3/29/2024
Today from Hiiraan Online:  _
Wararka Maanta- Isniin, Apr 16, 2018
Madaxweyne Gaas : Xiriirka Imaaraadka qiimo gaar ah ayuu noogu fadhiyaa

 

Isniin,, April, 16, 2018 (HOL) - Madaxweynaha maamulka Puntland oo shir jaraa’id ku qabtay magaalada Boosaaso ayaa waxba kama jiraan ku tilmaamay in tababarayaal u dhashay dalka Imaaaraadka lagu qashqashaaday garoonka diyaaradaha Boosaaso.

Gaas oo ka hadlayay xiriirkooda Imaaraadka ayaa sheegay in uu yahay mid qiimo gaar ah ugu fadhiya, isaga oo sheegay in aysan jirin dowlad uga wanaagsan oo ay xiriir la yeelan lahaayeen.

‘’Imaaraadka waxaa ay noo tababareen Kumannaan ciidamo ah oo ka howlgala Barriga iyo Badda, dhinaca kalana ka qeybqaata howlgalada la dagaalka Argagixisada iyo Burcad baddeeda’’ ayuu yiri Gaas.

Wuxuu sheegay in xiriirka ganacsi ee Soomaaliya ugu wanaagsan uu la leeyahay dalka Iskutaga Imaaaraadka Carabta, isaga oo sheegay in inta badan shixnadaha ganacsi ee dalka yimaada ee ka soo galaan dhinaca isku taga Imaaraadka.

‘’Imaaraadka Xiriirkoodu waan mid qiimo gaar ah noogu fadhiya, waa xiriir ku saleysan hormar iyo ganacsi iyo Amni ayuu yiri’’ Cabdiwali Maxamed Cali Gaas.

Madaxweynaha Puntland ayaa ka codsaday Imaaraadka Carabta inay joogaan oo ay sii wadaan tababarka iyo taageerada ay siiyo cidamada, islamarkaana ay sii laba jibaaraan.

Shir ka jaraa’id ee madaxweynaha dowlad gobolleedka Puntland Cabdiwali Maxamed Cali Gaas ayaa imanaya kaddib markii uu Imaaraadku ku dhawaaqay in ay joojiyeen dhamaanba tababaradii ay siin jireen ciidamada dowladda Soomaaliya oo ay ka mid yihiin kuwa Puntland.

Madaxweynaha Puntland ayaa ka codsaday Imaaraadka Carabta ay sii wadaan shaqeyntii ay la laahaayeen Soomaaliya iyo taageerada ay siiyo cidamada, isla markaana ay sii laba jibaaraan.

Xiriirka Soomaaliya iyo Imaaraadka ayaa u muuqda mid sii xumaanaya tan iyo wixii ka danbeeyay markii ay dowladda Soomaaliya gacanta ku dhigtay $9 milion iyo 600 oo Kun oo dollar oo lagu siday diyaarad laga leeyahay dalka Iskutaga Imaaaraadka gudaha garoonka diyaaradaha magaalada Muqdisho Axadii todobaad hore.

C/raxmaan Diini, Hiiraan Online
[email protected]













Click here
4/16/2018 4:30 PM EST
Isniin,, April, 16, 2018(HOL)-Dowladda Imaaraadka Carabta ayaa u muuqata mid gabi ahaanba soo afjareysa xiriirkii dhinacyada badnaa ee kala dhaxeeya Soomaaliya, iyadoo gabi ahaanba joojisay taageeradii Militari iyo bulsho oo ay ka waday Soomaaliya.

4/16/2018 8:52 AM EST
Isniin,, April,16,2018 (HOL)-Dowladda Soomaaliya ayaa sheegtay in Imaaraadka Carabta ay wadaagaan xiriir xooggan oo siyaasadeed, dhaqaale iyo mid dhaqan oo soo jiray qarniyo, iyadoo Madaxda Soomaaliya ay xaqiijiyeen inay go’an tahay xoojinta xiriirka labo geesoodka ee ka dhaxeeya labada dal.

4/16/2018 8:45 AM EST
Isniin,, April, 16, 2018 (HOL) Shirkadaha Duulimaadyada Jubba iyo Daallo ayaa soo saaray warsaxaafadeed ay kaga hadlayaan eedeymo muddooyinkii u dambeeyay loo jeedinayay.

4/16/2018 3:21 AM EST
Isniin,, April, 16, 2018 (HOL)-Waxaa magaalada Dammaam ee dalka Sacuudiga lagu soo gabagabeeyay Shir madaxeedka 29aad ee Jaamacadda Carabta, iyadoo laga soo saaray war murtiyeed ka kooban dhowr qodob.

4/16/2018 3:15 AM EST
Isniin,, April, 16, 2018 (HOL) - Guddoomiyihii xilka laga qaaday ee gobolka Hiiraan Cali Jeyte Cismaan oo la hadlay warbaahinta ayaa faah faahin ka bixiyay sababaha uu uga biyo diiday in uu xilka ku wareejiyo guddoomiyaha cusub ee la magacaabay Cabdullaahi Axmed Maalin.

4/16/2018 12:39 AM EST
Isniin, April, 16, 2018 (HOL) – Safiirka Mareykanka u fadhiya Qaramada Midoobay Nikki Haley, ayaa digniin u dirtay Madaxweynaha Syria Bashar al-Assad Axaddi shalay, iyadoo sheegtay in Mareykanka uu gantaalo cusub ku weerari doono taliskiisa, hadii uu mar kale fuliyo weerar uu u adeegsado hubka kiimikada ah.

4/16/2018 12:32 AM EST
Isniin, April, 16, 2018 (HOL)–Wasiirka Wasaaradda arrimahad dibada Soomaaliya Axmed Ciise Cawad oo ku sugan magaalada Dammmaam ee dalka Sacuudiga halkaa oo lagu soo gabagabeeyay shirkii Ururka Jaamacada Carabta ayaa sheegay in wada hadalo toos ah ay u bilaawdeen Soomaaliya iyo Imaaaraadka Carabta.

4/16/2018 12:06 AM EST
Isniin,April,16, 2018 (HOL)–Dowladda Imaaraadka ayaa sheegtay ayaa sheeegtay in ay gabi ahaanba joojisay tababarkii ay siin jirtay ciidamada dowladda Soomaaliya ee ka socday xeryaha ay ku lahaayeen gudaha dalka Soomaaliya.