3/29/2024
Today from Hiiraan Online:  _
Wararka Maanta- Axad, Jun 30, 2013
Dowladda Soomaaliya oo ka Hadashay Mowqifkeeda Aaddan Sheekh Xasan Daahir oo ku xiran Magaalada Muqdisho


Axad, Juun 30, 2013 (HOL) — Dowladda Somalia ayaa sheegtay in arrinta Sheekh Xasan Daahir Aweys ay u baahan tahay fursad si arritan xal looga gaaro, waxaana arrintaan sheegay afhayeenka madaxweynaha Soomaaliya, Inj. C/raxmaan Cumar Cismaan (Yariisow).

Afhayeenka oo la hadlayay VOA-da ayaa sheegay in go’aanno kala duwan ay miiska saaran yihiin, xaalka Sheekh Xasanna uu ku xiranaan doono hadba sida go’aannadaas ay noqdaan, isagoo ka gaabsaday inuu faahfaahiyo halka ay dowladdu u cuskanayso xal u helidda arrintan hoggaamiyihii hore ee Xibul Islaam.

“Sheekh Xasan Daahir dowladda Somalia ayaa gacanta ku haysa wuxuuna ku sugan yahay Muqdisho, waxaana loo baahan yahay in fursad yar la siiyo dowladda si xal looga gaaro arrintan,” ayuu yiri Inj. Yariisow oo intaas ku daray in dowladdu ay ilaalinayso sharafka iyo karaamada wadaadka meel wanaagsanna la dajin doono.

Afhayeenku wuxuu sheegay inay miiska saran yihiin qodobbo dhowr ah oo ay ka mid tahay in Sheekh Xasan Daahir uu ku jiro liiska UN-ka iyo midka argagaxisada ee Mareykanka, arrintan si go’aan looga gaarana ay u baahan tahay in waqti loo siiyo dowladda Soomaaliya.

“Runtii odayaashii Sheekh Xasan Daahir keenay Muqdisho dadaal weyn ayay sameeyeen, waxaana u sheegaynaa in dowladdu ay ilaalin doonto sharafka Sheekh Xasan Daahir meel wanaagsanna ay dajin doonto. Isla markaana aan diyaar u nahay inaan la fariisanno oo aan ka dhaadhicinno mowqifya dadowaldda ee ku aaddan Xasan Daahir,” ayuu afhayeenku yiri.

Ma sheegin afhayeenku in Xasan Daahir xiran yahay iyo in kale, balse waxaa weli uu Sheekh Xasan Daahir iyo xubnihii la socday ay ku xiran yihiin xabsi ay leedahay hay’adda nabadsugidda Qaranka Soomaaliyeed.

Su’aal ahayd in dowladdu ay aqlabayso iyo in kale, haddii Sheekh Xasan uu ku dhawaaqo inuu ka laabtay go’aannadiisii hore iyo ka tirsanaantii uu ka tirsanaa Al-shabaab, ayuu kaga jawaabay inay wax walba ku xiran yihiin hadba sida ay wadahadallada iyo qodobbada miiska saaran noqdaan.

Mar kale oo la weydiiyay inay dowladda Soomaaliya ku wareejinayso gacan kale ama dowlad kale ayaa wuxuu sheegay inaysan taasi dhici doonin ayna dowladda Soomaaliya leedahay shuruuc ay raacdo, qof Soomaali ahna aan lagu wareejin doono dal shisheeye.

Hadalka afhayeenka ayaa imaanaya kaddib kulan maanta Muqdisho ay ku yeesheen madaxweynaha Soomaaliya, ra’iisul wasaaraha iyo madaxda hay’adda nabadsugidda Qaranka, kaasoo ay uga hadleen arrimaha Sheekh Xasan Daahir Aweys.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/30/2013 2:08 PM EST
Axad, Juun 30, 2013 (HOL) — Wasiir ku xigeenka wasaaradda wafaafinta xukuumadda Soomaaliya, C/shakuur Cali Mire oo maanta shir jaraa’id ku qabtay Muqdisho ayaa ciidamada Kenya ee qaybta ka ah howgalka AMISOM ku eedeeyay inay ka qaybgaleen dagaalkii Kismaayo ka dhacay.

