Wararkii ugu danbeeyay dagaal ciidamada dowladda iyo Al-shabaab ku dhaxmaray gobolka Shabeellaha Dhexe
Isniin, Janaayo, 15, 2018 (HOL) – Ciidamada dowladda Federaalka oo aad u
hubeysan ayaa saakay howlgal ballaaran
ka wadda deegaanno ka tirsan gobolka Shabeellaha dhexe oo maalintii shalay
dagaallo culus ka dhaceen.
Deegaanka Ceelka-Geelow shalay waxaa
ka dhacay dagaal u dhaxeyay ciidamada Dowladda iyo xoogag ka tirsan Ururka
Al-shabaab oo deegaanka weerar ku soo qaaday.
Al-shabaab ayaa dagaalkaa shalay ka dhacay ku dilay ciidamo tirsan dowladda
Soomaaliya sida ay warbaahinta u xaqiijiyeen saraakiisha iidamada .
Ciidamo gurmad ah oo ka yimid magaalooyinka Jowhar iyo Balcad ayaa gaaray deegaanka,
waxayna saakay wadaan baaritaano, iyaga oo raadjooga raggii weerarka soo qaaday iyo sidii ay uga
hortagi lahaayeen weerar kale in uu dhaco.
Al-shabaab ayaa u muuqda kuwo kordhiyay weerarada ay ka geysanayaan waddada
xiriirisa Jowhar iyo Balcad gaar ahaan degaanka Ceelka-Geelow, maadaama laba
Todobaad gudihiisa ay weerareen laba jeer.
Kulan maalintii shalay magaalada Jowhar ay ku yeesheen xildhibaannada
Hirshabeelle ayaa qodobadii looga wada hadlay waxaa ka mid ahaa sugida Amniga
Waddada xiriirisa Jowhar iyo Muqdisho.
C/raxmaan Diini,
Hiiraan Online
[email protected]
