3/29/2024
Today from Hiiraan Online:  _
Wararka Maanta- Sabti, Jun 2 , 2012
Dadweyne careysan oo xalay rabashado ka sameeyay Degmada Garoowe ee Xarunta Maamulka Puntland

Sabti, June 02, 2012 (HOL) — Hal qof ayaa ku dhaawacmay kaddib markii xalay ay dadweyne careysan rabshado ka sameeyeen magaalada Garoowe ee xarunta Puntland, iyadoo dadkan ay muddo kooban xireen waddada weyn ee dhexmara degmadaas.

Dadweynaha careysan ayaa waxay ka cabanayeen dhallinyaro ay booliisku xireen kuwaasoo midkood ay dhaawac u geystaan, waxaana xariga dhallinyaradan uu ka dhashay muran dhuleed oo beryahaan ka taagnaa degmadaas.

"Magaalada xalay waxay ahayd meel aad u kacan, meel walba waxaa xiray dad careysan kuwaasoo buuxiyay waddooyinka dhalooyin jajaban iyo dhagaxaan si ay u horjoogsadaan inay gaadiidku maraan," ayuu yiri goobjooge ku sugan degmadaas oo magaciisa qariyay.

Goobjoogaha ayaa hadalkiisa ku daray in ciidamadu ay isticmaalayeen rasaas nool si ay dadka careysan u kala eryaan, balse rabashadu ay socdeen muddo saacado ah, inkastoo ay dadweynihii careysnaa markii dambe iska tageen.

Dhallinyaradii ay rabshaduhu ka billowdeen ayaa la sheegay inay weli gacanta ugu jiraan ciidamada ammaanka Garoowe, mana jiro hadal kasoo baxay maamulka oo ku saabsan sida ay ka yeelanayaan dhallinyarada maadaama ay rabshado ka dhasheen.

Magaalada Garoowe ayaa waxaa ka socda dhismayaal cusub taasoo keentay inay dadku isku qabsadaan lahaanshaha dhulka, taasoo dhalisa rabshado ay waxyeello kasoo gaarto dadka shicibka ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/2/2012 9:09 AM EST
Sabti, June 02, 2012 (HOL) — Madaxda dalalka ay ka socdaan ciidamada AMISOM ee ku sugan Soomaaliya ayaa ka sheegay shirkii Istanbuul II ee kusoo xirmay dalka Turkiga inay gacan ka siinayaan DKMG ah ee Soomaaliya sidii ay ammaan uga dhigi lahayd dalka oo dhan.

6/2/2012 8:37 AM EST
Sabti, June 02, 2012 (HOL) — Shirkii Isbtanbuul laba ee looga hadlayay sidii ay uga gudbi lahayd Soomaaliya xilliga KMG ah ayaa waxaa kasoo baxay qodobbo muhiim ah oo tilmaamaya howlaha la doonayo in calaamku ka qabto Soomaaliya.

6/2/2012 7:53 AM EST
Sabti, June 02, 2012 (HOL) — Madaxweynihii hore ee dalka Masar, Xusni Mubaarak iyo wasiirkii arrimaha gudaha Xabiib Cadli ayaa maanta lagu xukumay xabsi daa'in kaddib dacwado socday tan iyo markii xukunka laga tuuray Mubaarak.

6/2/2012 7:32 AM EST
Sabti, June 02, 2012 (HOL) — Ciidamada Booliiska iyo kuwa nabad-sugidda DKMG ah ee Soomaaliya ayaa lagu wareejiyay ammaanka deegaannada loo barkaacay ee duleedka Muqdisho, halkaasoo ciidamada dowladda iyo kuwa AMISOM ay toddobaad ka hor ka qabsadeen xoogaggii Al-shabaab ee ka talin jiray.

6/2/2012 7:04 AM EST
Sabti, June 02, 2012 (HOL) — Abaanduulaha ciidamada xoogga dalka, Jen. C/kariin Yuusuf Aadan (Dhego-badan) iyo taliyaha ciidamada nabadsugidda DKMG ah. Jen. Khaliif Axmed Ereg ayaa maanta lagu weeraray jidka Muqdisho iyo Afgooye u dhexeeya, waxaana mas'uuliyadda weerarradaas sheegatay Xarakada Al-shabaab.

6/2/2012 4:52 AM EST
Sabti, June 02, 2012 (HOL) — Ra'iisul wasaaraha dalka Turkiga, Recep Tayyip Erdogan oo ka hadlayay shirkii lagu soo gabgabeeyay Istanbuul ee looga hadlay sidii dib loogu soo celin lahaa deggenaashii Soomaaliya ayaa beesha caalamka ku war-geliyay inaysan ogaan karin xaaladda ka jirta Soomaaliya iyagoo aan tegin.

6/2/2012 4:24 AM EST
Sabti, June 02, 2012 (HOL) — Xoghayaha guud ee Qaramada Midoobay Ban Ki-Moon ayaa uga digay wufuuddii ka qaybgashay shirkii looga hadlay mustaqablka Soomaaliya ee labada maalmood ka socday magaalada Istanbuul ee dalka Turkiga in mar kale ay awoodda Soomaaliya la wareegaan dagaal-oogayaashii Soomaaliya.