7/2/2022
Today from Hiiraan Online:  _
Wararka Maanta- Sabti, Sept 8 , 2012
Xukuumadda Itoobiya oo sheegtay inay Wadahadallo nabadeed la yeelatay Jabhadda Xoreynta Ogaadeeniya ee ONLF
Sabti, September 08, 2012 (HOL) — Wasiirka wafaafinta Itoobiya ahna afhayeenka xukuumadda Itoobiya, Bereket Simon ayaa sheegtay inay wadahadallo nabadeed la yeesheen labadii maalmood ee lasoo dhaafay jabahadda xoreynta Ogaadeeniya ee ONLF.

Afhayeenku wuxuu sheegay in wadahadallada ay ka dhaceen magaalada Nariobi ee xarunta dalka Kenya, sidoo kale ONLF ay ku sheegtay shabakad wararka u baahisa in wadahadallo ay la yeelatay saraakiiil ka socday xukuumadda Addis Ababa.

"Waa tallaabo wanaagsan horay loo qaaday... waxaana raacaynaa qodobbadii lagu gaaray heshiiska k illaa laga gaarayo dhammaadka wadahadallada. Waxaana labada ay raaci doonaan qaanuunno ay ku heshiiyeen," ayuu yiri Simon oo suxufiyiinta kula hadlayay maanta magaalada Addis Ababa.

Wadahadalladan ayaa waxay soo afjarayaan dagaallo 28-sano u dhexeeya Itoobiya iyo jabhadda ONLF, kuwaasoo ay ku dhinteen kumannaan qof oo isugu jiray askar iyo dad shacab ah oo aan waxba galabsan.

Jabhadda ONLF ayaa waxaa la dhisay sannadkii 1984-kii waxaana tan iyo xilligaas ay dagaallo kula jirtay xukuumadihii isaga dambeeyay Itoobiya. Bishii Abriil sannadkii 2007 ayay xoogagga ONLF weerareen goob ay shirkad Shiinaha laga leeyahay ka baaraysay shidaal, halkaasoo ay ku dileen 76 ruux oo sagaal ka mid ah Shiineys ahaayeen iyo 65 ka mid ah ciidamada Itoobiya.  

Xoghayaha arrimaha dibadda ee ONLF Cabdiraxmaan Mahdi ayaa sheegay in dhowr jeer ay heshiis kula galeen wasiirka arrimaha dibadda ee Itoobiya Siraj Fergasa wadahadallo ay fududeynaysay xukuumadda Kenya.

Afhayeenka Itoobiya, wuxuu sheegay in wadahadalladan billowday ay dhabaha u xaarayaan nabad ka dhalata Itoobiya oo dhan, isagoo sheegay in wadahadalladan ay sii socon doonaan illaa dhammaadka laga gaarayo.

Garab ka mid ah ONLF ayay xukuumadda Itoobiya heshiis nabadeed la gashay bishii Oktoobar ee sannadkii 2010, kuwaasoo garabka hadallada wadahadallada la furay Itoobiya ay si adag uga soo horjeesteen.

Wadahadalladan u furmay xukuumadda Itoobiya iyo jabahadda ONLF ayaa waxay kusoo beegmayaa iyadoo toddobaadkii hore la aasay ra'iisul wasaarihii Itoobiya soo xukumayay laabtankii sano ee ugu dambeysay, kaasoo dagaal daga kula jirtay ONLF iyo jabahadaha kale ee ka jira dalka Itoobiya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/8/2012 7:14 PM EST
Sabti, 8-da September 2012(HOL): Waxaa magaalada Katrineholm ee dalka Sweden lagu qabtay munaasabad lagu soo dhaweynayay doorashada hoggaanka baarlamaanka Soomaaliya iyo musharraxnimada Shiikh Shariif Shiikh Axmed, iyadoo ay munaasabadda ahayd mid si weyn loo soo agaasimay.

9/8/2012 4:35 PM EST
Saturday, Sabti, September 08, 2012 (HOL) - Magaalada Muqdisho ee caasimada Soomaaliya ayaa laga dareemayaa diyaar garow xoogleh oo loogu jiro doorashada dhici doonta maalinta isniinta ah.

9/8/2012 9:33 AM EST
Sabti, September 08, 2012 (HOL) — Maamulka Puntland ayaa warsaxaafadeed uu soo saaray maanta oo Sabti ah ku sheegay inay ka digayaan in la musuqmaasuq doorashada madaxweynenimo ee dalka oo dhacaysa toddobaadkan, waxayna ku hanjabeen haddii la musuqmaasuqo inay qaadan doonaan go'aan iyaga u gaar ah.

9/8/2012 8:55 AM EST
Sabti, September 08, 2012 (HOL) — Maamulka gobolka Hiiraan ayaa waxba kama jiraan ku sheegay dhismaha maamul gobolleed ay ku baaqeen mas’uuliyiinta Ahlu Sunna Waljameeca kadib kulamo maalmihii ugu danbeeyay ay ku lahaayeen gobollka Galguduud.

9/8/2012 8:32 AM EST
Sabti, September 08, 2012 (HOL) — Booliiska dowladda Soomaaliya iyo booliiska AMISOM ayaa maanta mar kale ka sameeyay degmada Xamarjajab ee gobolka Banaadir howlgallo lagu soo qabqabtay in ka 166-qof, kuwaasoo dhammaantood ahaa dhallinyaro.

9/8/2012 8:01 AM EST
Sabti, September 08, 2012 (HOL) — Ciidamada dowladda Soomaaliya iyo oo garab ka helaya kuwa Midowga Afrika ee AMISOM ayaa saakay la wareegay gacan ku haynta degmada Warsheekh ee gobolka Shabellaha Dhexe, iyadoo aysan jirin wax dagaallo ah oo dhacay.

9/8/2012 7:16 AM EST
Sabti, September 08, 2012 (HOL) — Guddoomiyihii majmaca culummada Soomaaliyeed, Sheekh Axmed Cabdi Dhicisoow ayaa xalay ku geeriyooday Muqdisho kaddib xanuun oo maalmahaan u jiifay, waxaana isla maanta lagu aasay Muqdisho.

9/8/2012 6:36 AM EST
Sabti, September 08, 2012 (HOL) — Iska-horimaad socday saacado ayaa xalay deegaanka Miido oo hoostaga degmada Afmadow ee gobolka Jubbada hoose ku dhexmaray ciidamada dowladda Soomaaliya oo garab ka helaya kuwa Kenya iyo xoogagga Al-shabaab.

9/8/2012 4:23 AM EST
Sabti, September 08, 2012 (HOL) — Madaxa dacwada ee Al-shabaab, Sheekh Fu'aad Maxamed Shangole ayaa sheegay in ciidamada AMISOM ay yihiin kuwo u adeegaya dalalka reer galbeedka si loo baabi'iyo ku dhaqanka diinta Islaamka ee ka hirgalay Soomaaliya.

9/8/2012 3:58 AM EST
Sabti, September 08, 2012 (HOL) — Booliiska Kenya ayaa sheegay inay 150 walxo qarxo ah iyo qalabkii lagu qarxinayay ay ka heleen guri ku yaalla magaalada Nairobi ee xarunta dalka Kenya shalay oo Jimco ahayd.

9/8/2012 3:40 AM EST
Sabti, September 08, 2012 (HOL) — Maanta ayaa lagu wadaa inay 15-kii murashax ee haray ay barnaamijkooda siyaasadeed ka horjeediyaan xildhibaannada baarlamaanka Soomaaliya, iyadoo shalay ay 10-murashax barnaamijkooda jeediyeen.