3/29/2024
Today from Hiiraan Online:  _
Wararka Maanta- Talaado, Jan 8 , 2013
Guddiga Cadaaladda Somaliland oo is-bedello ku sameeyay Garsoorayaasha Maxkamadaha Gobollada Qaarkood

Talaado, Jannaayo 08, 2013 (HOL) — Guddiga cadaalladda Somaliland ayaa isku shaan-dheyn ballaaran ku sameeyay guddoomiyeyaasha maxkamaddaha goboladda Somailland qaarkood.

Goboladda isku shaandheynta lagu sameeyey waxa ka mid ah Gobolka Maroodi jeex, Awdal, Saaxil iyo Gabiley, kuwaas oo isku bedel lagu sameeeyey, Sidaasna waxa lagu sheegay wareegta ka soo baxday xafiiska Wasiirka Cadaaladda iyo Garsoorka Somaliland, Md: Xuseen Axmed Caydiid.

1.Cabdiraxmaan Jaamac Hayaan Guddoomiyihii Maxkamadda Rafcaanka Gobolka Maroodi-jeex waxa laga dhigay Guddoomiyaha Maxkamadda Rafcaanka Gobolka Saaxil.

2. Gudddomiyihii rafcaanka Saaxil Cali Suudi laga dhigay Garsoore Maxkamadda rafcaanka Hargeysa.

3.Guddoomiyihii maxkamadda degmadda Hargeysa Cabdirashiid Beer-geel waxa la geeyay gudoomiyaha maxkamadda degmadda Gabilay.

4. Gudoomiyaha Maxmadda degmadda Hargeysa, waxa loo magacaabay Cabdiraxmaan Maxamed Mawliid.
5.
Guddoomiyihii maxkamadda gobolka gobolka Gabilay Feysal Cabdilaahi Daga-dago waxa la keenay Guddoomiyaha maxkamadda gobolka Maroodi-jeex.

6. Guddoomiyihii maxkamadda Gobolka Maroodi jeex Cabdirashiid Duraan waxa laga dhigay guddoomiyaha Maxkamada Rafcaanka Gobolka Maroodi-jeex.

7. Guddoomiyihii Maxkamadda gobolka Saaxil Ibraahim Aadan Yaasiin waxa la geeyay Gudoomiyaha Maxkamadda Gobolka Awdal.

8. Guddoomihii Maxkamadda gobolka Awdal waxa la geeyay Guddoomiyaha Maxkamadda Gobolka Saaxil.

Isku bedelkan ayaa lagu wadaa inay wax ka tarto cadaaladda Somaliland oo si weyn looga dayrinayey, isla markaana dhibaato badan ka taagan tahay oo dadweynaha Somaliland si weyn u dhaliilaan cadaaladda, isagoo hore madaxweynuhu sheegay in loo baahan yahay in cadaaladda Somaliland wax laga qabto, isla markaana guddi u saaray ka soo tallo bixisa qaabka wax looga qabanayo, haseyeeshee ilaa hadda wax isbedel ah oo aan hadal ahayn ma jirto, walina waa la tabayaa in cadaaladda wax laga qabto, maadaama oo ah arrin dadweynuhu baahi weyn u qabaan.

Barkhad-Ladiif  M. Cumar, Hiiraan Online 
[email protected]
Hargeysa, Somaliland













Click here
1/8/2013 4:54 PM EST
Talaado, January 08, 2013(HOL): Wiil Soomaali ah oo ku jiray xabsi ku yaalla magaalada Lecce ee dalka Talyaaniga, halkaasi oo loogu xiray in uu ku soo qaato ciqaabta dembi xatooyo ah oo lagu helay ayaa isdaldalay kaddib markii ay xaalad nolol xumo ah ay xabsiga kula soo gudboonaatay.

1/8/2013 12:12 PM EST
Talaado, Jannaayo 08, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in dalal kasoo horjeeda nabad ka dhalata Soomaaliya ay taageeraan burcadbdeedda Soomaaliya, kuwaas oo raadinaya inaysan Soomaaliya weligeed xasilin oo aanay deggenaasho ka dhicin.

1/8/2013 12:11 PM EST
Talaado, Jannaayo 08, 2013 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga oo kulan la qaatay madaxweynaha Soomaaliya, Xasan Sheekh ayaa sheegay in Qaramada Midoobay ay qaab cusub kula shaqeyn doonto dowladda federaalka Soomaaliya.

