3/29/2024
Today from Hiiraan Online:  _
Wararka Maanta- Khamiis, Jan 10, 2013
Kooxo ku labisan dharka ciidamada Dowladda Soomaaliya oo dhac ka geysta Qeybo ka tirsan Gobolka Shabeelaha Hoose

Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.

Kooxahani ayaa la sheegay in gaadiidka ay isbaareystaan isalamarkaasina ay dadka ka qaataan waxyaalaha ay wataan, sida teleefonnada gacanta, lacagaha iyo dhamaan waxa ay wataan dadka rakaabka ah.

Xaliimo Cali oo imika ku sugan magaalada Muqdisho ayaa kamid ahayd dad ay kooxahani dhac ugu geysteen nawaaxiga degmada Marka ee gobolka shabeelaha Hoose, iyadoo u waramaysay HOL ayay sheegtay in dhac loogu geeystay meel ku dhow degmada Marka xilli ay kusoo wajahnayd magaalada Muqdisho, waxayna sheegtay in rakaabkii saarnaa gaadiidka ay la socotay dhamaan laga qaatay waxyaalihii ay wateen.

 “Waxay xoog iiga furteen dahab aan watay oo qoorta iyo dhagaha iigu xirnaa. Qori baagiisa ayay ila dheceen,” ayay haweeneydani hadalkeeda raacisay.

Max’ed C/laahi Ibraahim oo ah wade gaadiid ka dhex shaqeeya gobollada Jubooyinka iyo Banaadir ayaa HOL u sheegay in marar badan dhac loo geystay dad saaran gaarigiisa, wuxuuna xusay in xilliyada qaar tacadiyo isugu jira jirdil iyo kufsi ay ka dhacaan wadadaasi.

Gudoomiyaha gobolka shabeelaha hoose C/qaadir Max’ed Nuur Siidii oo warbaahinta ha hadlay ayaa sheegay in ay isa soo tarayaan dhibaatooyinka lagu hayo dadka shacabka ah ee isticmaala gobolka, wuxuuna xusay in kooxaha dhaca geysta ay yihiin kuwo doonaya in ay iska horkeenaan shacabka iyo dowaldda islamarkaasina ay adeegsadaan dharka ciidamada dowladda lagu yaqaan, wuxuuna gudoomiyuhu xusay in ay codsi u direen laamaha ammaanka ee dowladda Soomaaliya si wax looga qabto dhibaatadaasi, balse aysan jirin ilaa imika cid wax ka qabatay.

Masuulkani ayaa sheegay in shirar maalmihii u danbeeyay ka socday gobolka ay go’aan ku gaareen in aysan cidna sugin oo ay isu tashtaan islamarkaasina ay go’aansadeen in si deg deg ah ay u bilaabaan howlgallo lagu ciribtirayo kooxahaasi.

Masuulkani ayaa intaa ku daray in aysan ahayn arin loo dulqaadan karo in la istaajiyo gaadiid ay saaranyihiin dad masaakiin ah oo dhac loo geysto, haweenka saaranna la kufsado, wuxuuna xusay in ay ballan qaadayaan in ay kooxahaasi ka tirtiraan gobolka.

Mudooyinkii u danbeeyay waxaa isa soo tarayay cabashooyinka kasoo yeeraya dadka iyo gaadiidka isticmaala gobolka shabeelaha hoose, kuwaasoo dhibaatooyin ba’an oo ay kamid yihiin, jirdil, dhac iyo kufsi kala kulma kooxo hubeysan oo ku labisan dareeska ciidamada dowladda,

Xasan Nuur, Hiiraan Online
[email protected]
Muqdisho, Soomaaliya













Click here
1/10/2013 2:17 PM EST
Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

1/10/2013 2:16 PM EST
Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

1/10/2013 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

1/10/2013 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

1/10/2013 9:11 AM EST
Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

1/10/2013 8:59 AM EST
Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

1/10/2013 3:49 AM EST
Khamiis, Jannaayo 10, 2013 (HOL) —Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

1/10/2013 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.