Hiiraan Online

 

Arbaco, October, 13, 2024 (HOL) - Taliska hay'adda Nabadsugida iyo Sirdoonka Qaranka Soomaaliyeed ee NISA ayaa gacanta kusoo dhigay laba nin oo ku eedeysan iney gudaha magaalada Muqdisho ku dileen sadax ruux oo ganacsato ahaa.

NISA ayaa qoraal ay soo saartay ku sheegtay in labadaan nin ay ku eedeysan yihiin dilal dhawaan loogu geystay sadax nin oo ganacsato ahaa degmada Daarusalaam ee magaalada Muqdisho.

Labadaan Nin ee NISA gacanta kusoo dhigtay ee ku eedeysan dilalka ganacsatada ayaa magacyadooda lagu kala sheegay Cali Hilowle Ibraahim iyo Axmed Samatar Cali, waxaana sidoo kale NISA ay sheegtay iney ku raad joogto eedeysan sadaxaad oo qeyb ka ahaa dilalka loo geystay raga ganacsatada ahaa.

Soo qabashada ragaan ayaa kusoo beegneysa, iyadoo bilahii lasoo dhaafay qeybo ka mid ah magaalada Muqdisho lagu dilay ganacsato badan sababo la xariira in goobahooda ganacsi ay ku xireen Kaamirooyin, kadib markii ay amartay dowladda Fedaraalka in ganacsatadu xirtaan Kaamerooyin, waxaana talabaadasi ganacsatada u diiday kooxda Al-shabaab.

Hoos ka akhriso Warsaxafadeedka NISA oo dhameystiran:-