9/27/2022
Today from Hiiraan Online:  _
Wararka Maanta- Axad, Sept 23, 2012
Ergayga Midowga Yurub ee Arrimaha Soomaaliya oo kulan la yeeshay Madaxweynaha iyo Shir-guddoonka Golaha Wakiiladda Somaliland
Axad, September 23, 2012 (HOL) — Wefti uu hoggaaminayo ergayga cusub ee Midowga Yurub u fadhiyi doona magaalada Muqdisho ayaa booqasho ku yimid magaalada Hargeysa, kaasoo la kulmay madaxweynaha Somaliland, Axmed Maxamed Maxamuud (Siillanayo) iyo shir-guddoonka golaha wakiillada Somaliland.

Wasiirka Arrimaha Dibadda Somaliland, Maxamed Cabdilaahi Cumar ayaa sheegay inay ergayga ka wada hadleen mashaariicda midowga yurub ka waddo dalka iyo iskaashiga ka dhexeeya labadda, isagoo tilmaamay inay gacan weyn ka gaystaan arrimaha doorashooyinka.

“Waxa laga wada hadlay iskaashiga ka dhexeeya ururka Midowga Yurub iyo Somaliland, haddii ay noqon lahayn iskaashiga xagga biyaha iyo mashaariic faro badan oo Midowga Yurub ka caawiyo Somaliland, waxa kale oo ay ka wada hadleen doorashada deegaanka iyo doorka wanaagsan ee beesha caalamka, khaasatan Midowga Yurub uu ka qaato,” ayuu yidhi wasiirka Arrimaha dibadda Somaliland oo ka hadlayey waxay ka wada hadleen wakiilka midowga yurub u qaabilsan Soomaaliya.

Ergayga Midowga Yurub ee arimaha Soomaaliya Michele Cervone  oo isna  sheegay inay sii wadayaan iskaashiga midowga yurub iyo Somaliland ka dhexeeya, kaas oo hawlo badan oo horumarin ah ka wadaan Somaliland.

“Waxaan kasoo duulay Muqdisho, si aan u balan-qaado in Midowga Yurub sii wadayo  wada shaqayntii iyo iskaashigii Somaliland ka dhexeeyey, waxaanay Somaliland ka mid tahay meelaha horumarka ay ka waddo midowga Yurub”ayuu yidhi safiirka u fadhiyi Doono midowga yurub Soomaaliya Mr: Michele Cervone.

Dhinaca kalena, weftiga Ergayga Midowga Yurub u qaabilsan Soomaaliya Michele Cervone ayaa kulan la yeeshay Golaha Wakiilada ee Somaliland, waxaanay sheegeen inay ka wada hadleen kaalinta uu midowga Yurub ka qaato kobcinta hanaanka dimuquraadiyadeed ee Somaliland iyo sidii ay u xoojin lahaayeen Mashaariicda horumarineed ee ay Somaliland ka fulinayaan.

Gudoomiyaha Golaha Wakiilada ee Somaliland Mudane C/raxmaan Maxamed C/Laahi (Cirro) ayaa sheegay inay ka wada hadleen Ergaygan iyo Weftigiisa sidii loo sii xoojin lahaa iskaashiga u dhexeeya Somaliland iyo Midowga Yurub iyo sidii ay u kordhin lahaayeen mashaariicda ay ka wadaan Somaliland.

Gudoomiyuhu wuxuu xusay inuu Ergaygu u cadeeyay, in lacag dhan Konton Milyan oo Yuuroo, ay Midowga Yurub ka fulin doonaan Somaliland, kuwaas ay wax kaga qaban doonaan Kaabayaasha Nolosha sida Caafimaadka, Wadooyinka iyo Biyaha.

Ergaygan ururka midowga Yurub u qaabilsanaan doona Soomaaliya ayaa shalay  kulan la yeeshay madaxweyne Md: Xasan Sheekh Maxamuud, waxaanu sheegay inuu wax badan ka qaban doono baahiyaha ka jira magaaladda Muqdisho, kaalinna ka qaadan doonaan dib u habaynta hay’adihhii dalka ee burburay.
 
Barkhad-Ladiif  M. Cumar, Hiiraan Online  
[email protected]
Hargeysa, Somaliland











Click here
9/23/2012 2:30 PM EST
Axad, September 23, 2012 (HOL) - Magaala madaxda Puntland ee Garoowe waxaa maanta soo gaarey wefdi uu horkacayo wakiilka cusub ee midowga Yurub u qaabilsan Soomaaliya Michal Caravan. Wefdigan oo si diiran loosoo dhoweeyey, waxay xarunta madaxtooyada kulan kula qaateen madaxweyne Cabdiraxmaan Maxamed Faroole, ku-xigeenkiisa Gen. Shire iyo xubno ka tirsan golaha wasiirada.

