3/28/2024
Today from Hiiraan Online:  _
Wararka Maanta- Talaado, Oct 26, 2021
Faahfaahino kasoo baxaya dagaal khasaare geystay oo ka dhacay degmada Afgooye
 

Talaado, October, 26, 2021 (HOL) - Warar dheeeraad ah ayaa kasoo baxaya dagaal khasaare kala duwan geystay oo xalay Al-shabaab iyo ciidamada dowladda ku dhexmaray degmada Afgooye ee gobolka Sh/hoose.

Dagaalka ayaa yimid kadib markii Al-shabaab weerar ku qaadeen Barkoontarool oo ciidamada dowladda ku leeyihiin degmada Afgooye ee gobolka Sh/hoose, waxaana la sheegay in halkaasi uu ka dhacay dagaal la isku adeegsaday hubka noocyadiisa kala duwan.

Dadka deegaanka ayaa sheegay in dagaalka uu ahaa mid xoogan oo muddo socday, islamarkaana geystay khasaare isugu jira dhimasho iyo dhaawac, walow ay sheegeen ineysan xaqiijin karin khasaaraha rasmiga ah ee kala gaaray labada dhinac.

Saraakiil ka tirsan ciidanka dowladda oo la hadashay warbaahinta ayaa sheegay in dhankooda weerarka kaga yimid Al-shabaab ay ka hortageen oo ay khasaare gaarsiiyeen.

Majirto wax war ah oo kasoo baxay dhanka dagaalamayaasha Shabaab oo ku aadan weerarka ay xalay ku qaadeen bartakoontarool ee ku taala degmada Afgooye ee gobolka Shabeelaha Hoose.

Jamaal Cali Cabdi, Hiiraan Online
[email protected]












Click here
10/26/2021 1:31 PM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Ufayn ee gobolka Bari taasoo ay ku tartamayeen ururada siyaasada.

10/26/2021 11:58 AM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Eyl, taasoo ay ku tartamayeen ururada siyaasada.

10/26/2021 8:52 AM EST
Talaado, October, 26, 2021 (HOL) - Madaxweynaha Galmudug Axmed Cabdikaariye Qoorqoor, ayaa sheegay in dagaalka Guriceel ka socda uu yahay mid Galmudug ku difaacayso jiritaankeeda isla markaana wuxuu ku eedeeyay garabka Ahlusunna Waljamaaca in ay diideen in ay tabashadooda si nabad ah u sheegtaan.

10/26/2021 7:55 AM EST
Talaado, October, 26, 2021 (HOL) - Guddiga doorashada Puntland ayaa ku dhawaaqay natiijada doorashadii ka dhacday magaalada Qardho ee xarunta gobolka Karkaar iyo ururada ku guulaystay kuraasta xildhibaannada golaha deegaanka.

10/26/2021 7:12 AM EST
Talaado, October, 26, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa cambaareeyay, talaabada ay xukuumada Somaliland ku dhintay safarada shirkadaha diyaarada ka howlgala madaarka Cigaal ee Hargaysa.

10/26/2021 4:40 AM EST
Talaado, October, 26, 2021 (HOL) - Wakiillo ka socda Qaramada Midoobay ayaa booqday Qardho si ay u muujiyaan sida ay u garab taagan yihiin geeddi socodka doorashada ‘hal qof iyo hal cod’ ee ka socota saddex degmo oo ka tirsan Puntland.

10/26/2021 3:41 AM EST
Talaado, October, 26, 2021 (HOL) - Dagaalka u dhexeeya ciidamada dowladda Soomaaliya iyo kuwa Ahlu-Sunnah Wal-jamaaca ee ka socda magaalada Guriceel, ayaa saddexdii maalmood ee lasoo dhaafay lagu dilay 120-qof, sida uu sheegay sarkaal sare oo ka tirsan ASWJ.

10/26/2021 3:06 AM EST
Talaado, October, 26, 2021 (HOL) - Guddiga doorashooyinka Puntland ayaa shaaciyay qaar kamid ah natiijoyinka goobaha codbixinta ee doorashada golayaasha deegaanka saddex degmo oo katirsan Puntland.

10/26/2021 2:13 AM EST
Talaado, October, 26, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay xaalada magaalada ay tahay mid degan, kadib dagaalo qaraar oo sadax maalin ee lasoo dhaafay ku dhexmaraayay gudaha degmadaasi ciidamo ka tirsan dowladda iyo kuwa Galmudug oo is garabsanaya iyo kuwa Ahlu Sunna Waljameeca.

10/26/2021 2:03 AM EST
Talaado, October, 26, 2021 (HOL) - Xukuumadaha Somaliland iyo Kenya ayaa qorshaynaya in ay yeeshaan xidhiidh ganacsi oo dhexmara, iyadoo Kenya ay danaynayso in ay Somaliland suuq uga hesho qaadka Miraa oo suuqii hore ee Soomaaliya laga xayiray.