6/30/2013 1:16 PM EST
Axad, Juun 30, 2013 (HOL) — Madaxweynaha Soomaaliya, Xasan Sheekh Maxamuud ayaa maanta ka qaybgalay xirtaankii kalfadhigii labaad ee golaha baarlamaanka Soomaaaliya oo maanta lasoo xiray, waxaana sidoo kale goob-joog ka ahaa kulankaas guddoomiyeyaasha baarlamaannada Puntland iyo Galmudug.

6/30/2013 10:31 AM EST
Axad, Juun 30, 2013 (HOL) — Wasaaradda Qorsheynta Qaranka Somaliland, ayaa soo bandhigay daraasad ay afartii sannaba mar samayso oo lagu eego hab nololeedka bulshadda Somaliland sida arrimaha Hooyadda iyo dhalaanka, Caafimaadka, waxbarashadda, shaqada iyo isticmaalka biyaha nadiifadda ah.

6/30/2013 10:31 AM EST
Axad, Juun 30, 2013 (HOL) — Guddoomiyaha maamulka gobolka Hiiraan Cabdi Faarax Lanqayo oo shir jaraa'id ku qabtay maanta magaalada xafiiskiisa magaalada Baladweyne ayaa uga digay ganacsatada gobolka in ay soo galiiyaan magaalada lacago been abuur ah.

6/30/2013 10:31 AM EST
Axad, Juun 30, 2013 (HOL) — Hay’adda horumarinta haweenka Soomaaliyeed ee SWDC ayaa Muqdisho ka qaybisay deeq dhar ah oo ay soo dhiibeen jaaliyadda Soomaaliyeed ee ku nool Magaalada London ee xarunta dalka Britain , iyadoo deeqdan ay ka koobnayd dharka haweenka, raga iyo kuwa caruurta, waxaaana la socday kabo iyo bustayaal.

6/30/2013 4:32 AM EST
Axad, Juun 30, 2013 (HOL) — Ciidamada Maamulka Axmed Maxamed Islaam (Axmed Madoobe) ayaa la wareegay gacan ku haynta magaalada Kismaayo ee xarunta gobolka Jubbada Hoose, kaddib dagaallo saddexdii maalmood ee ugu dambeeyay ka socday gudaha magaaladaas.

6/30/2013 3:49 AM EST
Axad, Juun 30, 2013 (HOL) — Wafdi uu hoggaaminayo wasiirka Owqaafta, arrimaha diinta iyo dhaqanka dalka Jabuuti ayaa Muqdisho u yimid saakay ka qaybgalka munaasabadda 01-da Luuliyo oo ku beegan 53-guuradii kasoo wareegtay markii gobollada Koonfureed ka xoroobeen gurmeysigii Talyaaniga iyo is-raacii labada gobol.

6/30/2013 2:52 AM EST
Axad, Juun 30, 2013 (HOL) — Dowladda Soomaaliya ayaa xabsiga dhigtay Sheekh Xasan Daahir Aweys iyo xubno taageerayaashiisa ah oo la socday, kuwaasoo xalay fiidkii laga soo dajiyay garoonka diyaaradaha ee Muqdisho.

6/30/2013 2:30 AM EST
Axad, Juun 30, 2013 (HOL) — Afhayeenka howgallada Al-shabaab, Sheekh C/casiis Abuu-Muscab ayaa war uu warbaahinta siiyay ku xaqiijiyay in laba ka mid ah saraakiishii sar-sare ee Al-shabaab lagu dilay degmada Baraawe ee gobolka Shabeellada Hoose, kaddib markii ay diideen inay is-dhiibaan.

6/30/2013 2:01 AM EST
Axad, Juun 30, 2013 (HOL) — Dagaal culus oo galay maalintii saddexaad ayaa saakay dib uga qarxay magaalada Kismaayo ee xarunta gobolka Jubbada Hoose, dagaalkan oo daba socda dagaalladii labadii maalmood ee lasoo dhaafay ka dhacayay degmadaas.