2014-10-24
Today from Hiiraan Online:  _
Wararka Maanta- Arbaco, Apr 3 , 2013
Xildhibaanno ka Tirsan Baarlamaanka Soomaaliya oo Howlo Dhex-dhexaadin ah u aadaya Maanta Magaalada Kismaayo


Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

Mudanayaashan ayaa la sheegay inay tiradoodu tahay 20 xubnood, uuna la socdo guddoonka baarlamaanka, waxaana xubnahan ku jira sida la sheegay xildhibaanno uu codsaday Sheekh Axmed Madoobe in loosoo diro si uu ugala hadlo muranka u dhexeeya dowladda iyo maamulkiisa.

“Qorshaha aan u soconno waa inaan dhexaadinno dowladda iyo maamulka KMG ah ee Kismaayo, si aan madmadowga uga saarno labada dhinac,” ayay tiri xildhibaan Sahro Jaamac Cali oo ka mid ah xildhibaanada maanta aadaya Kismaayo.

Xildhiabannadan ayaa waxaa ka mid ah: Cabdirashiid Maxamed Xiddig iyo C/risaaq Cismaan Xasan (Jurille), waxayna sheegeen inay dadala badan ku bixin doonaan sidii khilaafka u dhexeeya dowladda iyo maamulka Kismaayo ay meesha uga saari lahaayeen.

“Rajo weyn ayaan ka qabnaa inaan qorshaheennan ku guuleysan doono, waayo waxaan u soconno waa islaax; waxaana nala og guddoonka sare ee baarlamaanka, waayo ra’iisul wasaaruhu meel wanaagsan ayuu arrinta keenay innnaguna waan isku dayaynaa dhameystirkeedad,” ayay mar kale tiri xildhibaanad Sahro.

Dowladda Somalia iyo maamulka KMG ah ee Kismaayo ayaa toddobaadkii hore isku mari waayay sameynta maamulka Kismaayo iyadoo dowladdu ay codsatay in shirkan loo bedelo mid dib u heshiisiin ah; maamulka Kismaayo uu sheegay inay ka go’an tahay in loo sameeyo Jubbooyinka iyo gedo maamul ay ku mideysan yihiin.

Ra’iisul wasaaraha Soomaaliya, Cabdi Faarax Shirdoon ayaa shirkaas ku tilmaamay mid aan loo dhameyn, wuxuuna sheegay in dowladdu ay si cad uga soo horjeeddo, lamana oga waxay arrinta ka bedeli doonto heshiiska ay ay wadaan xildhibaannadan ka tirsan baarlamaanka Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-03 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

2013-04-03 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

2013-04-03 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

2013-04-03 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

2013-04-03 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

2013-04-03 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

2013-04-03 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

2013-04-03 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

2013-04-03 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

2013-04-03 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

2013-04-03 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

2013-04-03 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

2013-04-03 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.