Khamiis, Janaayo 02, 2014 (HOL) — Xildhibaanada Baarlamaanka Puntland oo maanta magaalada Garoowe kulan ku yeeshay, ayaa muddeeyey xilliga ay dhici doonto doorashada guddoomiyaha baarlamaanka Puntland iyo ku-xigeenkiisa.Guddoomiyaha kumeel gaarka ah ee Golaha Cali Axmed Cismaan ayaa sheegay in guddoomiyaha baarlamaanka iyo ku-xigeenkiisa la dooran doono maalinta Sabtida ee ay taariikhdu ku beegan tahay [Janaayo 4, 2014]
Guddoomiyuhu wuxuu sidoo kale shaaciyey magacyada guddi xildhibaano ah oo loo xil saarya doorashada madaxweynaha iyo madaxweyne ku-xigeenka Puntland oo iyaduna dhici doonta [Janaayo 8, 2014]
Xildhibaanada guddigaas xubnaha ka ah waxay magacyadoodu kala yihiin sidan:
- Saadiq Abshir Garaad- Guddoomiye
- Axmed Jaamac Cabdulle - xubin
- Cumar Maxamuud Irbad - xubin
- Xassan Siciid Xaaji Xasan - xubin
- Maxamuud Faarax Warsame -xubin
Shalay ayey ahayd markii munaasabad ballaaran oo ka dhacday Xarunta Baarlamaanka ee Garoowe lagu dhaariyey 66-da xildhibaan ee shanta sano ee soo socota kamid noqon dooona Golaha Wakiillada ee Maamulka Puntland.
Maxamed Salaad Xaaji Dirir, Hiiraan Online
[email protected]
Puntland, Soomaaliya