka tirsan maamulka gobollka Hiiraan oo soo booqday goobta dib u dhiska laga waday ayaa siweyn u bogaadiyay hindisa Ururka dhalinyarrada iyo sida ay ugu istaageen dib u dhiska iyo soo celinta bilicda goobihii taariikhiga ahaa ee magaalada Baladweyne oo ay ka mid tahay taallada Daljirka Dahsoon

“Ma’aha taalladan oo kaliya, laakiin dhamaan goobihii taariikhiga ahaa ee magaalada Baladweyne waxaa naga go’an in aan dib u dhis ku sameyno, waa in dadka ugu yaraan  dareensiinaa in iyaga oo cid kale wax ka sugin dib u dhis ku sameyn karaan dalkooda, qeyb kasta oo bulshada ah haddii ay qaadato kaalinta kaga aadan dib u dhiska, waxaan hubaan in dalka oo dhan dib loo dhisi karo,’’ ayuu yiri Max’ed C/llaahi Buraalle Raaxeeye.

Dadka ku dhaqan magaalada Baladweyne ayaa dhinacooda siweyn u soo dhaweeyay tallaabada ay qaadeen Ururka hormarinta dhalinyarrada gobollka Hiiraan oo sidoo kale dib u dhis ku wada jidad muhiim u ah isku socodka dadka iyo gadiidka oo mudo dheer bur bursanaa.

Magaalada Baladweyne ee xarunta gobollka Hiiraan waa magaalo marka la eego xudun u ah isku socodka gobollada Koofurta iyo W/qooyiga dalka Soomaaliya waxaana saameyn ku yeeshay bur burkii laga dhaxlay dagaalladii sokeeye ee dalka ka dhacay kuwasoo sababay in ay baaba’aan goobo taariikhi ah oo qeyb weyn ku lahaa bilicda magaalada.





C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-04-03 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

2013-04-03 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

2013-04-03 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

2013-04-03 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

2013-04-03 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

2013-04-03 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

2013-04-03 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

2013-04-03 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

2013-04-03 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

2013-04-03 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

2013-04-03 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

2013-04-03 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

2013-04-03 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.