5/25/2022
Today from Hiiraan Online:  _
Wararka Maanta- Axad, Sept 23, 2012
Hay'adda Shaqada Adduunka ee ILO oo Mashruuc Ganacsiga Haweenka Soomaaliyeed lagu horumarinayo maanta ka furtay Muqdisho

Axad, September 23, 2012 (HOL) — Hay'adda shaqada adduunka ee ILO ayaa ka furtay maanta Muqdisho mashruuc lagu horumarinayo ganacsiga haweenka, taasoo ay ka qaybgaleen mas'uuliyiin ka socda dowladda Soomaaliya iyo xubno ka socday hay'adaha bulshada rayidka Soomaaliyeed.

Mas'uuliyiintii kala duwanaa ee ka hadlay xafladii lagu furayay mashuurca ayaa si isku mid ah u sheegay in haweenka ay dhibaatooyin fara badan soo mareen intii ay dagaalladu dalka ka socdeen, loona baahan yahay in laga shaqeeyo sidii loo caawin lahaa.

"Haweenka Soomaaliyeed dhibaatooyin kala duwan ayay soo mareen, waxaana ka mid ah inay dhowr jeer qaxeen oo uu ka burburay ganacsiga iyo inaysan haysan suuqyo ammaan ah oo ay ku shaqeystaan," ayay tiri Duniyo Maxamed Carshaan oo ah madaxa hay'adda IIDA oo ka shaqeysa horumarinta haweenka.


Sidoo kale, Duniyo, waxay sheegtay inay soo dhaweynayaan barnaamijkan lagu horumarinayo haweenka, iyadoo sheegay in dowladda Soomaaliya looga baahan yahay inay ka shaqeyso sidii haweenka ay ku heli lahaayeen ammaan ayna xoojiyo howlaha ay bulshada u hayaan.

"Madaxweynuhu wuxuu ka yimid bulshada rayidka ah, isagaana sheegay inuu ka shaqeyn doono horumarinta bulshada, gaar ahaan haweenka, waana uga fadhinnaa waana kula xisaabtamaynaa middaas," ayay Duniyo hadalkeeda kusoo gabgabeysay.

Wasiir ku xigeenka wasaaradda ganacsiga iyo warshadaha dowladda Soomaaliya, Khaliif C/kariin Maxamed iyo agaasimaha wasaaradda shaqada iyo shaqaalaha, Aweys Sheekh Xaddaad oo ka hadlay xafladda ayaa sheegay in barnaamijkan uu yahay mid ay aad u soo dhaweynayaan, iyagoo sheegay in haweenka ay u baahan yihiin in la caawiyo.


"Haweenku xaq ayay u leeyihiin inay shaqeystaan, balse waxaa loo baahan yahay in la waafajiyo sharciga, waxaana haweenka ku boorrinaynaa inay sii wadaan kaalintooda lama illaawaanka ah ee ay ku badbaadiyeen dalkan iyo dadkan," ayay yiraahdeen labadan mas'uul ee xukuumadda ka tirsan.

Wasiirrada haweenka iyo arrimaha qoyska Soomaaliya, Maryan Aweys oo xariga ka jartay barnaamijka ayaa waxay sheegtay inay ku faraxsan tahay in hay'adaha caalamku ay dadaal u galaan sidii ay haweenkeenna ku caawin lahaayeen, iyadoo sheegtay in hay'adaha ay kordhiyaan kaalmeynta haweenka oo dhibaatooyin fara badan soo maray muddadii burburku jiray.


"Dadku waxay ka burbureen qalbiga sida dalka uu u burbray, waxaan codsanaynaa in la caawiyo shacabka Soomaaliyed sidii ay dalkooda dib ugu dhisi lahaayeen una xoojin lahaayeen howlaha ay bulshada u hayaan," ayay Maryan Aweys tiri.

Ugu dambeyn, waxaa xafladda lagu jaray toorte ama doolshe lagu qoray mashruuca lagu horumarinayo ganacsiga haweenka, laguna xoojinayo sinnaanta ragga iyo dumar dhinaca shaqada iyo siyaasadda.




Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/23/2012 2:30 PM EST
Axad, September 23, 2012 (HOL) - Magaala madaxda Puntland ee Garoowe waxaa maanta soo gaarey wefdi uu horkacayo wakiilka cusub ee midowga Yurub u qaabilsan Soomaaliya Michal Caravan. Wefdigan oo si diiran loosoo dhoweeyey, waxay xarunta madaxtooyada kulan kula qaateen madaxweyne Cabdiraxmaan Maxamed Faroole, ku-xigeenkiisa Gen. Shire iyo xubno ka tirsan golaha wasiirada.

