Sabti, June, 17, 2017 (HOL) – Ciidamada Booliiska maamulka K/galbeed ayaa
magaalada Baydhabo ku soo bandhigay saddex ruux oo habeen hore ku dilay masjid
ku yaala magaalada Sheekh Caan ka ahaa deegaanka.
Arintan ayaa ka danbeysay kaddib howlgal ay wadajir u sameeyeen ciidamada
booliiska iyo kuwa nabad-sugida maamulka Koonfur galbeed Soomaaliya.
Saraakiisha ciidamada booliiska ayaa sheegay in soo qabashada raggan ay ku
suurtagashay, kaddib markii ay booliiska gacanta ku dhigeen mid ka mid ah,
kaasoo markii danbe farmuuqay labada kale.
Raga la soo qabtay ayaa la sheegay in Sheekh Maxamed Deyr ku dhax toogteen
gudaha masjid ku yaala Baydhabo, taasoo noqotay dhacdo ka yaabisay dadka
magaalada.
Raggan ayaa la sheegay in la horgeyn doono maxkamada ciidamada qalabka sida,
laguna qaadi doono dacwad la xiriirta danbiga ay galleen.
C/raxmaan Diini, Hiiraan Online
[email protected]
