3/28/2024
Today from Hiiraan Online:  _
Wararka Maanta- Arbaco, Apr 3 , 2013
Ra'iisul Wasaaraha Somalia oo la kulmay Madaxweynaha dalka Jabuuti isagoo kala hadlay Xaaladda dalka (SAWIRRO)


Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

Ra'iisul wasaaraha oo ay wehliyaan, wasiirka arrimaha gudaha, Cabdikariin Xuseen Guuleed, wasiirka gaashaandhigga, Cabdixakiin Xaaj Maxamuud Faqi, Marwada Ra’iisul wasaaraha, xildhibaanad Caasha Xaaji Cilmi iyo saraakiil ka tirsan xafiiskiisa ayaa waxay la kulmeen madaxweynaha dlka Jabuuti Ismaaciil Cumar Geelle.

Ra'iisul Wasaaraha iyo wafdigiisa ayaa waxaa garoonka kusoo dhaweeyay ra'iisul wasaaraha cusub ee dalka Jabuuti, Cabdulqaadir Kaamil iyo xubno ka tirsan golaha wasiirrada Jabuuti, iyadoo kaddib loo qaaday madaxtooyada dalka Jabuuti.

Ra'iisal Wasaaraha ayaa kulankii uu la qaatay Geelle waxay kaga wada hadleen arrimaha Soomaaliya, gaar ahaan amniga iyo iskaashiga, waxaana markii uu soo gabagaboobay warbaahinta la hadlay ra'iisul wasaare Saacid oo xusay in kulankooda ay uga wadahadleen arrimo badan oo ay ka mid tahay iskaashiga labada dal iyo sidii loo xoojin lahaa deris wanaagga.

Sidoo kale, ra’iisul wasaaraha ayaa sheegay in safarkan mid la mid ah uu ku tegi doono dalalka Itoobiya, Uganda iyo Burundi, isagoo rajo wanaagan ka muujiyay inay kasoo baxaan natiijooyin wanaagsan.

Dalalkan ayaa waxaa Soomaaliya ka joogo ciidamo nabad-illaaliyeyaal ah, waxaana sidoo kale ra'iisul wasaaruhu kala hadli doono dalalkaas arrimo khuseeya ciidamada iyo nabadgalyada Soomaaliya.

Ra'iisul wasaare Saacid ayaa tan iyo magacaabistiisii  bishii November 2012, wuxuu safarro kala duwan ku bixinayay gobollada iyo degmooyinka dalka si uu ugu kuur-galo xaaladaha dhabta ah ee ka jira, isagoo safarkan uu noqonayo kii ugu horreeyay oo uu dalka dibaddiisa ugu ambabaxo.











Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/3/2013 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

4/3/2013 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

4/3/2013 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

4/3/2013 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

4/3/2013 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

4/3/2013 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

4/3/2013 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

4/3/2013 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

4/3/2013 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

4/3/2013 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

4/3/2013 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

4/3/2013 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.

4/3/2013 1:47 AM EST
Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.