8/13/2022
Today from Hiiraan Online:  _
Wararka Maanta- Arbaco, Dec 19, 2012
Hay'adda UNHCR oo sheegtay inay sii wadayso diiwaan-gelinta Qoxootiga ku sugan gudaha dalka Kenya
Arbaco, December 19, 2012 (HOL) — Hay'adda qoxootiga adduunka ee UNHCR ayaa sheegtay inay sii wadayso diiwaan-gelinta qoxootiga ku nool magaalooyinka Kenya, iyadoo dowladda Kenya ay dhawaan sheegtay inay xirtay xafiisyadii lagu diiwaan-gelin jiray qoxootiga.

Afhayeenka UNHCR, Mr. Emmanuel Nyabera ayaa sheegay in hay'addoodu ay sii wadi doonto howsha lagu diiwaangelinayo qoxootiga soo galaya Kenya iyo kuwa ku  sugan gudaha Kenya. Wuxuuna xusay inay u fidinayaan taageero caafimaad.

"Howlaha aan ku caawinayno qoxootiga ma joojinayno, laakiin wadahadal ayaa inoo socda innaga iyo xukuumadda Kenya," ayuu yiri Lamented oo ka mid ah saraakiisha hay'adda qoxootiga adduunka ee UNCHR.

Mr. Nyabera ayaa sheegay in laba maalmood oo kulammo ah kaddib ay xukuumadda Kenya go'aansatay inay joojiso diiwaangelinta qoxootiga ku sugan magaalooyinka, balse waxay ogolaatay in arrimaha ku saabsan aqoonsiga qoxootiga laga soo billaabo xeryaha.

"Innagoo tixgelinayna sharciyada qoxootiga waan kala hadlaynaa dowladda Kenya go'aankii ay gaartay, weli waxaa socda wada-xaajood ku saabsan tallaabada ay qaadatay Kenya, waxaana wadahadalka ku jira in la sugo ammaanka iyo in la ilaaliyo xuquuqda qoxootiga," ayuu yiri Nyabera.

Ugu dambeyn, afhayeenku wuxuu hadalkiisa kusoo gabgabeeyay: "Qoxootiga Soomaalida ah ee Kenya soo galaya dhibaatooyin badan ayay soo maraan, sidoo kale ma ahan mid la isku halleyn karo ammaanka xuduudaha labada dal."

Qoxootiga Soomaalida ah ee ku nool dalka Kenya ayaa tiradooda lagu sheegay inay gaarayaan 1.1 milyan iyadoo 735,800 oo qoxooti ah ay fursad u heleen inay iska diiwaangeliyaan xafiisyada hay'adda qoxootiga adduunka ee UNCHR.

Hadalka UNCHR ayaa wuxuu imaanayaa xilli dhawaan uu saxaafadda ka sheegay madaxa waaxda arrimaha qoxootiga Kenya, Badu Katelo uu ugu baaqay qoxootiga ku nool magaalooyinka inay dib ugu laabtaan xeryaha qoxootiga Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/19/2012 3:02 PM EST
Arboco, December 19, 2012 (HOL) - Kadib qaraxyo iyo weeraro is xigxigay oo ka dhacay xaafadda Islii ee ay Soomaalida ugu badan ka deggan tahay Nairobi caasimadda dalka Kenya ayaa waxay Hay'adda qaxootiga u qaabilsan qaramada midoobay ee UNHCR iyo dowladda Kenya ay isku waafaqeen in Qaxootiga Soomalaida ee ku sugan magaalooyinka kala duwan ee Kenya ay iska xaadiriyaan xeryaha Qaxootiga ee Kakuma ama Dadaab.

12/19/2012 8:33 AM EST
Arbaco, December 19, 2012 (HOL) — Markab la yiraahdo MV Daesan oo waddanka waqooyiga Kuuriya laga leeyahay oo 18-kii bishii hore ee November ay ciidamada badda Puntland kasoo qabteen meel dhowr iyo toban mayl u jirta Boosaaso xilli uu badda sibir (Shimiito) ku daadinayay ayaa lala baxsaday.

12/19/2012 8:19 AM EST
Arbaco, December 19, 2012 (HOL) — Madaxweynaha Soomaaliya, Xasan Sheekh Maxamuud ayaa maanta ku qaabilay madaxtooyada Soomaaliya ergayga gaarka ah ee Qaramada Middobay u qaabilsan arrimaah Soomaaliya danjire, Augustine Mahiga.

12/19/2012 8:05 AM EST
Arbaco, December 19, 2012 (HOL) — Dowladda Puntland ayaa si kulul uga jawaabtey eedeymo dhowr ah oo uu maanta u jeediyey Jen. Cabdullaahi Siciid Samatar oo ah siyaasi horay xilal kala duwan uga soo qabtay Puntland, dhowaanna shaaciyey in uu yahay musharrax u taagan xilka madaxweyne-nimada.

12/19/2012 7:45 AM EST
Arbaco, December 19, 2012 (HOL) — Jen. Cabdilaahi Siciid Samatar oo ah siyaasi horay xilal kala duwan uga soo qabtay Puntland, dhawaanna sheegay inuu yahay musharrax u taagan xilka madaxtinimada ee Puntland ayaa waraysi uu maanta oo Arbaca ah bixiyay kaga hadlay arrimo badan.

12/19/2012 7:29 AM EST
Arbaco, December 19, 2012 (HOL) — Askari ka tirsan ciidamada dowladda Somalia ayaa baqonimadii maanta ku dhaawacay afaafka hore ee madaxtooyada sarkaal ka tirsanaa xarunta madaxtooyada, iyadoo askariga uu markiiba goobta ka baxsaday.

12/19/2012 7:05 AM EST
Arbaco, December 19, 2012 (HOL) — Kooxo hubeysan oo la sheegay inay wateen mootooyin ayaa maanta barqonimadii ku toogtay magaalada daarusalaam ganacsade Soomaali ah, iyagoo ka dhacay lacago fara badan oo uu watay.

12/19/2012 5:59 AM EST
Arbaco, December, 19, 2012 (HOL) – Xilli xaalado nolaleed oo aad u liita ay soo food saareen kumanaan qoysas ah oo bishii September ka barakacay fatahadii ku dhuftaay magaalada Baladweyne, ayaa dhinaca kale waxaa soo baxaya in la la lunsaday lacago malaayiin doolar ah oo ay hay’addaha safamalka ugu talagaleen in lagu kaalmeeyo dadka dhibaateysan.

12/19/2012 2:00 AM EST
Arbaco, December 19, 2012 (HOL) — Dowladda Kenya ayaa amar ku siisay qoxootiga Soomaalida ah ee ku nool magaalooyinka Kenya inay dib ugu laabtaan xeryaha qoxootiga, gaar ahaan xeryaha adduunka ugu weyn ee Dhadhaab.

12/19/2012 1:40 AM EST
Arbaco, December 19, 2012 (HOL) — Ciidammo ka tirsan kuwa dowladda Soomaaliya oo tiradooda lagu sheegay in ka badan boqol askari ayaa sameeyay gadood, kuwaasoo sheegay inaysan wax mushaaraad iyo xuquuq ah ka helin dowladda Soomaaliya muddo bilooyin ah.