Shariif Xassan : Ciidamada AMISOM waa in ay wax ka qabtaan amniga jidka isku xira Muqdisho iyo Beydhabo
Talaado, Maarso, 28, 2017 (HOL) -Madaxweynaha maamulka Koonfur galbeed Shariif
Xassan Sheekh Aadan ayaa ugu baaqay ciidamada howlgalka midowga Africa AMISOM
in ay wax ka qabtaa amniga jidka isku xirtay Muqdisho iyo Baydhabo.
Deegaannada u dhaxeeya magaalada Muqdisho iyo Baydhabo
waxaa inta badan jidgooyo dhigtay xoogag ka tirsan Al-shabaab oo halkaa ku
weerara gadiidka ciidamada dowladda kuwa AMISOM iyo saraakiisha ka tirsan
maamulka Koonfur galbeed ee isaga goosha labada magaalo.
Shariif Xassan ayaa sheegay in lagu jiro waqti xasaasi ah oo dalka ay ka
jirto abaar saameyn weyn ku yeellatay dadka iyo duuniyada, loona baahan yahay
in dadka dhibaateysan gargaar la gaarsiiyo, sidaa daraadeed lagama maarmaan
tahay sugida amniga jidka laamiga ah ee xiriiriya labada magaalo.
Ugu danbeyntii, xarrakada Al-shabaab ayaa weeraro dhaba gal ah ka geystay
inta Muqdisho iyo Baydhabo, iyaga oo marar badan oo horey ku
dilay saraakiil ka tirsan dowladda federaalka iyo maamulka Koonfur galbeed.
C/raxmaan Diini, Hiiraan Online
[email protected]