9/23/2012 9:24 AM EST
Axad, September 23, 2012 (HOL) — Kooxo bastoolado ku hubeysan ayaa xaafadda Suuqa Xoolaha ee degmada Huriwaa ku toogtay laba wiil oo dhallinyaro ah, kuwaas oo aan la garanayn sababta loo dilay iyo cidda dilkooda ka dambeysa.

9/23/2012 8:52 AM EST
Axad, September 23, 2012 (HOL) — Wasiirradda Caafimaadka iyo Beeraha Somaliland ayaa soo dhaweyey 11 dhakhtar oo reer Kuwayt ah oo u yimid Somaliland sidii ay qaliinno kala duwan u sameyn lahaayeenm kuwaasoo shaqadooda ka billaabi doona Isbitaalka Al-Xayaat oo ku yaalla magaalada Boorame ee xarunta gobolka Awdal.

9/23/2012 8:40 AM EST
Axad, September 23, 2012 (HOL) — Waxaa garoonka kubada cagta Cawaale ee degmada Gaalkacyo lagu soo gabagabeeyay tartan kubada cagta ah oo lagu maamuusayay Alle ha u naxatiirteen marxuum Eng Cali Xaaji Shirwac oo kol hore lagu dillay magaalada Baladweyne.

9/23/2012 8:23 AM EST
Axad, September 23, 2012 (HOL) — Dagaal culus oo u dhexeeyo ciidamada dowladda Soomaaliya oo kaashanaya kuwa Kenya iyo Xarakada Al-shabaab ayaa goor-dhawayd ka qarxay deegaanka Janaa cabdalle oo 60 KM dhanka galbeed kaga began magaalada Kismaayo ee xarunta gobolka jubada Hoose.

9/23/2012 7:12 AM EST
Axad, September 23, 2012 (HOL) — Xarakada Al-shabaab ayaa sheegtay inay ka dambeysay dil mudane ka tirsan baarlamaanka Soomaaliya loogu geystay xalay degmada Waaberi ee gobolka Banaadir, kaddib markii ay dabley bastoolado ku hubeysan ay gurigiisa ku weerareen.

9/23/2012 6:59 AM EST
Axad, September 23, 2012 (HOL) — Hay'adda shaqada adduunka ee ILO ayaa ka furtay maanta Muqdisho mashruuc lagu horumarinayo ganacsiga haweenka, taasoo ay ka qaybgaleen mas'uuliyiin ka socda dowladda Soomaaliya iyo xubno ka socday hay'adaha bulshada rayidka Soomaaliyeed.

9/23/2012 6:58 AM EST
Axad, September 23, 2012 (HOL) — Kulankan oo loogu baroordiiqayay wariyeyaashii lagu laayay magaalada Muqdisho ayaa waxa uu ka dhacay Hotel Bin-Ali oo ku yaal xaafadda Eastleigh, waxaana kasoo qeybgalay suxufiyiinta Soomaaliyeed ee ka howlgasha magaalada Nairobi iyo marti sharaf kale.

9/23/2012 6:07 AM EST
Axad, september 23, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay dowladda cusub ee Soomaaliya ayaa ka dhacday Magaalada Katrineholm ee dalka Sweden.

9/23/2012 1:31 AM EST
Axad, September 23, 2012 (HOL) — Howlgallo lagu soo qabqabtay dad fara badan ayay cidamada amaanka dowladdu xalay ka sameeyeen degmooyinka, Waaberi, Hodan iyo Wadajir, iyadoo ciidamadu ay baaritaanno ku sameynayeen guryaha iyo gaadiidka.

9/23/2012 1:28 AM EST
Axad, September 23, 2012 (HOL) — Taliska ciidamada AMISOM ayaa sheegay inay isku soo dhiibeen shalay oo Sabti ahayd 200 dagaalyahan oo ka tisran Xarakada Al-shabaab, kuwaasoo ay sheegeen inay kasoo tageen degmada Jowhar ee gobolka Shabeellada dhexe.

9/23/2012 1:24 AM EST
Axad, September 23, 2012 (HOL) — Waxaa degmada Qardho ee xarunta gobolka Karkaar maalintii labaad ku sugan xubno ka tirsan gudiga madaxa banaan ee doorashooyinka Puntand oo uu horkacayo gudoomiyaha gudigaasi, Dr. Maxamed Xasan Barre.