Beesha Tanade ee Minnesota oo Taageertay Go'aan waxgaradkoodu ku gareen Gaalkacyo
Isniin, Janaayo, 15, 2018 (HOL) –Jaaliyadda Beesha Tanade ee ku nool
gobolka Minnesota ee dalka Mareykanka ayaa si weyn u taageertay go’aankii
dhawaan kasoo baxay shirkii aayo ka tashiga ee beesha Tanade ee lagu qabtay
magaalada Gaalkacyo ee xarunta gobolka Mudug. Beesha Tanade oo ah mid ka mid ah
sadaxdii xisbi ee lagu dhisay Puntland kuwaas oo kala ahaa SSDF,SNDU & USP,
ay si buuxda kal-soonidii kala noqotay maamulka Dowlad Goboleedka Puntland.
Kulan aad u balaaran oo ay ka soo
qaybgaleen Isimo, Nabadoono, siyaasiyiin, aqoonyahano, waxgarad, culumo’udiin,
haween, dhalinyaro iyo qeybaha kala duwan ee bulshada ayay jaaliyaddu ku
sheegtay in ay taageero u hayaan waxii ka soo baxay shirkii ka dhacay
magaaladda gaalkacyo ayna ayidsan yihiin qodabadii shirkaas.
Barnaamijkii Taageerada ahaa ee ka dhacay
xarunta wayn ee shirarka Safari Hall ayaa waxaa lagu soo bandhigay Khudbado ka
turjumaayey waxii keenay xiligaan inay beesha Tanade kalsoonidii kala noqoto
Maamul Goboleedka Puntland taas oo ay ugu horeeyso in beeshu waydo saamigii ay
ku laheed maamulkaas.
Waxaana intii uu socday Kulankaan lagu
soo bandhihgay suugaan kala duwan oo ay soo bandhigeen xidigaha fanka ee
Minnesota iyo gabayo dhaanto, buraanbur suugaantaas oo dhamaan ka turjumaysay
taageerada go'aankii Beesha ee kalsooni kala noqoshada maamulka Puntland.
Siyad Said Salah
Hiiraan Online
Minneapolis ,MN