3/29/2024
Today from Hiiraan Online:  _
Wararka Maanta- Isniin, Dec 3 , 2018
Madaxweynaha Somaliland oo xafiiskiisa ku qaabiley wefti ka socda midowga Yurub

 

Isniin, December, 03, 2018 (HOL) -Madaxweyne Muuse Biixi ayaa maanta xafiiskiisa ku qaabiley wefti ka socda midowga reer Yurub oo uu hoggaaminayo Ambassador Fulgencio Garrido oo ah ku xigeenka wakiilka midowga Yurub u qaabilsan Soomaaliya.

Madaxweynaha iyo xubnaha wefdiga ah ee ka socday midowga Yurub, ayaa ka wada hadlay qodobo ay ka mid yihiin xoojinta Dimuqraaddiyadda Somaliland, wada hadaladii Somaliland iyo Soomaaliya, isbedelada siyaasadeed ee geeska Afrika, iyo arrimo doora oo la xidhiidha horumarinta arrimaha bulshada.

War-saxaafadeed ka soo baxay xafiiska madaxweynaha ayaa lagu sheegay in lagu soo hadal qaaday dhismaha wadada Berbera Corridor ee isku xidhi doonta Berbera iyo wajaale sidii ay kaalintooda uga qaadan lahaayeen midawga Yurub.

Waxa kale oo kulankaasi lagaga wada hadlay qabsoomida doorashooyinka wakiilada iyo golayaasha deegaanka, isagoo Madaxweynuhu u sheegay weftiga in ay xukuumaddu dhinaceeda mar hore iska dhamaystirtay wixii looga baahnaa ee dhinaceeda ku xidhnaa. Sidoo kale waxa laga wada hadlay biyo balaadhinta magaalooyinka Hargeysa, Burco, Boorama, Ceerigaabo iyo Wajaale, waxaanay xubnaha weftigu madaxweynaha ku bogaadiyeen balan qaadkii uu madaxweynuhu u sameeyey biyo balaadhinta Caasimada ee dhamayd halka Milyan ee doolar ($1Milyan).

“Waxa kulankaasi lagu soo qaaday wada hadaladii hore u dhexmaray Somaliland iyo Soomaaliya, sidii loo soo celin lahaa oo uu madaxweynuhu u sheegay xubnaha weftiga in ay Somaliland mar walba ka go’antahay inay hirgalaan wada hadaladu, balse ay Soomaaliya ka jeceshay hagar-daamada iyo Turan-turada qarannimada Somaliland oo ay ku foogan tahay, waxaanu sheegay madaxweynuhu in aanay Soomaaliya marnaba diyaar u ahayn in la furo wada hadalada labada dhinac.”ayaa lagu yidhi qoraalkaasi ka soo baxay xafiiska madaxweynaha.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
12/3/2018 1:28 PM EST
Isniin, December, 03, 2018 (HOL)- Madaxweyne ku-xigeenka Puntland,Cabdixakiin Xaaji Cumar Camey ayaa goor dhow magacaabay guddi ka soo horjeeda guddigii uu maanta magacaabay madaxweynaha Puntland ee ansixinta iyo xallinta khilaafaadka golaha wakiilada Puntland.

12/3/2018 11:12 AM EST
Isniin, December, 03, 2018 (HOL)-Madaxweynaha Soomaaliya Mudane Maxamed Cabdullaahi Farmaajo oo ka hadlay maalinta caalamiga ah ee Naafada Adduunka ayaa sheegay in Dowladda Federaalka Soomaaliya ay xoogga saareyso u adeegidda dadka naafada ah.

12/3/2018 7:54 AM EST
Isniin, December, 03, 2018 (HOL) - Madaxweynaha Mareykanka Donald Trump ayaa warqad uu u diray ra’iisul wasaaraha Pakistan Imran Khan waxa uu kaga codsaday in Islamabad ay kala shaqeyso sidii kooxda Taliban loo keeni lahaa miiska wada-xaajoodka.

12/3/2018 7:37 AM EST
Isniin, December, 03, 2018 (HOL) - Dalka Qatar ayaa ku dhawaaqay inuu isaga baxayo ururka dalalka dhoofiya Saliida ee loo yaqaano OPEN, sida uu ku dhawaaqay Wasiirka Tamarta dalkaas Saad Sherida Al-Kaabi.

12/3/2018 7:28 AM EST
Isniin, December, 03, 2018 (HOL) - Shirka Banbax Sanadeedka ee Wasaaradda Arrimaha Dastuurka oo muddo seddex maalin ah ka socday magaalada Muqdisho ayaa waxaa soo xiray Wasiirka Dastuurka Xukuumadda Soomaaliya ,Cabdiraxmaan Xoosh Jibriil.

12/3/2018 7:19 AM EST
Isniin, December, 03, 2018 (HOL) - Madaxweynaha Puntland, Cabdiweli Maxamed Cali Gaas ayaa xeer Madaxweyne Lr. 192 , ku magacaabay guddiga ansixinta iyo xallinta khilaafka golaha wakiilada Puntland.

12/3/2018 7:05 AM EST
Isniin, December, 03, 2018 (HOL) - Musharraxa Madaxweynaha Puntland ee doorashada 2019-ka ,Mudane Cali Xaaji Warsame ayaa maanta lagu soo dhaweeyey xarunta gobolka Bari ee Boosaaso,isagoo ka soo kicitimey magaalada Nairobi ee xarunta dalka Kenya.

12/3/2018 4:40 AM EST
Isniin, December, 03, 2018 (HOL)-Qaar ka mid ah musharixiinta u taagan xilka madaxweynaha maamulka ayaa qoraal ay soo saareen ku sheegay in ay shaki ka qabaan madax-bannaanid guddiga doorashada madax-weynaha maamulka Koonfur Galbeed.

12/3/2018 4:24 AM EST
Isniin, December, 03, 2018 (HOL) -Waxaa wali cakiran howlihii Golaha Shacabka kaddib muran soo kala dhax-galay guddiga Maaliyada oo guddoonka Baarlamaanku sheegay in la kala diray.

12/3/2018 12:43 AM EST
Isniin, December, 03, 2018 (HOL) – War ka soo baxay Hay’adan Socdaalka iyo Jinsiyadaha dowladda federaalka Soomaaliya ayaa lagu sheegay in maalmahii la soo dhaafay ay wadeen horumarin iyo dib u habeyn lagu sameynayay habka bixinta Baasaboorka Soomaaliga ah lana bilaabi doono bixinta baasaboorka maalinta Talaadada ah ee soo socota kuna beegan 4ta December’.

12/3/2018 12:27 AM EST
Isniin, December, 03, 2018 (HOL)–Kooxda Xuutiyiinta ee dalka Yemen ayaa xaqiijiyay in Diyaarad ay leedahay Qaramada Midoobay ay daad gurayn doonto dagaalameyaal ka dhaawacmay jabhadda Xuutiyiinta, islamarkaana ay geyn doonto Magaalada Caman.

12/3/2018 12:20 AM EST
Isniin, December, 03, 2018 (HOL)–Saraakiisha Booliiska gobolka Ohio ee dalka Mareykanka ayaa baaritaan ku wada sababta ka danbeysay gaariga labo gabdhood oo walaalo ahaa oo shil baabuur ku geeriyooday habeenkii Axad ee todobaadkan.