9/23/2012 9:24 AM EST
Axad, September 23, 2012 (HOL) — Kooxo bastoolado ku hubeysan ayaa xaafadda Suuqa Xoolaha ee degmada Huriwaa ku toogtay laba wiil oo dhallinyaro ah, kuwaas oo aan la garanayn sababta loo dilay iyo cidda dilkooda ka dambeysa.

9/23/2012 8:52 AM EST
Axad, September 23, 2012 (HOL) — Wasiirradda Caafimaadka iyo Beeraha Somaliland ayaa soo dhaweyey 11 dhakhtar oo reer Kuwayt ah oo u yimid Somaliland sidii ay qaliinno kala duwan u sameyn lahaayeenm kuwaasoo shaqadooda ka billaabi doona Isbitaalka Al-Xayaat oo ku yaalla magaalada Boorame ee xarunta gobolka Awdal.

9/23/2012 8:40 AM EST
Axad, September 23, 2012 (HOL) — Waxaa garoonka kubada cagta Cawaale ee degmada Gaalkacyo lagu soo gabagabeeyay tartan kubada cagta ah oo lagu maamuusayay Alle ha u naxatiirteen marxuum Eng Cali Xaaji Shirwac oo kol hore lagu dillay magaalada Baladweyne.

9/23/2012 8:23 AM EST
Axad, September 23, 2012 (HOL) — Dagaal culus oo u dhexeeyo ciidamada dowladda Soomaaliya oo kaashanaya kuwa Kenya iyo Xarakada Al-shabaab ayaa goor-dhawayd ka qarxay deegaanka Janaa cabdalle oo 60 KM dhanka galbeed kaga began magaalada Kismaayo ee xarunta gobolka jubada Hoose.

9/23/2012 8:16 AM EST
Axad, September 23, 2012 (HOL) — Wefti uu hoggaaminayo ergayga cusub ee Midowga Yurub u fadhiyi doona magaalada Muqdisho ayaa booqasho ku yimid magaalada Hargeysa, kaasoo la kulmay madaxweynaha Somaliland, Axmed Maxamed Maxamuud (Siillanayo) iyo shir-guddoonka golaha wakiillada Somaliland.

9/23/2012 7:12 AM EST
Axad, September 23, 2012 (HOL) — Xarakada Al-shabaab ayaa sheegtay inay ka dambeysay dil mudane ka tirsan baarlamaanka Soomaaliya loogu geystay xalay degmada Waaberi ee gobolka Banaadir, kaddib markii ay dabley bastoolado ku hubeysan ay gurigiisa ku weerareen.

9/23/2012 6:58 AM EST
Axad, September 23, 2012 (HOL) — Kulankan oo loogu baroordiiqayay wariyeyaashii lagu laayay magaalada Muqdisho ayaa waxa uu ka dhacay Hotel Bin-Ali oo ku yaal xaafadda Eastleigh, waxaana kasoo qeybgalay suxufiyiinta Soomaaliyeed ee ka howlgasha magaalada Nairobi iyo marti sharaf kale.

9/23/2012 6:07 AM EST
Axad, september 23, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay dowladda cusub ee Soomaaliya ayaa ka dhacday Magaalada Katrineholm ee dalka Sweden.

9/23/2012 1:31 AM EST
Axad, September 23, 2012 (HOL) — Howlgallo lagu soo qabqabtay dad fara badan ayay cidamada amaanka dowladdu xalay ka sameeyeen degmooyinka, Waaberi, Hodan iyo Wadajir, iyadoo ciidamadu ay baaritaanno ku sameynayeen guryaha iyo gaadiidka.

9/23/2012 1:28 AM EST
Axad, September 23, 2012 (HOL) — Taliska ciidamada AMISOM ayaa sheegay inay isku soo dhiibeen shalay oo Sabti ahayd 200 dagaalyahan oo ka tisran Xarakada Al-shabaab, kuwaasoo ay sheegeen inay kasoo tageen degmada Jowhar ee gobolka Shabeellada dhexe.

9/23/2012 1:24 AM EST
Axad, September 23, 2012 (HOL) — Waxaa degmada Qardho ee xarunta gobolka Karkaar maalintii labaad ku sugan xubno ka tirsan gudiga madaxa banaan ee doorashooyinka Puntand oo uu horkacayo gudoomiyaha gudigaasi, Dr. Maxamed Xasan Barre.