Dagaal culus oo xalay Degmada Dharkeenley ee Goballka Banaadir ku dhaxmaray Ciidamada Dowladda Soomaaliy iyo kooxaha ka soo horjeeda.

Khamiis, 3, Dec, 2009 (HOL)  Dadka ku dhaqan qaar ka mid ah Xaafadaha degmada Madiina ee Magaalada Muqdisho ayaa xalay saqdii dhexe ku toosay dhawaaqa Madaafiic iyo Rasaas culus oo ay is weydaarsanayaan Ciidamada Dowladda Soomaaliya iyo kooxaha ka soo horjeeda.
 
Sida ay sheegeen qaar ka mid ah dadka ku ku dhaqan Xaafadaha dagaaladu ka dhaceen ayaa sheegay in fariismo ay lee yihiin Ciidamada Dowladda Soomaaliya ay weerar ku soo qaadeen kooxaha Islaamiyiinta ah ee Dowladda ka soo horjeeda, waxaana dagaalka xoogiisu uu ka dhacay agagaarka Xoosh iyo deegaanka Kaxda oo ka wada tirsan degmada Degmada Dharkeenley ee Goballka Banaadir.
 
Inta la og yahay waxaa dagaalka xalay dhacay ku dhaawacmay afar ruux oo rayid ah kuwaa oo rasaastu ugu tagtay guryahooda, lamana oga khasaaraha rasimig ah ee kala gaaray dhinacyada dagaalku dhaxmaray.
 
Degmada Dharkeynley ee xalay dagaalku ka dhacay ayaa maalin ka hor waxaa booqasho ku tagay Madaxweynaha Dowladda Soomaaliya Shiikh Shariif Shiikh Axmed oo halkaa kula hadlay Ciidamada Dowladda Soomaaliya ee ku sugan xaryaha Ciidamada Degmada.
 
C/raxmaan Diini, Hiiraan Online
[email protected]