3/19/2024
Today from Hiiraan Online:  _
Wararka Maanta- Sabti, July 28, 2012
Hay'adda Nabadsugidda DKMG ah oo Maanta soo Bandhigay Sarkaal iyo askari kasoo goostay Xarakada Al-shabaab
Sabti, July 28, 2012 (HOL) — Hay'adda nabadsugidda DKMG ah ee Soomaaliya ayaa soo bandhigtay maanta sarkaal iyo askari kasoo goostay Xarakada Al-shabaab sida ay labadan ruux u sheegeen warbaahinta.

Labadan ruux ee soo goostay ayaa lagu kala magacaabaa: Xasan Macallin Ibraahim oo ku magacdheeraa (Al-wajidi) oo sheegay inuu Al-shabaab u qaabilsanaa dhinaca dacwada gobollada Bay iyo Bakool iyo Yalaxow Xasan Calasoow oo  sheegay inuu ahaa askari muddo dheer ka tirsanaa Xarakada Al-shabaab.

"Al-shabaab waxaa isaga soo bixiyay dhib la ii geystay, runtiina fikriyan waxaan u arkaan inay hadda qaldan yihiin, balse markii hore ee aan ka mid ahaa way ila sax-sanaayeen," ayuu yiri Xasan Macallin.

Sidoo kale, wuxuu sheegay in Al-shabaab ay xireen muddo sideed bilood ah iyadoo aan loo sheegin sababta loo xiray isla markaana aan la raalligelin, isagoo xusay inuu aad uga soo horjeedo in dadka loo dilo si aan xaq ahayn.

"Waxaan ka codsanayaan shacabka Soomaaliyeed meel walba oo ay joogaan inay iga cafiyaan dambiyadii aan ka galay," ayuu yiri sarkaalkan, isagoo sheegay inuu ogaaday khaladka Al-shabaab markii uu dibadda uga soo baxay.

Hadalka sarkaalkan ayaa wuxuu muujinayaa inuu aad uga carooday xarigga ay u geystay Al-shabaab sida uu sheegay, isagoo ugu dambeyn sheegay inuu dowladda KMG ah la shaqeyn doono wixii maanta laga billaabo.

Tan iyo sannadkii hore hay'adda nabadsugidda DKMG ah waxay soo bandhigaysay rag ay sheegtay inay Al-shabaab kasoo goosteen, inkastoo Al-shabaab aysan weli ka hadlin jirtaanka xubnaha la sheegay inay kasoo goosteen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/28/2012 8:55 AM EST
Sabti, July 28, 2012 (HOL) — Xaflad si heer sare ah loosoo agaasimay oo ay ka qayb-galeen mas'uuliyiin ka tirsan dowladda KMG ah ee Soomaaliya, ganacsato, dhakhaatiirta caafimaadka xoolaha, mas'uuliyiin ka tirsan maamullada gobollada Banaadir iyo Shabeellada hoose oo lagu furayay maxjar weyn oo maanta ka dhacday magaalada Muqdisho.

7/28/2012 8:30 AM EST
Sabti, July 28, 2012 (HOL) — Guddidda la dagaanka cudurka HIV/AIDS Somaliland, ayaa sheegay in sanadkan hoos u dhac ku yimid fiditaankii cudurkaasi marka loo eego heerkiii uu sanadkii hore marayey.

7/28/2012 8:20 AM EST
Sabti, July 28, 2012 (HOL) — Ergada ansixinaysa dastuurka qaybo-qoraalka ah ee Soomaaliya ayaa maanta oo Sabti ah loo akhriyay dastuurka oo ka kooban 79-qodob, iyadoo lagu wado in berri ay ka doodaan qodobbada ay u arkaan inay yihiin kuwo ay khaladaad ku jiraan.

7/28/2012 8:06 AM EST
Sabti, July 28, 2012 (HOL) — Munaasabad maanta ka dhacday Muqdisho ayaa lagu dhaafiyay 52 garsoore oo loogu talo-galay inay ka howlgalaan maxkamadda dalka, iyadoo xafladda dhaarinta ay ka qaybgaleen madaxweynaha Soomaaliya, Shariif Sheekh Axmed, wasiirro iyo guddoomiyaha maxkamadda sare ee dalka.

7/28/2012 7:35 AM EST
Sabti, July 28, 2012 (HOL) — Guddoomiyaha maxkamadda sare ee dowladda KMG Soomaaliya, Caydiid C/llaahi Ilko-Xanaf oo maanta ka hadlayay munaasabad lagu qabtay Muqdisho oo lagu dhaarinayay garsoorayaal ayaa sheegay in dastuurka qaybo-qoraalka aysan ku caddeyn xuquuqda garsoorka Soomaaliya.

7/28/2012 7:03 AM EST
Sabti, July 28, 2012 (HOL) — Kooxo hubeysan iyo ciidamada DKMG ah ayaa siyaabo kala duwan saddex qof ugu dilay maanta degmooyinka Ufuroow iyo Baydhabo oo ka tirsan gobolka Ba iyo duleedka magaalada Muqdisho, gaar ahaan deegaanka Lafoole.

7/28/2012 2:16 AM EST
Sabti, July 28, 2012 (HOL) — Madaxweynaha Puntland, Cabdiraxmaan Maxamed Faroole ayaa ka dlabaday beesha calaamka inay gacan ka geystaan sidii dhallinta Soomalaiyeed ee dalka ka tahriibaya dib loogu soo celin lahaa, isagoo madaxda DKMG ah ka dalbaday inay iyaguna doorkooda ka qaataan arrintan.

7/28/2012 2:15 AM EST
Sabti, July 28, 2012 (HOL) — Shirkii ansixinta dastuurka qabyada ah ee Soomaaliya ayaa maanta dib uga billaabanaya magaalada Muqdisho kaddib markii uu shalay ku yimid hakad, taasoo uu wasiirka dastuurku ku sheegay inay ahayd cillad farsamo oo dhinaca kambiyuutarrada ah.

7/28/2012 2:06 AM EST
Sabti, July 28, 2012 (HOL) — Ugu yaraan shan qof oo saddex ka mid ah ahaayeen ciidamada dowladda KMG ah ayaa ku dhintay qaraxyo shalay oo Jimco ahayd ka dhacay koontaroolka ku yaalla duleedka degmada Baydhabo ee xarunta gobolka Bay.