11/19/2024
Today from Hiiraan Online:  _
Wararka Maanta- Axad, Nov 10, 2024
Madaxweyne Axmed Madoobe oo magacaabay Guddiga Doorashooyinka Jubbaland
 

Axad, November, 10, 2024 (HOL) - Madaxweynaha Dowlad Goboleedka Jubaland Axmed Maxamed Islaam Axmed Madoobe ayaa Magacaabay Guddiga Madaxa banaan ee Xudduudaha iyo Doorashooyinka Jubaland.

Xubnaha Guddiga ayaa ka kooban todobo xubnood waxaana uu faray in ay soo diyaariyaan doorasho dad ban xilli Dowladda Federaalka ay diiday in dalka laga qabto wax aan ka aheyn Doorasho qof iyo cod ah.

Magacaabistaan waxa ay kor usii qaadi doontaa khilaafka siyaasadeed ee u dhaxeeya Dowladda Federaalka iyo Maamulka Jubaland, tani waxa ay ka dhignaan doontaa inay dhabar Jab iyo dharbaaxo ku noqon doonto dadaaladii uu Madaxweynaha Soomaaliya Xasan Sheekh Maxamuud ugu jiro inuu dalka ka qabto doorasho qof iyo cod ah.

Qeybta Hoose ka Akhriso Magacyada xubnaha Guddiga iyo Howsha loo igmaday:-