11/21/2019
Today from Hiiraan Online:  _
Wararka Maanta- Axad, Oct 13, 2019
Wasaaradda Haweenka iyo Xuquuqul Insaanka oo ku dhawaaqday diyaarinta sharciga Naafadda



Axad, October,13, 2019 (HOL)-Wasiirka Wasaaradda Haweenka iyo Hormarinta Xuquuqul Aadanaha Marwo Deeqo Yaasiin ayaa maata oo Axad ah magaalada Muqdisho uga dhawaaqday daah furka diyarinta sharciga Naafadda Qaranka oo qeyb ka ah balanqaadyadii Soomaaliya ee ku  xusnaa Qarramada Midoobey ee Naafadda.

Sharcigan ayeey sheegtay Wasiirku diyaarinta sharciga caalamiga ah ee Qarramada Midoobey uu fure u yahay sugida iyo dadaallada kor loogu qaadayo Xuquuqda dadka Naafadda ah.

''Balanqaadyadeena ah in aan hormarino oo aan ilaalino Xuquuqda Dadka Naafadda ah waa mid aan kala go'laheyn, Maanta waxaa bilaabeynaa cutub cusub oo ku saabsan Xuquuqda dadka Naafadda ah '' ayaa lagu yiri Bayaan ka soo baxay kulan  lagu qabtay magaalada Muqdisho.

Wasiirka ayaa intaa ku dartay in dadka Naafadda ah ay si buuxda qeyb uga noqon doonaan diyaarinta Hindise Sharciyeedka si loo hubiyo la haanshahooda buuuxa iyo Ixtiraamka Mabaa'diida Aas-aasiga ah,'' Waxba ma dhacayaan iyada oo aan laga tala-galin dadka Naafadda ah.

Diyaarinta Hindise-sharciyeedka Qaran ee Naafada Soomaaliya ayaa imaanaysa xilli aySoomaaliya ku guda-jirto dhaqangalinta Axdiga Qarammada Midoobay ee Xuquuqdam dadka Naafada ah. Soomaaliya waxaa ay axdigan saxiixday 2-dii Octoobar 2018,Baarlamaanka ayaa meelmariyay 18-kii May 2019-ka iyadoo uu madaxweyne MaxamedCabdullaahi Farmaajo qalinka ku duugay 21 Juun 2019

Munaasabada lagu soo bandhigay qorista Hindise Sharciyaadka Qaran ee Naafadda ayaa waxaa ka soo qeybgalay oo goob joog ka ahaa Wasiirka Shaqada iyo Arrimaha bulshada Dowladda Federaalka Soomaaliya Sadiiq Warfaa, qaar ka mid ah Ururada dadka Naafadda ah iyo dad kale oo socda qeybaha kala duwan ee bulshada. 

C/raxmaan Diini, Hiiraan Online
[email protected]
  

 

 

 










Click here
10/13/2019 3:02 PM EST
Axad, October, 13, 2019 (HOL)-Wararka naga soo gaaraya gobolka Shabeellaha Dhexe ayaa sheegaya in goor dhaw weerar Bambaano oo lagu qaaday gurigiisa lagu dilay guddoomiye ku-xigeenkii Gobolka Shabeellaha dhexe

10/13/2019 1:17 PM EST
Axad, October, 13, 2019 (HOL)-Waxaa maanta galinkii hore Jigjiga ka dhacay banaanbax lagu taageerayay Abaal marintii la siiyay Ra'iisal Wasaaraha Itoobiya Abiyi Axmed, banaanbaxan oo dadku isugu yimaadeen Garoonka Kubadda cagta ee Jigjiga ayaa waxay dadku wateen calamada degaanka iyo dalka, iyo waliba boodhadh ay ku qornaayeen hal ku dhegyo muujinaya taageerada shacabku u hayaan Abyi Axmed.

10/13/2019 12:24 PM EST
Axad, October, 13, 2019 (HOL)-Wakiilka Gaarka ah ee Xoghayaha Guud ee Qaramada Midoobay u qaabilsan Soomaaliya, James Swan, wuxuu cambaareeyay Hoobiyeyaashii maanta lagu qaaday xarumaha Qaramada Midoobay iyo AMISOM ee ku yaal caasimadda Soomaaliya gaar ahaan Xalane

10/13/2019 11:05 AM EST
Axad, October, 13, 2019 (HOL)-Maamulka degmada Jowhar ee goboka Shabeellaha Dhexe ayaa beeniyay in nin da’ ah oo ay Al-Shabaab ku dileen deegaanka Fiidow uu ka tirsanaa maamulka degmada Jowhar uuna hayay xilka guddoomiyaha xaafada Buulo Shiikh.

10/13/2019 8:21 AM EST
Axad, October, 13, 2019 (HOL)-Waxaa soo baxaya faahfaahino ku saabsan tiro hoobiyeyaal ah oo ku dhacay agagaarka Garoonka diyaaradaha Aadan Cadde gaar ahaan Xarunta AMISOM ee Xalane.

10/13/2019 6:34 AM EST
Axad, October, 13, 2019 (HOL)-Al-shabaab goob fagaaro ah deegaanka Fiidoow ee gobolka Shabeellaha dhexe waxaa ay toogasho ku fuliyeen maalintii shalay Nin Oday ah oo da'diisa lagu sheegay 82 sano jir ay ku eedeeyeen in uu ka tirsanaa maamulka Hirshabeelle.

10/13/2019 4:20 AM EST
Axad, October, 13, 2019(HOL)-Ururka Jaamacada Carabta ayaa kulan deg deg ah ka yeeshay duulaan ciidamada Turkiga ku qaadeen dalka Siiriya gaar ahaan xadka ay labada dal wadaagaan, waxaana kulankan looga hadlayay weerarkaasi Turkiga qaaday.

10/13/2019 2:24 AM EST
Axad, October, 13, 2019 (HOL)-Magaalada Muqdisho ayaa maanta oo Axad ah lagu wadaa in Guddiga Joogtada ee Golaha Shacabka Baarlamaanka Soomaaliya ay ku yeeshaan kulankii 1aad ee Kalfadhiga 6aad ee Golaha Shacabka.

10/13/2019 2:19 AM EST
Axad, October, 13, 2019 (HOL)-Dagaal culus ayaa ka socda Magaalada ku taalla xuduuda Siiriya iyo Turkiga ee Ras al-Ain xilli ciidamada Turkiga ay howlgalo militari ka wadaan waqooyi bari Suuriya.

10/13/2019 1:57 AM EST
Axad, October, 13, 2019 (HOL)-Ra'iisal wasaaraha Soomaaliya Xassan Cali Kheyre oo khudbad ka jeedinayay munasabad lagu maamuusayay maalinta Calanka ee 12ka October oo ku beegneyd maalintii shalay ayaa ku baaqay in la ilaaliyo sida uu hadalka u dhigay Madax-bannaanida Soomaaliya

10/13/2019 1:35 AM EST
Axad, October, 13, 2019 (HOL)-Warar soo baxaya ayaa sheegaya in qorshuhu yahay kulanka ugu soo horreeya ee Golaha Shacabka la horgeyn Mooshin ka dhan ah ciidanka Kenya ee ku sugan gudaha dalka Soomaaliya.

10/13/2019 1:27 AM EST
Axad, October, 13, 2019 (HOL)-Ugu yaraan 10 Askari oo Kenyan ah ayaa lagu waramayaa in lagu dilay qarx miino oo ka dhacay Sabtidii shalay deegaan duleedka ka ah maagalada Gaarisa ee Gobolka Waqooyi Bari dalka Kenya.