Jimco, Ogoosto 17, 2012 (HOL) — Taliyaha ciidanka booliiska Soomaaliya, Jen. Shariif Sheekhunaa Maye ayaa la sheegay inuu bixiyay amar lagu soo xiray gacan-yaraha ugaaska Beesha Tunni oo ka mid ah beelaha Soomaaliyeed, kaasoo horay logoa saaray shirka odyaasha dhaqanku ay ku leeyihiin Muqdisho.
Suldaan Fiqi Sayid Suldaan Fiqi oo ah suldaanka beesha Tunni oo u warramay HOL isagoo ku sugan Muqdisho aya sheegay in ciidammo ka amarqaata taliyaha booliiska Soomaaliya ay xoog ku galeen guriga xoghayntiisii oo lagu magacaabo Cabdullaahi Sheekh Cabdi (Xabeeb).
"Ciidammo ka tirsan booliiska oo tiradoodu tahay 12 askari oo uu watay sarkaal lagu magacaabo Maxamed Jeylaani maxamed oo awoowe uu yahay taliyaha ayaa ugu dhacay gurigiisa xoghayahayga, waxayna u taxaabeen xabsiga oo uu illaa iyo hadda ku xiran yahay," ayuu yiri Suldaan Fiqi.
Sidoo kale, Suldaanku wuxuu hadalkiisa ku daray in maalin walba jirdil lagu sameeyo xoghayihiisa oo u xiran sida uu sheegay sababo la xiriira inuu warbaahinta dhowr jeer ka sheegay in suldaanka beesha Tunni uu yahay Suldaan Fiqi Sayid Suldaan Fiqi.
"Xariga xoghayahayga lagu haysto waa mid sharci-darro ah, waxaana dacwaddiisu ay u gudubtay xeer ilaalinta Qaranka; kamana daalayno dacwaddiisa inta uu dib u helayo xorriyadiisa," ayuu yiri Suldaan Fiqi.
Taliyaha ciidanka booliiska DKMG ah weli kama uusan jawaabin eedeynta kaga timid Suldaanka beesha Tunni oo uu kasoo jeedo, waxaana xariga xoghayaha gaarka ah ee Suldaan Fiqi lagu sheegay inay qayb ka tahay cadaalad-darada lagu hayo qaar ka mid ah duubabka Soomaaliyeed.
Hiiraan Online; News Desk
Taliyaha Ciidanka Booliiska Soomaaliya oo bixiyay amar lagu soo xiray Gacan yarihii Suldaanka beesha Tunni
More News
- Xaflad lagu taageerayay Murashax Dr C/raxmaan Baadiyow oo lagu qabtay Magaalada Stockholm (SAWIRRO)
- Liiska Xubnaha Barlamaanka Federaalka ee Soomaaliya
- Madaxweynaha Soomaaliya iyo Danjire Mahiga oo kulmay hadalna soo saaray
- Dhallinyaro Qurbaha ka timid oo booqday Xarun lagu Tababaro Dhallinyaro dagaalladu ay saameyn ku yeesheen
- Xildhibaan Maxamed Ibraahim Xaabsade oo iska diiday inuu ka mid yahay Hogaamiye Kooxeedyada Soomaaliya
- Hay'adda gargaarka Qalam oo Raashin Sakaatul Fidri ah u qaybisay Boqolaal Qoys oo ku nool Baydhabo iyo Hareeraheeda
- Xarrakada Al-shabaab oo la wareegtay gadiid siday raashin gargaar ah oo loo waday deegaanno ka tirsan Gobolka Hiiraan
- Hay'adihii Samafalka ee dalka Turkiga oo intoodii badnaa Xilliga Kala-guurka Awgiis uga baxay Magaalada Muqdisho
- Booliiska AMISOM iyo Booliiska Dowlada KMG ah ee Soomaaliya oo maanta socod ku maray Waddooyinka Muqdisho Qaarkood
- Hay'adda Laanqeyrta Cas ee ICRC oo Gargaar Cunno ah u qaybisay 420,000 oo Qof oo ku nool Magaalada Muqdisho
- Ururka Midowga Afrika oo sheegay in AMISOM aysan Faragelin ku sameyn doonin Doorashada Madaxnimo ee Soomaaliya
- Ururka Al-shabaab iyo Kenya oo guulo ka kala sheegtay dagaal ka dhacay deegaanka Faafax-dhuun ee Gobolka Gedo