3/28/2024
Today from Hiiraan Online:  _
Wararka Maanta- Jimco, Jun 29, 2012
Madaxweynaha Somaaliya iyo Madaxweynaha Somaliland oo ku heshiiyay in la isku furo Ganacsiga Labada Dhinac
Jimco, June 29, 2012 (HOL) — Madaxweynaha Soomaaliya, Sheekh Shariif Sheekh Axmed iyo madaxweyne Axmed Maxamed Maxmauud (Siilaanyo) ayaa maanta kulan kale oo ay albaabbadu u xiran yihiin ku yeeshay magaalada Dubai, kaasoo la xusay inuu gabo-gabo u ahaa kulankii shalay dhacay.

Idaacadda ku hadasha afka dowladda Soomaaliya ayaa baahisay in kulanka labada madaxweyne uu kasoo baxay heshiis ku saabsan in la isku furo ganacsiga labada dhinac iyo in la hirgeliyo qodobbada heshiisyadii la gaaray.

"Madaxweynayaashu waxay isla garteen in la isku furo ganacsiga lana xoojiyo iyo in la dadku ay si nabadgalyo ah isugu gudbi karaan. Heshiiska maanta waxaa ka mid ah in la adkeeyo heshiisyada la gaaro," ayuu yiri wasiirka gaashaandhigga DKMG ah ee Soomaaliya oo shirkaas kaddib la hadlay raadiye Muqdisho.

Sidoo kale, wasiirku wuxuu sheegay in kulammadan ay caddeynayaan in Soomaaliya aysan kala maarmin, meel ay ku kala tagtana aysan jirin, isagoo xusay in labada madaxweyne ay maanta si wanaagsan u wada hadleen.

Maamulka Somaliland oo sannadkii 1991-kii ku dhawaaqay inuu ka go'ay Soomaaliya inteeda kale ayaa wuxuu deegaannada uu ka taliyo horay uga mamnuucay inay tegi karaan siyaasiyiinta ka tirsan dowladd Soomaaliya, iyadoo heshiiskan uu meesha ka saarayo xayiraaddii saarnayd siyaasiyiinta Koonfurta Soomaaliya, gaar ahaan kuwa kasoo jeeda Somaliland.

Madaxweynayaashan ayaa waxay shalay heshiis dhowr qodob ah ku gaareen Dubai kaddib kulankii ugu horreeyay oo ay muddo 20-sano ah yeeshaan labada mas'uul oo ka kala socda Soomaaliya iyo Somaliland oo aan weli aqoonsi helin.

Kulamadii ka dhacay dalka Imaaraadka Carabta arrinta ugu weyn ee kasoo baxday waxaa lagu tilmaami karaa kulanka dhexmaray Sheekh Shariif iyo Siilaanyo, iyadoo labada madaxweyne ay si laab furan ah isku gacan-qaadeen, waxayna kala tageen iyadoo mid walba uu qoslayo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/29/2012 3:30 PM EST
Jimce, June 29, 2012 (HOL)- Wasiirka Warfaafinta iyo Wacyigelinta Somaliland Boobe Yuusuf Ducaale, ayaa xalay Buug ay ku qoran yihiin Taariikh nololeedki iyo qaybo ka mid ah Suugaantii Abwaan: Cabdilaahi Suldaan Timacadde oo Af Ingiriisi ah ku soo bandhigay Hotel Maansoor ee magaaladda Hargeysa.

6/29/2012 10:02 AM EST
Jimco, June 29, 2012 (HOL) — Gudiga caalamiga ah ee laan-qeyrta cas (ICRC) ayaa ku sheegtay warbixin ay soo saartay maanta oo Jimco ah inay ka walaacsan tahay xaaladda shacab badan oo Soomaaliyeed, kuwaasoo weli u nugul cunto yari sanad kaddib markii ay bilaabatay abaarta, iyadoo hay'addu ay sheegtay in xalaaddu ay u muuqato mid sii jiri doonto taasoo ay ugu wacan tahay colaadaha iyo roob yarida jirta.

6/29/2012 9:35 AM EST
Jimco, June 29, 2012 (HOL) — Ciidammo iyo saraakiil ka tirsan booliiska Soomaaliya ayaa maanta markii ugu horreysay loo qaaday dalka Turkiga si ay tababar ugu soo qaataan, iyadoo taliyaha booliiska Soomaaliya uu sheegay in tani qayb ka tahay kaalmada uu Turkigu u fidinayo Soomaaliya.

6/29/2012 9:13 AM EST
Jimco, June 29, 2012 (HOL) — Xildhibaan Maxamed Cumar Geeddi oo kasoo jeeda gobolka Jubbada hoose ayaa ku eedeeyay Xarakada Al-shabaab inay doonayso in si khasab ah ay ku dagaal geliso shacabka ku nool magaalada Kismaayo, gaar ahaan dhallinyarada.

6/29/2012 9:12 AM EST
Jimco, June 29, 2012 (HOL) — Dibadbax ballaaran oo lagu taageerayay shirkii dhex-maray madaxweynaha Soomaaliya, Sheekh Shariif iyo madaxweynaha Somaliland, Axmed Siilaanyo ayaa maanta ka dhacay garoonka kubadda cagta ee Koonis Istaadiyum.

6/29/2012 8:38 AM EST
Safiirka Soomaalida u fadhiya dalka Kenya Maxamed Cali Nuur (Ameeriko) oo warbaahinta la hadlay ayaa ka codsaday dadka Soomaaliyeed ee ku dhaqan dalka Kenya inay u diyaar garoobaan xuska sannad guuradii 52-aad ee kasoo wareegatay markii ay Soomaaliya noqotay Jamhuuriyad madaxbannaan.

6/29/2012 8:02 AM EST
Jimco, June 29, 2012 (HOL) — Kooxo hubeysan ayaa afar shaqaale samafal ah oo u shaqeynayay haya'dda Norwegian Refugee Council (NRC) ka afduubay maanta deegaanka Dhadhaab ee dalka Kenya oo ku dhow soohdinta ay wadaagaan Soomaaliya iyo Kenya.

6/29/2012 7:31 AM EST
Jimco, June 29, 2012 (HOL) - Scott Gration ayaa la sheegay inuu is casilaadiisa u gudbiyay isniintii hore madaxweynaha dalka Maraykanka Barrack Obama iyo xoghayaha arrimaha dibada Hillary cilinton.

6/29/2012 7:29 AM EST
Jimco, June 29, 2012 (HOL) — Madaxweynaha Puntland, C/raxmaan Sheekh Max'ed Faroole ayaa kasoo horjeestay qodobbadii kasoo baxay kulankii Dubai ku dhex-maray madaxweynaha Soomaaliya, Sheekh Shariif Sheekh Axmed iyo madaxweynaha Somaliland, Axmed Maxamed Maxmauud (Siilaanyo).

6/29/2012 7:24 AM EST
Jimco, June 29, 2012 (HOL) — Afhayeenka maamulka gobollka Hiiraan Max’ed Nuur Caga-joof oo la soo xiriiray HOL ayaa waxba kama jiraan ku sheegay in weerar loo adeegsaday miino lagula eegtay magaalada Beledweyne ciidamada Itoobiya ee gacanta ku siinaya kuwa maamulka gobolka.