3/28/2024
Today from Hiiraan Online:  _
Wararka Maanta- Khamiis, Jan 10, 2013
AFHAYEENKA AMISOM: “Guulo muuqda ayaan ka gaarnay Howl-gallada aan ka wadno Gudaha dalka Soomaaliya”

Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

Col. Xumud oo shir jaraa’id ku qabtay Muqdisho ayaa sheegay inay hadda AMISOM ka howlgasho gobollo ka baxsan caasimadda ayna sugtay amniga goobahaas, isagoo xusay in howgalladu ay sii socon doonaan.

“Howlgalka AMISOM wuxuu markii hore ahaa mid si qun-yar ku socda, balse ay howlgalkoodu bedeleen sannadihii ugu dambeeyay ayna gaareen meelo ka baxsan halkii ay howlgalka kawadi jireen, guulo ayaana laga gaaray,” ayuu yiri Col. Xumud oo intaas ku daray in howgalladu ay sii socon doonaan.

Afhayeenku wuxuu hadalkiisa ku daray in ciidamada AMISOM ay hadda ku sugan yihiin dhowr gobo loo ku yaalla Soomaaliya, kuwaasoo ay ka mid yihiin gobolka Hiiraan oo ay ku sugan yihiin ciidamada, gobolka Jubbada hoose oo ay ku sugan yihiin ciidamada Kenya iyo gobolada Shabeellooyinka iyo Bay oo ay ku sugan yihiin ciidamada Burundi iyo Uganda.

Sidoo kale, afhayeenka AMISOM wuxuu ka dhawaajiyay in ciidamada dowladda Soomaaliya wixii hadda ka dambeeya lagu tababari doono gudaha dalka, halkii markii hore tababar loogu qaadi jiray dalka dibaddiisa.

“Ciidamada dowladda wixii hadda ka dambeeya gudaha ayaa tababar lagu siin doonaa marka laga reebo saraakiil yar oo xirfado kala duwan lagu soo bari doono dalka dibaddiisa,” ayuu yri afhayeenka ciidamada Midowga Afrika.

Howgalka Midowga Afrika oo billowday sannadkii 2007 ayaa wuxuu sannadkii hore ka gudbay Muqdisho oo ahayd halkii ay howgalka ka billaabeen iyagoo ka qabsaday Al-shabaab dhul-ballaaran oo ku yaalla Koonfurta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaailya













Click here
1/10/2013 2:17 PM EST
Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

1/10/2013 2:16 PM EST
Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

1/10/2013 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

1/10/2013 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

1/10/2013 8:59 AM EST
Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

1/10/2013 3:49 AM EST
Khamiis, Jannaayo 10, 2013 (HOL) —Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

1/10/2013 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.

1/10/2013 3:07 AM EST
Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.