3/28/2024
Today from Hiiraan Online:  _
Wararka Maanta- Arbaco, Apr 3 , 2013
Madaxweynaha Khaatumo State oo dhagax-dhigay dhismayaal cusub oo lagu darayo Garoonka Diyaaradaha Taleex (SAWIRRO)


Arbaco, Abriil 03, 2013 (HOL) — Madaxwenaha maamulka Khaatumo, Maxamed Yuusuf Jaamac "Indhasheel" ayaa dhagax dhigay dhisme laga billaabay garoonka degmada Taleex oo xarun KMG ah u ah maamulkaas.

Garoonka degmadda Taleex oo lagu magcaabo Seyid Maxamed Cabdulle Xassan oo ahaa hal waddo oo ay diyaaraduhu ku ordaan ayaa haatan la billaabay in loo rogo garoon shaqaynay lehna dhismayaashii garoomada  diyaaradeed looga baahnaa.

Dhismaha garoonka haatan lagu kordhinaayo ayaa sida uu sheegay Inj. Rooble Ciise Degele wuxuu ka kooban yahay  laba hool oo waaweyn, laba  bakhaar, xafiisyo, masaajid iyo qaybo kale oo aasaasi u ah garoonka si ay howlihiisu u noqdaan kuwo dhameystiran, waxaanu intaas raaciyay in hadba awooddu inta ay gaadho ay wadayaan.

C/raxmaan Cumar Cali (Caweer) oo ka mid ah ganacsatada degmada Taleex ee gobolka Sool ayaa sheegay in urur wadDani ah oo awoodDiisu dalka debediisa ka dhisan tahay uu billaabay qorshaha lagu ballaarinayo garoonka, isagoo sheegay in lacagta ay soo direen ururkan ay tahay mid yar; balse ay uga jeedaan inay billaabaan howl dadka oo dhan ka dhexeysa ayna wadi doonaan iyagoo dadkooda ku tashanaya.

Wasiir ku xigeenka wasaaradda horumarinta iyo khayraadka dabiiciga ah, Ibraahin Yuusuf Guure oo halkaasi ka hadal ayaa isna sheegay in garoonku haatan yahay waddadaas dheer oo keliya; laakiinse wax badani qabyo ka yihiin, isagoo ka xusay degelka diyaaraduhu ku hakadaan, siligga xoolaha lagaga xidho ama deyr iyo tallaabooyin badan oo kale; waxaanu ugu baaqay bulshadu inay isku tashadaan.

Madaxwenaha Khaatumo oo ka hadlay dhagax dhiggii kaddib ayaa aad ugu mahad-celiyay ganacsatada iyo ururka Daryeel ee isku xil-qaamay inay garoonka ka dhigaan mid leh laamihii maamul, waxaanu ugu baaqay guud ahaan bulshada deegaanku inay ka qayb-qaataan waxqabadka dalka.

Indhasheel wuxuu xusay in howluhu aanay ahayn garoonkan oo keliya balse ay ka badan tahay isagoo ka xusay garoon dhimihiisu muddo ka badan saddex sannadood laga waday magaalada Buuhoodle oo uu sheegay inuu haatan gabagabo ku dhow yahay.

Garoonka Sayid Maxamed Cabdulle Xasan oo bilawgii sannadkii hore la billaabay ayaa ku dhismay iskaashi dadka deegaanka u dhashay; kaasoo haatan u muuqda mid hawlgalkiisa lagu guulaystay, iyadoo garoonkan oo markii u horreysay ay diyaaradi soo fadhiisatay ay ahayd 04 December, 2012.




Seynab Cabdi Warsame, Hiiraan Online
[email protected]
Laascaanood, Gobolka Sool













Click here
4/3/2013 1:02 PM EST
Arbaco, Abriil 03, 2013 (HOL) — Dowladda Puntland ayaa maanta soo saartay amar shaqada looga joojinayo saddex idaacadood oo kamid ah kuwa ugu ballaaran war-baahinta maxalliga ah e ka howlgala gudaha deegaanada Puntland.

4/3/2013 12:46 PM EST
Arbaco, Abriil 03, 2013 (HOL) — Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone oo soo gaaray Muqdisho, sida lagu sheegay war-saxaafadeed ay soo saartay AMISOM.

4/3/2013 12:32 PM EST
Arbaco, Abriil 03, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) oo maanta safarkiisii ugu horreeyay uga ambabaxay Muqdisho ayaa gaaray magaalada Jabuuti ee dalka Jabuuti.

