3/19/2024
Today from Hiiraan Online:  _
Wararka Maanta- Sabti, July 28, 2012
Madaxweynaha Maamul-goboleedka Putland oo beesha caalamka ka dalbaday in lasoo celiyo dhallinyarada ka tahriibaya Soomaaliya
Sabti, July 28, 2012 (HOL) — Madaxweynaha Puntland, Cabdiraxmaan Maxamed Faroole ayaa ka dlabaday beesha calaamka inay gacan ka geystaan sidii dhallinta Soomalaiyeed ee dalka ka tahriibaya dib loogu soo celin lahaa, isagoo madaxda DKMG ah ka dalbaday inay iyaguna doorkooda ka qaataan arrintan.

C/raxmaan Faroole ayaa sheegay in dhallinyarada Soomaaliyeed ay ka cararayaan dalkooda halkii ay dib u dhiskiisa ka qaybqaadan lahaayeen, wuxuuna xusay inay jiraan dad ka ganacsada dhoofinta dhallinyarada iyo sidii ay dalkooda uga carari lahaayeen.

"Hay'adaha qoxootiga calaamiga ah iyo ICRC waxaan ka codsanayaa inay dib ugu soo celiyaan dhallinyarada Soomaaliyeed ee ku silcaya dalka Liibiya deegaannadii ay u dhasheen ayna bixiyaan kharashka dib loogu soo celinayo iyagoo la kaashanaya Qaramada Midoobay oo dhaqaale badan ku bixisa Soomaaliya," ayuu yiri C/raxmaan Faroole oo saakay la hadlayay BBC-da.

Madaxweynaha Puntland wuxuu sidoo kale sheegay in dowladda KMG ah ay kaalin ka qaadato sidii ay arrintaas ku suurogeli lahayd isagoo sheegay in madaxda DKMG ah ay hadda mashquulsan yihiin, balse kursi ama xafiis la raadiyo ay ka daran tahay dhibaatada haysata dadka Soomaaliyeed.

"Waxaa nasoo wacay xalay goor dambe dad lagu qiysaasay 90-qof oo dooni ay kula cilladowday badda u dhexeysa Liibiya iyo Talyaaniga, waxaana la xiriirnay dowladda Talyaaniga aakhirkiina waxaa la geeyay xeebta Liibiya," ayuu yiri madaxweynaha Puntland.

Hadalka madaxweyaha Puntland ayaa wuxuu imaanayaa iyadoo ay laba doomood oo wada tahriibayaal Soomaaliyeed oo ka ambabaxay dalka Liibiya ay ku cilladoobeen badda midetereeniyaanka halkaasoo marin u ah muhaajiriinta si ay u gaaraan Yurub.

Dalka Liibiya ayaa waxaa ku xirxiran dhallinyaro badan oo Soomaaliyeed kuwaasoo ay qaarkood gacanta ku hayaan kooxo hubeysan oo aan hoostegin maamulka ka jira dalka Liibiya, waxaana dhallinyaradaas oo isugu jira rag iyo dumar ay sheegeen in loo geysto dhibaatooyin kala duwan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/28/2012 9:07 AM EST
Sabti, July 28, 2012 (HOL) — Hay'adda nabadsugidda DKMG ah ee Soomaaliya ayaa soo bandhigtay maanta sarkaal iyo askari kasoo goostay Xarakada Al-shabaab sida ay labadan ruux u sheegeen warbaahinta.

7/28/2012 8:55 AM EST
Sabti, July 28, 2012 (HOL) — Xaflad si heer sare ah loosoo agaasimay oo ay ka qayb-galeen mas'uuliyiin ka tirsan dowladda KMG ah ee Soomaaliya, ganacsato, dhakhaatiirta caafimaadka xoolaha, mas'uuliyiin ka tirsan maamullada gobollada Banaadir iyo Shabeellada hoose oo lagu furayay maxjar weyn oo maanta ka dhacday magaalada Muqdisho.

7/28/2012 8:30 AM EST
Sabti, July 28, 2012 (HOL) — Guddidda la dagaanka cudurka HIV/AIDS Somaliland, ayaa sheegay in sanadkan hoos u dhac ku yimid fiditaankii cudurkaasi marka loo eego heerkiii uu sanadkii hore marayey.

7/28/2012 8:20 AM EST
Sabti, July 28, 2012 (HOL) — Ergada ansixinaysa dastuurka qaybo-qoraalka ah ee Soomaaliya ayaa maanta oo Sabti ah loo akhriyay dastuurka oo ka kooban 79-qodob, iyadoo lagu wado in berri ay ka doodaan qodobbada ay u arkaan inay yihiin kuwo ay khaladaad ku jiraan.

7/28/2012 8:06 AM EST
Sabti, July 28, 2012 (HOL) — Munaasabad maanta ka dhacday Muqdisho ayaa lagu dhaafiyay 52 garsoore oo loogu talo-galay inay ka howlgalaan maxkamadda dalka, iyadoo xafladda dhaarinta ay ka qaybgaleen madaxweynaha Soomaaliya, Shariif Sheekh Axmed, wasiirro iyo guddoomiyaha maxkamadda sare ee dalka.

7/28/2012 7:35 AM EST
Sabti, July 28, 2012 (HOL) — Guddoomiyaha maxkamadda sare ee dowladda KMG Soomaaliya, Caydiid C/llaahi Ilko-Xanaf oo maanta ka hadlayay munaasabad lagu qabtay Muqdisho oo lagu dhaarinayay garsoorayaal ayaa sheegay in dastuurka qaybo-qoraalka aysan ku caddeyn xuquuqda garsoorka Soomaaliya.

7/28/2012 7:03 AM EST
Sabti, July 28, 2012 (HOL) — Kooxo hubeysan iyo ciidamada DKMG ah ayaa siyaabo kala duwan saddex qof ugu dilay maanta degmooyinka Ufuroow iyo Baydhabo oo ka tirsan gobolka Ba iyo duleedka magaalada Muqdisho, gaar ahaan deegaanka Lafoole.

7/28/2012 2:15 AM EST
Sabti, July 28, 2012 (HOL) — Shirkii ansixinta dastuurka qabyada ah ee Soomaaliya ayaa maanta dib uga billaabanaya magaalada Muqdisho kaddib markii uu shalay ku yimid hakad, taasoo uu wasiirka dastuurku ku sheegay inay ahayd cillad farsamo oo dhinaca kambiyuutarrada ah.

7/28/2012 2:06 AM EST
Sabti, July 28, 2012 (HOL) — Ugu yaraan shan qof oo saddex ka mid ah ahaayeen ciidamada dowladda KMG ah ayaa ku dhintay qaraxyo shalay oo Jimco ahayd ka dhacay koontaroolka ku yaalla duleedka degmada Baydhabo ee xarunta gobolka Bay.