1/8/2013 8:50 AM EST
Talaado, Jannaayo 08, 2013 (HOL) — Kulan ay magaalada Muqdisho ku yeesheen ergayga Midowga Afrika u qaabilsan Soomaaliya iyo madaxda dowladda Soomaaliya ayaa waxaa lagu gaaray go’aan lagu dalbanayo in la kordhiyo xilliga howgalka ciidamada Midowga Afrika ee AMISOM.

1/8/2013 7:56 AM EST
Talaado, Jannaayo 08, 2013 (HOL) — Kulan cashooyinkii lasoo dhaafay uga socday deegaanka Dan-dan madaxdhaqameed ku kala dhex-jirey beelo isku maan-dhaafay dhul daaqsimeed la magaaleeyay oo lagu magacaabo Xamar-lagu-xidh oo 40-km dhinaca Koonfur-bari kaga beegan Degmada Buuhoodle ayaa ga`aammo lagaga soo saaray.

1/8/2013 7:54 AM EST
Talaado, Jannaayo 08, 2013 (HOL) — Golaha aqoonyahannada Koonfurta Soomaaliya oo mudooyinkii ugu dambeeyay wadday barnaamij la magac baxay [qiimee qofkaaga] ayaa munaasabad uu soo qaban-qaabiyey golaha kana dhacday hoteel Manchester ee magaalada Baydhabo waxaa shahaadooyin lagu guddoonsiiyay shirkado iyo hay’ado wadani ah oo ka jira gobolka Bay.

1/8/2013 6:52 AM EST
Talaado, Jannaayo 08, 2013 (HOL) — Mudanayaasha golaha Wakiiladda Somaliland, ayaa maanta cod aqlabiyad ah ku ansixiyey wasiirka Dib u jinta Somaliland Mr: Saleebaan Ciise Axmed (Xaglo Toosiye) iyo wasiir ku xigeenka macdanta, Tamarta iyo biyaha Somaliland Mr: Cabdisalaan Maxamed Xasan.

1/8/2013 6:47 AM EST
Talaado, Jannaayo 08, 2013 (HOL) — Iyadoo madaxweynaha Soomaaliya, Xasan Sheekh Maxamuud uu dhawaan sheegay in askarigii kufsi lagu helo uu xukunkiisu noqonayo dil toogasho; ayaa haddana haweenka ku jira xeryaha barakacayaasha ee Muqdisho ku yaalla waxay ka cabanayaan kufsi ay u geystaan ciidamada dowladda Soomaaliya iyo dad xiran dharka ciidamada.

1/8/2013 5:57 AM EST
Talaado, Jannaayo 08, 2013 (HOL) —Maamulka culumaa’udiinka Ahlusunna Wal-jameeca ee gobolka Gedo ayaa sheegay in dagaalladii ugu danbeeyay ee ka dhacay gobolkaasi ay ku guuleysteen in ay xoogagga Al-shabaab kala wareegaan dhul ballaaran oo ay uga sugnaayeen gobolkaasi.

1/8/2013 5:46 AM EST
Talaado, Jannaayo 08, 2013 (HOL) — Dowladda Talyaaniga oo muddo dheer gumeysanaysay gobollada Koonfureed ee Soomaaliya ayaa shaacisay inay ka caawin doonto dowladda cusub ee Soomaaliya tababarka ciidamada iyo wax-soo-saarka.

1/8/2013 1:21 AM EST
Talaado, Jannaayo 08, 2013 (HOL) — Ciidamada AMISOM ee ku sugan magaalada Baydhabo ee xarunta gobolka Bay ayaa lagu wareejiyay garoonka diyaaradaha ee Baydhabo, halkaasoo tan iyo bishii Feberaayo ee sannadkii hore ay gacanta ku hayeen ciidamada Itoobiya ee caawinaya kuwa dowladda Soomaaliya.

1/8/2013 1:20 AM EST
Talaado, Jannaayo 08, 2013 (HOL) — Afar qof oo ay ku jiraan saddex sarkaal oo ka tirsan saraakiisha booliiska Kenya iyo qof rayid ah ayaa ku dhaawacmay bambaano lagu weeraray xalay gaari ay wateen booliiska Kenya oo marayay bartamaha magaalada Gaarisa ee xarunta gobolka Waqooyi-bari-Kenya.