 |
"Howsha ugu culus ee baarlamaanka waxay noqon doontaa kormeeridda iyo sidii la xisaabtan loogu sameyn lahaa wasaaradaha dowladda," ayuu yiri Prof. Jawaari oo intaas ku daray in wasaaradaha kala duwan ee xukuumadda lala xisaabtami doono saddexdii biloodba mar.
Sidoo kale, guddoomiyaha baarlamaanka Soomaaliya ayaa wuxuu sheegay in baarlamaanku uu yahay mid ku hadlaya afka shacabka, isagoo shacabka Soomaaliyeed ugu baaqay inay ku kalsoondaan baarlamaanka, maadaama uu iyaga matalo.
"Wasaarad walba waxaa la weydiin doonaa howlaha u furay, kuwii aan fulin sababta keentay inay fuli waayaan iyo xilliga la fulinayo," ayuu yiri Prof. Jawaari oo intaas ku daray in baarlaamanka ay ka go'an tahay inuu howlihiisa kasoo baxo.
Ugu dambeyn, Prof. Jawaari wuxuu sheegay in sidoo kale uu baarlmaanku dib u eegis ku sameyn doono dastuurka dalka oo horay loo ansixiyay, isagoo xusay in wax ka bedel lagu sameyn doono dhammaan qodobbada uu muranka ka taagan yahay, laguna caddeyn dono in Muqdisho ay tahay caasimadda Soomaaliya.
Hadalka guddoomiyaha baarlamaanka Somalia ayaa wuxuu kusoo beegmayaa iyadoo lagu wado in dhawaan lasoo dhiso xukuumad iyo iyadoo xildhibaanadu ay maalmihii lasoo dhaafay ka shaqeynayeen qorhshe howleedkooda afarta sano ee soo socota.
Maxamed Xaaji Xuseen, Hiiraan Online
[email protected]
Muqdisho, Soomaaliya