3/28/2024
Today from Hiiraan Online:  _
Wararka Maanta- Talaado, July 9 , 2013
Guddoomiyaha Baarlamanka Soomaaliya oo Muqdisho kula kulmay Madaxa Hay'adda Qoxootiga Adduunka ee UNHCR (SAWIRRO)


Talaado, July 09, 2013 (HOL) —  Guddoomiyaha baarlamaanka Soomaaliya ahna ku simaha madaxweynaha, Prof. Maxamed Sheekh Cismaan (Jawaari) ayaa maanta kula kulmay Muqdisho wafdi ka socday Qaramada Midoobay oo uu hoggaaminaya madaxa hay’adda qoxootiga adduunka ee UNHCR, Antonio Guterres.

Kulankan ayaa waxaa looga hadlay arrimo dhowr ah oo quseeya qaxootiga Soomaaliyeed ee ku nool dalalka Soomaaliya dariska la ah iyo kale ee caalamka, iyadoo la qorsheynayo in sannadkan shir looga hadlayo dib u soo celinta qoxootiga Soomaalida ee Kenya lagu qabto magaalada Nairobi.

Ra’iisul wasaare ku xigeenka ahna wasiiradda arrimaha dibadda Soomaaliya, Fowsiyo Yuusuf Xaaji Aadan ayaa ka mid ahayd xubnihii goobjoogga ka ahaa kulankan oo qaatay muddo saacado ah.

Guddoomiyaha baarlamaanka ayaa ku dhiirri-geliyay madaxa UNHCR inay hay'addu gacan ka geysato sidii qoxootiga Soomaalida ee ku nool dalaka ay Soomaaliya jaarka yihiin kuwa kale ee caalamka dib loogu soo celin lahaa Soomaaliya. Sidoo kalena ay u heli lahaayeen xuquuqdooda.

Sidoo kale, Jawaari ayaa soo hadal qaaday barakacayaasha ku nool gudaha Soomaaliya, isagoo ka dalbaday hay’adaha Qaramada Midoobay inay gacan ka geystaan sidii loo caawin lahaa barakacayaasha.

“Waxyaabaha wafdigan uu kala hadlay guddoomiyaha baarlamaanka waxaa ka mid ah sidii loo qaban lahaa shir u gaar ah qaxootiga Soomaaliyeed ee dalalka caalamka ku nool,” ayay tiri wasiiradda arrimaha dibadda oo markii uu kulanku soo dhammaaday la hadashay warbaahinta.

Madaxa hay'adda UNHCR, Antonio Guterres oo isaguna dhankiisa saxaafadda la hadlay ayaa sheegay in madaxda dowladda uu kala hadlay xaaladda ay ku sugan yihiin qoxootiga Soomaaliyeed ee dalalka dariska ah iyo sidii wax loogu qaban lahaa.

Antonio Guterres iyo wafdigiisa ayaa waxaa lagu wadaa inay booqasho ku tagaan xeryaha qoxootiga ee ay ku jiraan Soomaaliya oo ku yaalla dalalka Kenya iyo Itoobiya, kuwaasoo ah kuwa ugu waaweyn caalamka ee ay ku jiraan dad qoxooti ah.





Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/9/2013 4:15 PM EST
Talaado, July 9, 2013—Waxaa sanadwalba lagu qabtaa magaalada Stockholm ee dalka Sweden ciyaaraha xagaaga oo ay soo qabanqaabiyo Ururka SEUKI oo ka dhisan dalka Sweden.

7/9/2013 2:23 PM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa ka qaybgalay maanta xafladda maalinta xorriyadda dalka Koofurta Suudaan oo ay u dabaaldagtay sannad-guuradii labaad ee kasoo wareegtay markii ay xorriyadooda qaateen, iyadoo ay ka qaybgaleen madax kala duwan oo Qaaradda Afrika ka socotay sida madaxweynayaasha Ugandha, Rwanda, Botswana iyo mas’uuliyiin kala oo ka socday dalalka Afrika qaarkood.

7/9/2013 11:54 AM EST
Talaado, July 09, 2013 (HOL) — Jaalliyadda reer Jowhar ee ku dhaqan magaalada London ee dalka Britian ayaa xaflad soo dhaweyn ah xalay ugu sameeyay magaaladaas guddoomiyaha guddiga xuquuqul aadanaha, arrimaha bani'aadannimada, haweenka iyo carruurta baarlamaanka Soomaaliya, xildhibaanad Khadiijo Maxamed Diiriye.

7/9/2013 9:00 AM EST
Talaado, July 9, 2013(HOL)-Iyadoo dunida Muslinka caam ahaan laga soo dhaweenayo bisha Barakaysan ee Ramadaan ayaa gobolka Minnesota lagu qabtay kulan Muxaadarooyin ah oo isagu jiro khayrka bishan ay xanbaarsantahay iyo danbi dhaafkeeda.

7/9/2013 8:06 AM EST
Talaado, July 09, 2013 (HOL) — Ra’iisul wasaaraha Soomaaliya wafdi uu hoggaaminayo oo maanta dib ugu soo laabtay Muqdisho kaddib safar ay ku tageen magaalada Baydhabo ee xarunta gobolka Bay ayaa ka warbixiyay safarkooda, isagoo sheegay in waxybaahihii uu kala hadlay shacabka ku nool degmadaas ay isku afgarteen.

7/9/2013 7:48 AM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa xalay kulan la qaatay jaaliyadda Soomaaliyeed ee Koonfurta Suudaan, isagoo u jeediyay khudbad uu kula dar-daarmay Jaaliyadda.

7/9/2013 5:00 AM EST
Talaado, July 09, 2013(HOL) :- Waxaa goordhawayd suuqa Bakaaraha ee magaalada Muqdisho qarax lagula eegtay gaadiid nooca raaxada oo ay wateen askar ka tirsan ciidamada dowladda, iyadoona qaraxaasi uu sababay dhaawacyo soo gaaray laba askari.

7/9/2013 3:32 AM EST
Talaado, July 09, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Xaaji Max’uud Fiqi ayaa beeniyay in dowladda Soomaaliya ay wadahadallo kula jirto Sheekh Mukhtaar Rooboow Abuu Mansuur oo ka mid ah hogaamiyaasha sare ee Al-shabaab.