4/3/2013 12:26 PM EST
Arbaco, Abriil 03, 2013 (HOL) — Madaxwaynaha Somaliland, Axmed Maxamed Maxamuud (Siilaanyo), ayaa maanta dhagax dhigay dhismayaal cusub oo kala duwan oo laga hirgalinayo degmada Axmed dhagax ee Magaalada Hargeysa.

4/3/2013 9:51 AM EST
Arbaco, 03 April, 2013 (HOL) :- Ku dhawaad ilaa 44 Xildhibaan oo ka tirsan golaha baarlamanka Soomaaliya ayaa maanta kasoo dagay garoonka caalamiga ah ee magaalada Kismaayo iyadoona ay halkaasi si diiran ugu soo dhaweeyeen masuuliyiinta maamulka KMG ee Kismaayo.

4/3/2013 9:07 AM EST
Arbaco, Abriil 03, 2013 (HOL) — Shirweynaha Qaran ee looga tashanayo dib u habeynta garsoorka Soomaaliya oo maanta galay maalintiisii saddexaad ayaa diiradda lagu saaray qodobbo ay ka mid yihiin qaab-dhismeedka dastuurka iyo sida uu ula shaqeeyo garsoorka, xeerarka iyo nidaamyadii sharci ee uu dalku lahaan jiray dagaallada ka hor.

4/3/2013 8:46 AM EST
Arbaco, Abriil 03, 2013 (HOL) — Ururka Hormarinta dhalinyarrada gobollka Hiiraan [Hiiraan Youth Development Association] ayaa bilihii ugu danbeeyayba ku howlanaa dib soo nooleynta goobihii danta guud, ayaa hadda billaabay in uu dib u dhis ama dayactir ku sameeyo goobihii taariikhiga ee ku bur buray dagaalladii ka dhacay dalka.

4/3/2013 8:43 AM EST
Arbaco, Abriil 03, 2013 (HOL) —Madaxweynaha Somaliland Mudane, Axmed Maxamed Maxamuud Sillaayo, ayaa maanta ka qaybgalay aas qaran oo loo sameeyey gudoomiye ku xigeenkii kowaad ee golaha Guurtidda Sheekh Axmed Sheekh Nuux Fure oo xalay ku geeriyooday magaaladda Hargeysa.

4/3/2013 8:23 AM EST
Arbaco, Abriil 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari), xildhibaanno, suxufiyiin, shacab iyo mas’uliyiin kale ayaa ka qaybgalay munaasabad loogu dabbaal-degayay sannadguuradii koowaad ee kasoo wareegtay aasaaskii Radio Dalsan oo ka mid ah idaacadaha ka howglala Muqdisho, taasoo lagu qabtay Muqdisho shalay oo Salaaso ahayd.

4/3/2013 6:11 AM EST
Arbaco, Abriil 03, 2013 (HOL) — Col. Xasan Maxamed Nuur Shaati-guduud oo ka mid ahaa hoggaamiye kooxeedyadii Soomaaliya, soona qabtay xilal wasiirnimo kana mid noqday baarlamaannadii Soomaaliya ayaa xalay ugu geeriyooday xanuun awgiis dalka Jarmalka.

4/3/2013 1:51 AM EST
Arbaco, Abriil 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa safarkiisii ugu horreeyay ee uu dibadda dalka ugu ambabaxo wuxuu maanta ku aaday dalalka ay ciidamadu ka joogaan Soomaaliya.

4/3/2013 1:49 AM EST
Arbaco, Abriil 03, 2013 (HOL) — Xildhibaanno ka tirsan baarlamaanka Soomaaliya ayaa lagu wadaa inay maanta tagaan degmada Kismaayo ee gobolka Jubbada Hoose si ay dhexdhexaadin uga dhex-billaabaan dowladda iyo maamulka KMG ah ee Kismaayo oo isku fahmi waayay maamul u sameynta gobollada Jubbooyinka.

4/3/2013 1:48 AM EST
Arbaco, Abriil 03, 2013 (HOL) — Ugu yaraan laba qof ayaa ku dhintay sagaal kalena way ku dhaawacmeen qaraxyo kala duwan oo xalay fiidkii ka dhacay magaalada Muqdisho ee xarunta Soomaaliya; kuwaasoo mid ka mid lala beegsaday xarunta dhexe ee shirkadda Dahabshiil ay ku leedahay magaalada Muqdisho.