5/25/2022
Today from Hiiraan Online:  _
Wararka Maanta- Talaado, Oct 26, 2021
Xaalada degmada Guriceel ee gobolka Galgaduud oo Saaka degan
 

Talaado, October, 26, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay xaalada magaalada ay tahay mid degan, kadib dagaalo qaraar oo sadax maalin ee lasoo dhaafay ku dhexmaraayay gudaha degmadaasi ciidamo ka tirsan dowladda iyo kuwa Galmudug oo is garabsanaya iyo kuwa Ahlu Sunna Waljameeca.

Dadka deeegaanka ayaa warbaahinta u xaqiijiyay in saakay xaaladu tahay mid degan oo aanan magaaladu aysan ka jirin wax dagaal ah, inkastoo ay sheegayaan in xili walbo la filan karo in markale uu dib u qarxo dagaalka u dhaxeeya dhinacyada maalmahii lasoo dhaafay ka socday degmada Guriceel.

Dhinacyada ku dagaalamaya gacan ku heynta degmada Guriceel ayaa wali ku kala sugan goobahii shalay ay dirirtu ku dhexmartay, waxaana intaa sii dheer gurmadyo ciidan oo labada dhinac kala gaaray saacadahii ugu dambeeyay, kuwaas oo doonaya iney xoojiyaan dagaalka ka socda Guriceel.

Khasaare badan oo dhimasho iyo dhaawacba leh ayaa ka dhashay dagaalada Guriceel ka socday mudada sadaxda maalmood ah, walina majirto wax war rasmi ah oo kasoo baxay dhinaca dagaalamaya oo ku aadan khasaaraha kala gaaray.

Jamaal Cali Cabdi, Hiiraan Online
[email protected]












Click here
10/26/2021 1:31 PM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Ufayn ee gobolka Bari taasoo ay ku tartamayeen ururada siyaasada.

10/26/2021 11:58 AM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Eyl, taasoo ay ku tartamayeen ururada siyaasada.

10/26/2021 8:52 AM EST
Talaado, October, 26, 2021 (HOL) - Madaxweynaha Galmudug Axmed Cabdikaariye Qoorqoor, ayaa sheegay in dagaalka Guriceel ka socda uu yahay mid Galmudug ku difaacayso jiritaankeeda isla markaana wuxuu ku eedeeyay garabka Ahlusunna Waljamaaca in ay diideen in ay tabashadooda si nabad ah u sheegtaan.

10/26/2021 7:55 AM EST
Talaado, October, 26, 2021 (HOL) - Guddiga doorashada Puntland ayaa ku dhawaaqay natiijada doorashadii ka dhacday magaalada Qardho ee xarunta gobolka Karkaar iyo ururada ku guulaystay kuraasta xildhibaannada golaha deegaanka.

10/26/2021 7:12 AM EST
Talaado, October, 26, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa cambaareeyay, talaabada ay xukuumada Somaliland ku dhintay safarada shirkadaha diyaarada ka howlgala madaarka Cigaal ee Hargaysa.

10/26/2021 4:40 AM EST
Talaado, October, 26, 2021 (HOL) - Wakiillo ka socda Qaramada Midoobay ayaa booqday Qardho si ay u muujiyaan sida ay u garab taagan yihiin geeddi socodka doorashada ‘hal qof iyo hal cod’ ee ka socota saddex degmo oo ka tirsan Puntland.

10/26/2021 3:41 AM EST
Talaado, October, 26, 2021 (HOL) - Dagaalka u dhexeeya ciidamada dowladda Soomaaliya iyo kuwa Ahlu-Sunnah Wal-jamaaca ee ka socda magaalada Guriceel, ayaa saddexdii maalmood ee lasoo dhaafay lagu dilay 120-qof, sida uu sheegay sarkaal sare oo ka tirsan ASWJ.

10/26/2021 3:06 AM EST
Talaado, October, 26, 2021 (HOL) - Guddiga doorashooyinka Puntland ayaa shaaciyay qaar kamid ah natiijoyinka goobaha codbixinta ee doorashada golayaasha deegaanka saddex degmo oo katirsan Puntland.

10/26/2021 3:00 AM EST
Talaado, October, 26, 2021 (HOL) - Warar dheeeraad ah ayaa kasoo baxaya dagaal khasaare kala duwan geystay oo xalay Al-shabaab iyo ciidamada dowladda ku dhexmaray degmada Afgooye ee gobolka Sh/hoose.

10/26/2021 2:03 AM EST
Talaado, October, 26, 2021 (HOL) - Xukuumadaha Somaliland iyo Kenya ayaa qorshaynaya in ay yeeshaan xidhiidh ganacsi oo dhexmara, iyadoo Kenya ay danaynayso in ay Somaliland suuq uga hesho qaadka Miraa oo suuqii hore ee Soomaaliya laga xayiray.